مروحة الردايتير هتجنني

[hesham1978mmmm]

انا عندي مروحة الراديتير بتشتغل فترة طويلة اوي مش عارف ليه مع انها مكنتش كده الكلام ده لسه ظاهر من شهر وروحت التوكيل غيرو ترموستات الكوعة ولكن لسه المشكلة موجودة هي العربية مش بتسخن بس المروحة بتشتغل فترات كبيرة اوي لدرجة ان احيانا باليل وبيكون الجو حلو وسايق علي 120كم واول ما اهدي عشان مثلا في مطب او اركن علي جنب الاقي المروحة شغالة ولو ركنت العربية بعد مشوار ساعة مثلا مجرد لما ادور العربية بعدها ب 30 ثانية المروحة تشتغل واول ما افصل الكونتاكت تطفي تاني مع ان المكفروض المروحة ملهاش دعوة بالكونتكت لانها بتشتغل علي د\رجة الحرارة مش عارف اعمل ايه في الناس التعبانة فنيين التوكيل ممكن اروح لمين او للخبراء ممكن يكون العيب في ايه

[Motarjim]

متابع - خير إن شاء الله.

[K3A]

انا عندي مروحة الراديتير بتشتغل فترة طويلة اوي مش عارف ليه مع انها مكنتش كده الكلام ده لسه ظاهر من شهر وروحت التوكيل غيرو ترموستات الكوعة ولكن لسه المشكلة موجودة هي العربية مش بتسخن بس المروحة بتشتغل فترات كبيرة اوي لدرجة ان احيانا باليل وبيكون الجو حلو وسايق علي 120كم واول ما اهدي عشان مثلا في مطب او اركن علي جنب الاقي المروحة شغالة ولو ركنت العربية بعد مشوار ساعة مثلا مجرد لما ادور العربية بعدها ب 30 ثانية المروحة تشتغل واول ما افصل الكونتاكت تطفي تاني مع ان المكفروض المروحة ملهاش دعوة بالكونتكت لانها بتشتغل علي د\رجة الحرارة مش عارف اعمل ايه في الناس التعبانة فنيين التوكيل ممكن اروح لمين او للخبراء ممكن يكون العيب في ايه

حضرتك أمرين تراجع عليهم... أولا: ان مياه الراديتير مش ناقصه ... ثانيا :وانت سائق ..الحرارة لا تزيد عن 85-90 ... كذلك الحال و انت بتركن بعد مشوار طويل او بتهدي عن مطب او خلافه ان مؤشر الحرارة لا يزيد عن معدله السابق ... لو الامرين دول تمام يبقى لا داعي للقلق ... و المروحة فعلا بتفصل مع الكونتكت مش زي الريجاتا وده عشان متفضيش البطاريه ... وخصوصا ان العربية حتبرد لوحدها لو مش دايره .... الا في بعض الحالات النادرة اللى الحرارة بتزيد فيها عن 90 ساعتها بس حتى لو فصلت الكونتنكت حتلاقى المروحة شغالة ...

تحياتي

[hesham1978mmmm]

حضرتك أمرين تراجع عليهم... أولا: ان مياه الراديتير مش ناقصه ... ثانيا :وانت سائق ..الحرارة لا تزيد عن 85-90 ... كذلك الحال و انت بتركن بعد مشوار طويل او بتهدي عن مطب او خلافه ان مؤشر الحرارة لا يزيد عن معدله السابق ... لو الامرين دول تمام يبقى لا داعي للقلق ... و المروحة فعلا بتفصل مع الكونتكت مش زي الريجاتا وده عشان متفضيش البطاريه ... وخصوصا ان العربية حتبرد لوحدها لو مش دايره .... الا في بعض الحالات النادرة اللى الحرارة بتزيد فيها عن 90 ساعتها بس حتى لو فصلت الكونتنكت حتلاقى المروحة شغالة ...

تحياتي

بس مكنتش كده خالص انا كنت احيانا في الجو النار اوي انزل ابطل
العربية المروحة تفضل شغالة شوية وبعدين تفصل بس دلوقتي بتشتغل علي طول تفصل ثواني وتشتغل دقايق وبعدين اول ما ابطل العربية تفصل واول ما اشغل العربية تشتغل والمياه مرة واحد بس لقيتها ناقصة زودتها بي مؤشر الحرارة ثابت

[Motarjim]

بس مكنتش كده خالص انا كنت احيانا في الجو النار اوي انزل ابطل
العربية المروحة تفضل شغالة شوية وبعدين تفصل بس دلوقتي بتشتغل علي طول تفصل ثواني وتشتغل دقايق وبعدين اول ما ابطل العربية تفصل واول ما اشغل العربية تشتغل والمياه مرة واحد بس لقيتها ناقصة زودتها بي مؤشر الحرارة ثابت

طيب ما تحاول يا أستاذ هشام تكشف على دورة التبريد، والتأكد من عدم وجود تسريب سواء من الرادياتير أو الخراطيم أو ما إلى ذلك. إن شاء الله خيرًا

[mido_soliman]

ركب ترموستات تااااااااااااااااااانى غير اللى انت ركبتة
لانة بااااااااااااااااااااااااااااااايظ بردة
ولازم ياخدوا هوااااااااااااااااا كويس ويتاكدوا ان المروحة بتشتغل وتفصل بعد تركيب الثرموستات الجديد وسحب الهوا

[hesham1978mmmm]

النهاردة روحت التوكيل فرع العجوزة وبصراحة اثنين مهندسين في قمة الذوق والأحترام قولتله علي المشكلة قالي طاما المروحة بتفصل يبقي مفيش مشكلة وبعدين حط الكمبيوتر في العربية وقالي الحرارة علي الكمبيوتر 93 والمروحة بتفضل شغالة وفصلت علي 89 وجربها كذا مرة وقالي مفيش مشكلة بس بصراحة انا مش مرتاح لان المروحة بتفضل دايرة كتير جدا

[Motarjim]

النهاردة روحت التوكيل فرع العجوزة وبصراحة اثنين مهندسين في قمة الذوق والأحترام قولتله علي المشكلة قالي طاما المروحة بتفصل يبقي مفيش مشكلة وبعدين حط الكمبيوتر في العربية وقالي الحرارة علي الكمبيوتر 93 والمروحة بتفضل شغالة وفصلت علي 89 وجربها كذا مرة وقالي مفيش مشكلة بس بصراحة انا مش مرتاح لان المروحة بتفضل دايرة كتير جدا

السلام عليكم أستاذ هشام،

طيب ما تعرضها يا أستاذ هشام على حد أخصائي رادياتيرات كويس، يطمن حضرتك، ويؤكد لحضرتك هل فعلاً الثرموستات الكوع بايظ ومحتاج يتغير، أم تقليب طلبمة المياه ضعيف، أم هناك سبب آخر، وإن شاء الله اعتقد الموضوع بسيط.

بغض النظر عن مشكلة مروحة التكييف دي، ما هو تقييمك للعربية بوجه عام؟

[a7mad_mo7amad6]

افصل البطاريه بالليل وارجع ركبها الصبح
الكمبيوتر هيعمل ريسيت
اتوقع تهييس ككبيوتر
انا كان عندي مشكله ان المروحه بتفضل شغاله بعد مفضل الكونتاكت بالعشر دقايق
وبعد دوخه السنين متظبطتش غير لما عملت البقول عليه ده

[osamashawky]

ممكن حضرتك برضه عند اي حد بتاع راديتير كويس يشوفلك دورة المية و ينضفها و هتتفاجئ بكمية الشوائب اللي خارجة

[hesham1978mmmm]

السلام عليكم أستاذ هشام،

طيب ما تعرضها يا أستاذ هشام على حد أخصائي رادياتيرات كويس، يطمن حضرتك، ويؤكد لحضرتك هل فعلاً الثرموستات الكوع بايظ ومحتاج يتغير، أم تقليب طلبمة المياه ضعيف، أم هناك سبب آخر، وإن شاء الله اعتقد الموضوع بسيط.

بغض النظر عن مشكلة مروحة التكييف دي، ما هو تقييمك للعربية بوجه عام؟

بصراحة عربية جميلة شكل وموتور قوي وثبات ماشاء الله بس بصراحة محتاجة تكون صبور عليها شوية عشان التوكيل زبالة والفنيين علي ادهم بس العربية جميلة جدااااااااااااا

[D . a .\ AYMAN]

افصل البطاريه بالليل وارجع ركبها الصبح
الكمبيوتر هيعمل ريسيت
اتوقع تهييس ككبيوتر
انا كان عندي مشكله ان المروحه بتفضل شغاله بعد مفضل الكونتاكت بالعشر دقايق
وبعد دوخه السنين متظبطتش غير لما عملت البقول عليه ده

احتمال قوي جدا فعلا ... جربه وقلنا فرقت ولا لأ .. لأن ساعات الكمبيوتر بيكون مهنج في نقطة وعينة ويفضل يعملها لوب

[ahmedfair]

ارجوك تأكد من دورة التبريد روح التوكيل او اي مركز صيانة و قولو يعملك كبس للرادياتير عشان تتاكد ان الرادياتير ما بيسربش لان ان كان بيحصل معايا كدة و شالولي كوع الترموستات و طلعت المشكلة رادياتير و جبت وش سلندر بعد ما المشكلة تفحلت

[smsm_sonic]

حصلت معايا وغيرت غطاء الريداتير اتظبطت

[hesham1978mmmm]

ارجوك تأكد من دورة التبريد روح التوكيل او اي مركز صيانة و قولو يعملك كبس للرادياتير عشان تتاكد ان الرادياتير ما بيسربش لان ان كان بيحصل معايا كدة و شالولي كوع الترموستات و طلعت المشكلة رادياتير و جبت وش سلندر بعد ما المشكلة تفحلت

ممكن يا باشا توضح اكثر يعني ايه كبس رادياتير وايه علاقته بوش السلندر