جنوط للساجا

[ahmedfair]

السلام عليكم
كنت باشتكي من رجة في الدركسيون و قلتلهم النهاردة في التوكيل قالولي في جنطين لازم يتغيروا فالسؤال دلوقتي ايه سعر الجنوط في التوكيل ؟و لو حبيت اعملهم برة هل في مكان كويس ؟ وهل في حل غير اني اجيب جنوط جديدة ؟

[Motarjim]

السلام عليك أستاذ أحمد،

هي العربية موديل كام؟ حضرتك أخد بيها مطب جامد أدى إلى اعجواج الجنوط؟ إن كان العربية دي موديل حديث، فهل الرجة دي من وقت استلامها؟ عايز اوصل مع حضرتك إلى مدى امكانية تغيير الجنوط في الضمان، أم أنه لا يسري عليها؟

[ahmedfair]

العربية موديل ٢٠١٠ والرجة لسة قريبة و المطبات الي خدتها بسرعة كانت زمان جدا يمكن بعد ما استلمت العربية بشهر ولا شهرين

[Motarjim]

العربية موديل ٢٠١٠ والرجة لسة قريبة و المطبات الي خدتها بسرعة كانت زمان جدا يمكن بعد ما استلمت العربية بشهر ولا شهرين

تمام. الجنود عند حضرتك حديد، ولا سبور؟

[ahmedfair]

مش عارف مش الساجا موديل واحد بينزل منها ؟

[Motarjim]

مش عارف مش الساجا موديل واحد بينزل منها ؟

اعتقد أن بينزل منها مودلين، أوتوماتيك ومانويل جميع الكماليات. هو فعلا جنوط الساجا سبور مقاس 15. أظن حضرتك محتاج ترصيص لزق لها، ممكن حضرتك تروح إلى مكان محترم لإجراء الترصيص، مثلا بريدجستون، أو ما قد يقترح السادة ملاك الساجا. إلا إذا كان الجنوط فيها لوحة جامدة، ولا ينفع معها ترصيص. والله اعلم، ممكن حضرتك تنظر آراء باقي الأعضاء، يفيدوا أكثر مني إن شاء الله.

[ahmedfair]

جزاكم الله خيرا انا ان شاء الله رايح بريدج ستون اشوف حايقولوا ايه

[eng.m7md.ali]

جنوط الساجا سبور مقاس 14 وليس 15
لو فعلا في لوحة في الجنوط ممكن حضرتك تستعدله في اي مخرطة في الحرفيين وبيرجع زي ماكان
اما لو تحب تغير وتجيب مقاس اكبر مثلا 16 او 15 هتلاقي العملية كويسة معاك :)

[haissam24h]

روح اى بتاع كاوتش عنده جهاز كمبيوتر ترصيص وشوف هيقولك الجنط فيه شى ولا لا
ولو لقدر الله طلع المشكله فى الجنوط

الافضل تشترى 4 مش هيعدو 2000 ج وتريح بالك لانك هتلاقى سعر الجنط فى التوكيل بثمن ال4 وان شاء الله خير ويطلع الموضوع كله ترصيص

[ahmedfair]

طب حضرتك تعرف مكان كويس في الحرفيين يعمل الموضوع ده؟
وايه فايدة اني اجيب جنط اكبر
انا حاروح الأول بريدجستون حاشوف حايقول ايه

[Kareem.ElAraby]

متابع

[Motarjim]

طب حضرتك تعرف مكان كويس في الحرفيين يعمل الموضوع ده؟
وايه فايدة اني اجيب جنط اكبر
انا حاروح الأول بريدجستون حاشوف حايقول ايه

السلام عليك،

لو اضطررت تروح الحرفيين لاستعدال الجنوط، في مخرطة هناك صاحبها واحد اسمه محسن غريب، وقبلها بخطوات واحد اسمه علي المطراوي، بس اعتقد محسن غريب أفضل، لأنه شغال كويس ما شاء الله، بس هتلاقيه غالي شوية. عنوانه لو أنت جاي الحرفيين من جسر السويس هتكمل عالطول - لو من ناحية الدائري، ونزلت نزلة السلام، هتدخل شمال- بعد مسجد العزيز بالله هتلاقي بجواره موقف ميكروباص، وهيقابلك أول تقاطع على رأسه عربية فول، أدخل شمال، تسيب أول بلوك على إيدك اليمين، محسن غريب في البلوك اللي بعده مباشرةً، وهتلاقي على المطراوي أول بلوك على إيدك الشمال. ولو تهت هناك، ممكن تسأل على "المطراوي" بتاع الشكمانات، أو الصعيدي لقطع غيار الفيات، المخرطتان بالقرب منهما. ولو حد تاني من أخوانا الأعضاء يعرف حد هناك، يتفضل يقولنا عليه.

وأبقى طمنا عملت إيه، وإن شاء الله خير.

[eng.m7md.ali]

محسن غريب شغله حلو
انا لسة عامل عنده جنط اتلوح مني بسبب مطب
خد 80 جنيه والجنط رجع جديد

[medo_tourkey]

انا كنت جربت في الحرفين برضه الثلاثي للجنوط وجربت شغله وطلع كويس الحمد لله

[m_elhasafy]

روح لبريدجستون و خليه يحطهم على جهاز الترصيص ولو الجنط معووج هيبان على طول
أنا إستعدلت جنط عند أشرفكو اللى قدام محطة مترو المطرية ب 70 جنية
الجنط إستعدله على البارد و رجع زى الأول بس إتخربش شوية من مكنة الكبس
أنا رأى تجرب تستعدل الجنوط الأول قبل ما تدفع تمن طقم جديد و ممكن ما يعجبكش لإنى ما أنصحكش إنك تغير الجنوط الفابريكة إلا بنوع أحسن زى O.Z أو mo mo بس يكونوا أصلى و دول سعرهم غالى قوى يعنى تقريباً بسعر الجنط فى التوكيل اللى هو 1250 جندى للجنط
الكارثة إنك هتدوخ على المقاس بتاعنا فى الأنواع دى لأن مقاسنا متصنف على إنه City Car !!!