برسونا 2013...بلا تغيير...بزيادة في التسعير!

[Motarjim]

السلام عليكم،

شباب بروتون الكرام،

تحية طيبة وبعد،

كنت راجع من الأسكندرية من كام يوم، فقولت أعدي على عز العرب، اتفرج فرجة سريعة على البرسونا؛ لأني أفكر في شرائها جديًا بإذن الله، لما ربنا ييسر لي في توفير سعرها. المهم قابلت الأستاذ محسن صالح، وهو شخص محترم وودود على ما يبدو، فسألت عن موعد نزول برسونا 2013، قالي: بعد شهر ونصف إن شاء الله. فسألته: هل في تغيير مقارنةً بموديل 2012، قالي: لا تغيير، هي هي. ولكن عقّب قائلاً: بس احتمال سعرها هيزيد ألفين أو ثلاثة آلاف.

فسألته: طالما مافيش تغيير أو تعديل، ليه الزيادة؟ قالي: دي زيادة الموديل الجديد. مفهمتش صراحةً، ولكن قولت في نفسي، ممكن ده بسبب تغير سعر صرف الدولار، وانخفاض قيمة الجنيه في مقابل الدولار. والله أعلم.

فسؤالي: هل فعلاً سعرها هيزيد، حد عنده أي أخبار؟

جزاك الله خيرًا مقدمًا على الردود والمشاركة.

[amrelsha3er]

انا فعلا كنت مكلم استاذ محسن من شهر تقريبا للسؤال عن ال2013
واكدلى فعلا ان لا جديد ولكن سيتم زياده من الفين الى 3الاف

[Al-Farooq]

ان شاء الله مفيش زيادة سعرها على الاقل لحد قبل لحد نص عام 2013 ،
و إذا مكنتش غلطان هي سعرها رفع قبل كدة فى شهر 4 تقريبا ، ففيها لحد شهر 4 او 5 السنة الجاية على الاقل علشان يحصل زيادة على السعر
هو بيقول كدة دايماً على فكرة احتياطياً ^^

[amrelsha3er]

نظريه برضو:d
وياسيدى كلهم 2000ج فى سبيل2013 وكل عام وانتم بخير

[Motarjim]

نظريه برضو:d
وياسيدى كلهم 2000ج فى سبيل2013 وكل عام وانتم بخير

تمام يا أستاذ عمرو، واعتقد حتى لو زادت المبلغ ده، إن شاء الله، بيكون في تفاوض وخصم مع الكاش قد يصل لألفين مثلاً، فممكن ترسى على السعر المعلن حاليًا بتاع 2012.

بس أحد الأخوة المحترمين من ملاك البرسونا 2012 أخبرني أنه في عيب عام في هذا الموديل؛ وهو تركيب القنطرة الأمامية بشكل خاطئ، مما يؤدي إلى عدم ضبط الزاويا بشكل سليم، والكلام ده أخبره به مهندس في التوكيل.

لعله خير إن شاء الله. وربنا يقدر الخير للجميع.

[moh2015]

تمام يا أستاذ عمرو، واعتقد حتى لو زادت المبلغ ده، إن شاء الله، بيكون في تفاوض وخصم مع الكاش قد يصل لألفين مثلاً، فممكن ترسى على السعر المعلن حاليًا بتاع 2012.

بس أحد الأخوة المحترمين من ملاك البرسونا 2012 أخبرني أنه في عيب عام في هذا الموديل؛ وهو تركيب القنطرة الأمامية بشكل خاطئ، مما يؤدي إلى عدم ضبط الزاويا بشكل سليم، والكلام ده أخبره به مهندس في التوكيل.

لعله خير إن شاء الله. وربنا يقدر الخير للجميع.

يا ريت تقولي مين من ملاك البيرسونا قال لحضرتك الكلام ده

[Motarjim]

يا ريت تقولي مين من ملاك البيرسونا قال لحضرتك الكلام ده

السلام عليك أستاذ moh2015،

أفضل ألا أذكر اسمه؛ إن شاء هو، تفضل بالمداخلة في الموضوع، وحكى تجربته. ممكن حضرتك تتكرم وتقول لنا، هل صادفت مشكلة القنطرة الأمامية دي في سيارة حضرتك برسونا 2012؟

وشكرًا لرد حضرتك، ومرورك العطر.

[moh2015]

السلام عليك أستاذ moh2015،

أفضل ألا أذكر اسمه؛ إن شاء هو، تفضل بالمداخلة في الموضوع، وحكى تجربته. ممكن حضرتك تتكرم وتقول لنا، هل صادفت مشكلة القنطرة الأمامية دي في سيارة حضرتك برسونا 2012؟

وشكرًا لرد حضرتك، ومرورك العطر.

مش عارف حضرتك مش عايز تذكر اسمه ليه أنا شايف انها حاجة مش سر يعني
انا كنت بعاني من حدفة يمين بس اقنعوني في التوكيل انها عيب طريق فكنت عايز اتكلم معاه اكتر عشان أفهم الموضوع أكتر

[Motarjim]

مش عارف حضرتك مش عايز تذكر اسمه ليه أنا شايف انها حاجة مش سر يعني
انا كنت بعاني من حدفة يمين بس اقنعوني في التوكيل انها عيب طريق فكنت عايز اتكلم معاه اكتر عشان أفهم الموضوع أكتر

السلام عليك أستاذي الفاضل،

عفوًا يا أخي الكريم، غلب على ظني نظرًا لتواصلي معه عبر المراسلة الخاصة أنه من قبيل احترام الخصوصية ألا اذكر اسمه.
ولكن طالما أن الموضوع يصب بالنفع والإفادة لك وللجميع، فمن واقع تواصلي مع الآخ المحترم، فهو أحق بالنصح، وأهلٌ للمشورة، وهو قد أشار إلي كيفية حل المشلكة، واعتقد انه الموضوع بسيط. الأخ الفاضل الذي تواصلت معه، وأخبرني بهذه المشكلة هو الأستاذ D . a .\ AYMAN، وهو مقلٌ في الدخول على المنتدي في الأونة الأخيرة على ما أحسب. واتمنى أن أرى مشاركاته الفعالة قريبًا.

عذرًا إن كنت تمنعت عن الإجابة عليك بادئ الأمر.

[moh2015]

السلام عليك أستاذي الفاضل،

عفوًا يا أخي الكريم، غلب على ظني نظرًا لتواصلي معه عبر المراسلة الخاصة أنه من قبيل احترام الخصوصية ألا اذكر اسمه.
ولكن طالما أن الموضوع يصب بالنفع والإفادة لك وللجميع، فمن واقع تواصلي مع الآخ المحترم، فهو أحق بالنصح، وأهلٌ للمشورة، وهو قد أشار إلي كيفية حل المشلكة، واعتقد انه الموضوع بسيط. الأخ الفاضل الذي تواصلت معه، وأخبرني بهذه المشكلة هو الأستاذ d . A .\ ayman، وهو مقلٌ في الدخول على المنتدي في الأونة الأخيرة على ما أحسب. واتمنى أن أرى مشاركاته الفعالة قريبًا.

عذرًا إن كنت تمنعت عن الإجابة عليك بادئ الأمر.

متشكر جدا يا فندم على المساعدة

[Amr Axel]

طب بعد اذنكم يا رجالة ايه الدنيا بخصوص الجين توو الواحد منتظر و مش عايز يتسرع ليكونوا هينزلوا شكل جديد منها مع اني أشك لأني مشوفتش اي حاجة مذكورة عنها في موقع الشركة

[Motarjim]

متشكر جدا يا فندم على المساعدة

أي خدمة يا ريس، ده أقل واجب لحضرتك والأخوة الكرام الذين لا يبخلون على أحد بالنصح والإرشاد، والمعلومات القيمة.

الأخ الفاضل الأستاذ أيمن أوضح - بارك الله فيه - أنه يمكن تلافي هذه المشكلة بفك القنطرة الأمامية، وإعادة ضبطها؛ ومن ثم يتسنى ضبط الزاويا والاتزان على نحو سليم. كما أشار أنه حاول علاج هذه المشكلة في التوكيل، لكنه لاحظ افتقاد فني التوكيل المنوط به تعديل القنطرة، وضبط الزاويا للمهنية والحرفية اللازمتين، فلم تلبث المشكلة إلا أن عاودت الظهور، وكأنك يا أبو زيد ما غزيت!

واستخلصت من كلامه، أن المشكلة بسيط وسهل ويسير حلها، وأنه يوصى بضبط الزاويا بره التوكيل في مكان محترم وكويس.

إن شاء الله خير، وممكن تتواصل معه، وتتعاونا على حل هذه مشكلة الحدفة دي.

[Motarjim]

طب بعد اذنكم يا رجالة ايه الدنيا بخصوص الجين توو الواحد منتظر و مش عايز يتسرع ليكونوا هينزلوا شكل جديد منها مع اني أشك لأني مشوفتش اي حاجة مذكورة عنها في موقع الشركة

السلام عليك الأستاذ الفاضل،

من خلال كلامي مع الأستاذ محسن صالح، وآخر في فرع العجوزة، أكدا لي أنه لا تغيير في البرسونا ولا الجين تو لطرازات 2013؛ حيث أن السيارتين قد جرى تعديلها في عام 2011، اقصد موضوع تغيير الشبكة والفوانيس الليدات وتكبير مرايات البرسونا وتزويدها بإشارة ضوئية. كنت سمعت كلام أن الجين تو آخر موديل لها هو 2012، فسألت في فرع العجوزة، أكدوا لي أنها نازلة 2013 إن شاء الله.

ممكن تتصل بالأستاذ محسن صالح، وتتأكد من الكلام ده.

وربنا ييسر لك الأمر.

[bondok20002002]

انا سمعت من معرض فى مدينة نصر إن مفيش جين 2 حتنزل تانى موديل 2013 حتبقى إسمها براف والجين 2 حتزيد 6 الاف جنيه

[Motarjim]

انا سمعت من معرض فى مدينة نصر إن مفيش جين 2 حتنزل تانى موديل 2013 حتبقى إسمها براف والجين 2 حتزيد 6 الاف جنيه

سيبك من الكلام ده، حسب كلامي مع محسن صالح مدير مبيعات بروتون، قالي إن البرسونا والجين وتو مستمرين في عام 2013، وبريفيا احتمال تنزل السنة القادمة 2014، والزيادة المحتملة من ألفين إلى ثلاثة ألاف.