كاوتش جديد!

[saint2011]

الحمد لله يا أصدقائى .. إشتريت من عند بركات 4 فرد كاوتش بالمواصفات التاليه:CONTINENTAL PREMIUM ....... 2 195/60R15 88H
مصنوعه فى سلوفاكيا .. و سعرها كان 515 جنيه للكاوتش الواحد و إنتاج أخر أسبوع فى شهر 4 لسنة 2012

إنطباعى العام عن الكاوتش .. إنه راااااااااااائع للغايه .. و طرى جداً .. و فعلاً فرق شنيع عن السيلفر ستون الى كان راكب فيها من الفابريكه ... إحساسى مع المطبات مختلف تماماً عن قبل كده .. صوت العربيه مع السرعات أهدى بكثير .. الفرامل تغيرت تماماً .. العفشة إختلفت تماماً .. بإختصار حسيت إنى غيرت العربيه بواحده تانيه جديده ..

المقاس الى مصنوع فى فرنسا هو ال 65 .. لكن ال 60 مصنوع فى سلوفاكيا .. و انا سألت كل المحلات تقريباً عن 60 مصنوع فى فرنسا و مالقتش فى مصر نهائى .. دخلت على النت و دورت على فروقات ما بين السلوفاكى و الفرنسى .. و لم أجد أى حد يبذم فى السلوفاكى .. بالعكس أكثر من شخص كان بيقول أن الجوده ثابته .. و لا فروق بينه و ما بين الكاوتش الفرنسى أو الألمانى لنفس الماركه

ملاحظه أخيره بخصوص بركات لللأطارات .. أصحاب المحل ناس فى قمة الإحترام ... لكن العمال الى بريكبوا الكاوتش أى كلام .. ركبولى فردتين كاوتش بالمشقلب .. الكاوتش له إتجاه inside و أخر Outside .. كانوا راكبين بالعكس .. بالإضافه أن الترصيص كان سىء للغايه .. فوإنت بتركب خلى عينك على الحاجت ديه.

نصيحتى لأى حد بيغير الكاوتش .. يتجد ل كونتننتال .. فعلاً يستاهل كل جنيه إتدفع فيه.. و سعره على النت أغلى من سعر بيعه فى مصر .. بص هنــــــــــا

شكراً لدعمكم و عقبالكم جميعاً تغيروا الكاوتش على خير

محمد الشافعى

ألف مبروك يا باشا ده كلام ذى الفل وسعر محترم جدا والكنتيننتال كاوتش محترم جدا تدوبه فى الخير يا صديقى

[D . a .\ AYMAN]

الف مبروك على الكاوتش ياباشا

بس فين بركات في مصطفى النحاس

ماحدش يعرف توكيل كونتننتال نفسه فين هو وميشلان نفسي أعرف عناوينهم

التوكيلات نفسها مش مجرد موزعين معتمدين

[mrwho87]

الف مبروك يا معلم ربنا يباركلك .. مقولتش بعد الكاوتش الجديد الرجه اللي علي سرعات قليله راحت و لا كان سببها ايه ؟

[shakshak2011]

الله يبارك فيكم يا جماعه .. بركات الى جبت منه فى المقطم .. فى أخر شارع التسعين عند الشبراوى
mrwho87 .. الله يبارك فيك يا صديقى .. الحمد لله الرجه إختفت .. العربيه كانت فعلاُ محتاجه كاوتش جديد و أنا كنت بقاوح .. الحمد لله

[saint2011]

الله يبارك فيكم يا جماعه .. بركات الى جبت منه فى المقطم .. فى أخر شارع التسعين عند الشبراوى
mrwho87 .. الله يبارك فيك يا صديقى .. الحمد لله الرجه إختفت .. العربيه كانت فعلاُ محتاجه كاوتش جديد و أنا كنت بقاوح .. الحمد لله

حضرتك تقصد أخر شارع 9 عند الشبراوى المقطم مش التسعين ولا ايه ؟؟؟؟؟؟؟
ومعلهشى هو السعر ده شامل التركيب والترصيص والنيتروجين ؟؟؟

[eng.m7md.ali]

الف مبرووووووووووووووووووك يا هندسة

[shakshak2011]

الله يبارك فيك يا فيلكس .. كلك ذوق يا وحش

أيوه إنت صح .. هو شارع 9 فعلاً .. و السعر ده شامل الترصيص و النيتروجين