بروتون بيرسونا 2012

[Bahaaeldin]

بفضل الله تعالى قبل أى شىء وفقت لشراء سيارة بروتون بيرسونا 2012
والنهاردة بعد ما مشيت بها حوالى 2500 كم جئت لأشكر ايضاً اخوان أفاضل لم يبخلوا على بالنصيحة عند شراءها :
أحمد Tutankhamoun و محمد Eng f3lix .. اللى بجد لولا نصائحهم .. وخاصة أحمد .. والتى لا يبخلان بها على أى شخص يطلب النصح منهما لكنت فكرت فى أى سيارة تانية .. وغيرهم الكثير من الأخوان الأفاضل اللى منورين بجد منتدى سيارات بروتون

تانى شىء .. بأقول لمن يشك فى السيارة أو تقفيلها .. السيارة أجمل وافضل بكثير من سيارات أخرى ركبتها وقدتها ومن اراد الشراء فليتوكل على الله . وصدقونى قيادتها لوحدها متعة .. لدرجة انى سافرت بها فى العيد اللى فات ولم اشعر مطلقاً بالطريق للساحل الشمالى رغم انى كنت ماشى على سرعة متوسطة ولمسافة 470 كم عشان التليين
صحيح انى محروم من سواقتها معظم الأوقات بسبب انى تركتها لزوجتى وأولادى عشان مشوار المدرسة وباستعمل سيارتى القديمة الجيلى (اللى طلع عينها معى فى مشاويرى وعملت بها أكثر من 118 ألف كم لغاية دلوقت) لكن عزائى بالنسبة للبيرسونا أنى آمن بعد ستر الله وعنايته على زوجتى واولادى وهم يركبونها بعكس سيارات أخرى كثيرة

جزاكم الله كل الخير على تواجدكم فى هذا المنتدى الرائع وربنا يبارك لكل صاحب سيارة وخاصة البروتون

[bondok20002002]

الف مبروك ياباشا وربنا يكفيك شرها يارب ويديك خيرها

[Bahaaeldin]

شكرا لك
ولك مثلها وأجمل إن شاء الله

[amrelsha3er]

الف مبروك يافندم وانا كمان معاك وبؤكد الشكر للاعضاء فعلا والقسم كله بصراحه منتهى الامانه والاخلاص
فى المعلومات لانى انا كمان حجزت جين2 بفضل الله ثثم بفضل الرجاله اللى هنا فيلكس ورؤؤل واستاذ توت واستاذ احمد منسق القسم
اتمنى تفضل روح التعاون فى القسم على طول والتواجد المستمر دائما
دمتم فى احسن صحه وحال انشاء الله :)
اخوكم عمرو الشاعر

[Bahaaeldin]

أنا متفق معك تماماً يا عمرو فى كلامك .. ويمكن ده أكثر ما يميز قسم سيارات بروتون ومالكيها هنا فى المنتدى .. ولا أعيب فى غيرهم .. ولكنى وجدت فعلاً روح التعاون والتفاهم فيما بينهم والحرص على مصلحة الآخرين.

[saint2011]

البيرسونا عربية ممتازة جدا وربنا يباركلك فيها

[eng.m7md.ali]

الف مبرووووك ياباشا
وبجد دي شهادة نعتز بيها جداً
والواجب يحتم عليا اني اساعد وبدون اي مقابل ومببخلش بأي معلومة مدام هتفيد
ومتنساش بقى انا حاجز اول لفة ان شاء الله :)

[Maher Salem]

عندى سؤال بعد ازنكم
انا ماشى فى اجراءات انى اجيب بروتون بيرسونا 2012
بس سمعت من عز العرب ان 2013 هتنزل كمان شهر ونص بدون تعديل بس ممكن بزياده 2000 جنية
هل استنا 2013 ولا اتكل على الله واشترى 2012
وهل فى عيوب فى موديل 2012

[د.هشام]

1000000000000000 مبروك

[Bahaaeldin]

باشمهندس محمد .. تعالى انت وانا اديك لفتين مش لفة وبس .. ربنا يبارك فيك يارب
ولـ د.هشام - saint2011 شكراً لكما
ولماهر سالم .. بأقوله .. مشكلة السيارات اللى بتنزل مصر انها بتظل بنفس الشكل لفترة طويلة دون تغيير فى الشكل أقصد أن الجيل الواحد من أى موديل بيظل لفترة على عكس دول زى الخليج مثلاً اللى بيتم تحديث الموديلات اللى بتنزل على فترات قصيرة وبنلاحظ فيها تغيير جوهرى كمان مش مجرد تغيير فى الشكل من بره
بروتون مفروض تنزل موديل جديد للبيرسونا اسمه tuah ودى مش بس اتغيرت فى الشكل لكن تغيير شامل فى الصالون والشكل والتابلوه حتى الموتور اللى حيكون بديلاً عن الكام برو واسمه Phenix تقريباً ..
أما عن عيوب بيرسونا 2012 فالظاهر ان العربيات فعلاً بتبقى زى البطيخة وكل واحد وحظه .. يعنى فيه زملاء اشتكوا مثلاً من حدفة فى العربية لكن مش كلنا عندنا العيب ده .. وأنا مثلاً عندى مشكلة استهلاك البنزين وإن كانت بدات تتحسن قليلاً يعنى من 14 لتر/100 كم إلى 11.50 لتر / 100 كم جوه البلد وطبعاً استعمال التكييف وطريقة القيادة بتفرق كتير (على فكرة سألت زميل لى معاه كيا كارينز وقال انه بيمون من 17-18 لتر/ 100كم مع التكييف جوه البلد) والبيرسونا على طريق السفر ممتازة فعلاً فى استهلاك البنزين حتى مع التكييف
وأنا شايف ان التوكيل لا وحش أوى ولا كويس أوى وكل التوكيلات والصنايعية كده .. لأنهم للأسف ماشيين بنظام الفهلوة مش الذكاء والصنعة أو مراعاة الله فى أعمالهم .. وده عيب عام للأسف مش بس فى مجال السيارات
وأى حد ناوى على شراء سيارات بروتون يتوكل على الله لأن الواضح فعلاً أن مبيعاتها فى ازدياد هذه الأيام وخاصة بعدما أثبتت كفائتها وعدم اقتناع الكثيرين وانا منهم بسيارات لشركات أخرى جديدة
وفيه هنا مواضيع كثير عن قطع غيار البيرسونا وتوأمها الجين تو ومدى توافرها فى السوق بره التوكيل
بالتوفيق للجميع إن شاء الله

[Ahmed_BYD_F0]

يا باشا ممكن صور للعربية دى

ويا ترى سعرها كام

[Bahaaeldin]

ده موقع فيه بعض صور Tuah
Proton Tuah | Flickr - Photo Sharing!

وده أحد مواقع شركة بروتون وفيه موديلات جديدة تماماً غير اللى احنا نعرفها
PROTON Holdings Berhad - Proton Tuah

أما البيرسونا فهى كما تعرف وسعرها الحالى 95 ألف للأتوماتيك و89 ألف للمانيوال
وعلى فكرة من أجمل الاشياء فى سيارات بروتون أنها كما تنزل فى انجلترا أو استراليا بتنزل فى مصر دون تغييرات جوهرية اللهم سوى الفرش الجلد أو جهاز GPS
وعشان كده الواحد بينظر لها فعلاً على أنها قيمة مقابل نقود وليس كباقى السيارات التى ينتزع منها الوكيل أشياء كثيرة غير اللى بتكون موجودة بها أصلاً كما بالخارج

ودى مواقع بروتون استراليا وانجلترا
Home | Proton Cars Australia
Proton Cars UK