عاوز اجيب بيرسونا بس محتاج حد يشجعني

[viva2010]

بعد ما اتسحلت في المقارنات ومعاض العربيات لحد ما زهقت انا ميزانيتي 100 الف والمشكله ان الرقم ده غريب وحاكمك في عربيات معينه بس بعد ما لفيت لقيت ان البيرسونا احسن عربيه تناسبني هي والصني بس المشكله في الصني ان شكلها زفت يعني لو اشتريتها هبقي قرفان كل يوم وانا ؤايح اركبها فدلوقتي مش قدامي غير البيرسونا انا بقي عاوز اعرف مميزاتها وعيوبها بالتفصيل علشان اخد القرار النهائي فيها ياريت البريتونييين يساعدوني في القرار ده

[eng.m7md.ali]

اهم مميزات البيرسونا هيا الثبات العالي والموتور القوي مع الشكل المميز والراحة في السفر

وكمان متنساش عوامل الامان والصاج المتين

اما العيوب تتلخص في التقفيل والخامات ومشاكل مع التوكيل

[haissam24h]

وهل قطع الغيار متوافرة خارج التوكيل بسعر مناسب سواء استيراد او جديد ؟
وهل التوكيل للحين ما حل كل مشاكله

[wekabika]

العربية ممتازة معايا من اكتر من سنتين بس لما فكرت ابيع تعبت من الاسعار الي بتجيلي و مشاكلها كلها بسيطه العفشه لازم تتربط كل شهرين و التقفيل كويس بس هتسمع احيانا صوت طقطقه بلاستك في التبلوه مع المطباط الماتور ممتاز مع التكييف هي اختيار موفق ان شاء الله استخير و توكل علي الله

[Motaz.Habib]

بص يباشا انا ليا واحد صحبى معاه البيرسونا بقالة 3 سنين
هو بيشكر فيها جدا مع العلم انة ابتدى يعمل الصيانة برة التوكيل
موضوع قطع الغيار متوفرة بس فى اماكن محددةانا المشكلة الوحيدة اللى شايفها فالعربية دى ان الريسال بتعها و حش جدا بمعنى حضرتك لو جايب العربية تقطنيها لمدة 10 سنين مثلا فمشمشكلة انما لو 3 او 4 سنين و هتقلب يبقى منصحكش غير كدة كلها مشاكل سهلة و خفيفة زى الاعضاء موضحت لحضرتك
و استخير و ربنا يوفئك للفية الخير

[amrelsha3er]

ياباشا ان شاء الله اختيارك موفق بيرسونا وجين2 احسن عربيات فعلا تحت 100الف جنيه
انا كنت زيك فى نفس حيرتك وبقالى اكتر من 4 شهور فى حيره وتفكير واتفرج على معارض واقرا هنا وهناك
لحد ماربنا هدانى للجين2
ثبات يتقارن بالالمانى بالنسبه للسفر والمناورات والجرى
اوبشن عالى جدا على السعر جميع الكماليات
شكلها ثورى وجذاب 110حصان على صاج قوى فعلا
مميزات كتير فعلا لصالح السياره
عيوب: اى سياره بها عيوب اولا بروتون عيوبها مقدور عليها وليها حل الحمد لله
والتوكيل احسن من الاول بشهاده كل الاخوه واللى بيتعاملو معاه
ليها طبعا قطع غيار وانصاص كمان فى الحرفيين
وناس شغاله بروتون ورش بره التوكيل
سعر اعاده البيع مبقاش زى زمان لا العربيه بقى عليها طلب
وفى ناس بتدور عليها وبتحجزها من وكيلها بالشهور عشان تركب
خدلك لفه هنا فى المنتدى فى الموضوعات الهامه والقديمه
واراء الملاك والله المستعان
تحياتى

[viva2010]

شكرا ليكو كلكو يارجاله ارائكم اديتني ثقه اكتر في العربيه وانا ان شاء الله هروح اعمل تيست درايف كمان اسبوع واشوف بنفسي قبل ما احجز العربيه

[Motaz.Habib]

شكرا ليكو كلكو يارجاله ارائكم اديتني ثقه اكتر في العربيه وانا ان شاء الله هروح اعمل تيست درايف كمان اسبوع واشوف بنفسي قبل ما احجز العربيه

بالتةفيق ان شاء الله

[viva2010]

الف شكر يامعتز علي اهتمامك

[sabregas2010]

ربنا يوفقك والف مبروك مقدما

[mido_soliman]

بص من الاخر كدة
نصيـــــــــــــــــــــحة لوجة الله

لو حتشترى جين2 او بروتون عموما

لازم تكون مغرم بالماركة او العربية قبل ما تشتريها

اما بخصوص عنوان الموضوع اللى موتنى من الضحك
ليك عليا اول ما تجيبها اشجعك اسبـــــــــــــــــــــوع بس قولى انت بتلعب فين ؟؟؟ :)))))

تحياتى العطرة

[Motarjim]

بص من الاخر كدة
نصيـــــــــــــــــــــحة لوجة الله

لو حتشترى جين2 او بروتون عموما

لازم تكون مغرم بالماركة او العربية قبل ما تشتريها

اما بخصوص عنوان الموضوع اللى موتنى من الضحك
ليك عليا اول ما تجيبها اشجعك اسبـــــــــــــــــــــوع بس قولى انت بتلعب فين ؟؟؟ :)))))

تحياتى العطرة

تمام يا أستاذ ميدو،

يعني ما ينفعش أن جين تو مثلا أو البرسونا تكون لفتت نظرك، أو جذبت انتباهك، ولا تكون معجب بها، ولا حتى تحبها؛ لأن ده كله ممكن يكون نزوة عابرة لا تلبث أن تفيق منها على أول صوت تزييق، أو تعليق في الملتي فنكشن، أو صدام مع التوكيل.

ولكن ينبغي أن تكون مغرمًا بها متيمًا؛ بحيث تملك عليك شغاف قلبك!

أحب أحدهم يومًا امرأه سوداء، فلامه الناس على ذلك، فأنشد شعرًا قائلاً:

أحبُّ لحُبِّها السودانَ، حتى * أحبُّ لحبِّها سودَ الكلابِ

طبعًا كل خلق الله جميل، ومع احترامي الكامل لسيارات بروتون، إنما أردت أن أقول: حُبك الشيء يُعمى ويصم!

[amrelsha3er]

تمام يا أستاذ ميدو،

يعني ما ينفعش أن جين تو مثلا أو البرسونا تكون لفتت نظرك، أو جذبت انتباهك، ولا تكون معجب بها، ولا حتى تحبها؛ لأن ده كله ممكن يكون نزوة عابرة لا تلبث أن تفيق منها على أول صوت تزييق، أو تعليق في الملتي فنكشن، أو صدام مع التوكيل.

ولكن ينبغي أن تكون مغرمًا بها متيمًا؛ بحيث تملك عليك شغاف قلبك!

أحب أحدهم يومًا امرأه سوداء، فلامه الناس على ذلك، فأنشد شعرًا قائلاً:

أحبُّ لحُبِّها السودانَ، حتى * أحبُّ لحبِّها سودَ الكلابِ

طبعًا كل خلق الله جميل، ومع احترامي الكامل لسيارات بروتون، إنما أردت أن أقول: حُبك الشيء يُعمى ويصم!

ايه الكلام الكبير ده ياريس :)
ولا كلاب ولا سوووود ولا مستاهله
ميدو قصدو يقولك ان العربيه لازم تكون مقتنع بيها قبل ماتجيبها
عشان فى ناس كتير اوى عارفه عيوبها والتوكيل مطلع عينهم وبرضو شايف انها عربيه ممتازه
وان المشاكل اللى هتقابله دى محلوله ويكفى ان العربيه محترمه
ربنا يكرمك فى الاختيار
تحياتى

[Motarjim]

ايه الكلام الكبير ده ياريس :)
ولا كلاب ولا سوووود ولا مستاهله
ميدو قصدو يقولك ان العربيه لازم تكون مقتنع بيها قبل ماتجيبها
عشان فى ناس كتير اوى عارفه عيوبها والتوكيل مطلع عينهم وبرضو شايف انها عربيه ممتازه
وان المشاكل اللى هتقابله دى محلوله ويكفى ان العربيه محترمه
ربنا يكرمك فى الاختيار
تحياتى

يا عمرو باشا، لم أقصد أن أبخس بروتون حقها، فإني احترمها، وعلى وشك أن أقع في غرامها. ولكن مخلص كلام الأستاذ ميدو، ومدلول كلامي أنه لما تكون مغرمًا بالعربية، وحصلت مشكلة ما من المشاكل المتوقعة، حُبك لها واقتناعك بها يحول دون أن تسب وتلعن في العربية ومن أشار عليك بها، وتكره اليوم إلذي اشتريتها فيه.

[viva2010]

بص من الاخر كدة
نصيـــــــــــــــــــــحة لوجة الله

لو حتشترى جين2 او بروتون عموما

لازم تكون مغرم بالماركة او العربية قبل ما تشتريها

اما بخصوص عنوان الموضوع اللى موتنى من الضحك
ليك عليا اول ما تجيبها اشجعك اسبـــــــــــــــــــــوع بس قولى انت بتلعب فين ؟؟؟ :)))))

تحياتى العطرة

مش مغرم بيها طبعا هي شكلها حلو وموتورها حلو ووسائل الامان فيها كويسه ده اللي لفت انتباهي ليها وانا لو كان معايا اكتر من 100000 كنت فكرت في حاجات تانيه افضل منها