Tweet
من كام يوم كنت لسه كاتب عن شرائى للسيارة البيرسونا
والنهاردة جاى أقولكم عن سرقة عجلها ... واحد منه لله رفع السيارة على الطوب وسرق جميع العجلات طبعاً بالجنوط .. ربنا ينتقم منه ومن أمثاله
طبعاً عملت محضر وبلاغ فى المباحث وربنا يقدرنى حأمشى فى إجراءات عمل تأمين على العربية
وقدر الله وما شاء فعل وهو وحده حسبى ونعم الوكيل
الغريب هو موقف التوكيل بجد
اتصلت بهم وشرحت لهم الموقف وده كان صباح السبت 13 أكتوبر بعد اكتشاف السرقة بحوالة ساعة لأعرف إن كان عندهم جنوط وعجل للعربية ولا لأ .. ردت آنسة محترمة وقالت أيوة عندهم وسعر الجنط الواحد 1600 جنيه ده غير العجل اللى قيمته 550 للفردة الواحدة.. ولما حسبتها لقيتها اكثر من 8500 جنيه .. ده طبعاً فوق مصيبتى
اتصلت بعدها بهم وقلت لها إن كان شرائى للجنوط والعجل من بره يخرجنى من الضمان .. قالت لى أيوة يخرجنى من ضمان العفشة ؟؟؟؟ العربية لسه مرخصها يوم 6 أغسطس
المهم بعد محاولات عدة للتفاهم ومحاولة الاتصال بالمهندس آمر على هاتفه والذى لم يرد عليه لحوالى ثلاث مرات أو أكثر .. اتصلت بهم وقلت اعتبرونى خرجت من ضمان العفشة
ورحت اشتريت جنوط وعجل جديد تماماً وكلفونى 3200 جنيه .. يعنى فرق حوالى 5000 جنيه
المهم بعد ما اشتريت فعلاً وبأركب لقيت الآنسة الموجودة فى التوكيل بتتصل بى وتقولى لى أنها كلمت م. آمر وشرحت له الموقف فافاد مشكوراً بأننى يمكننى شراء العجل من بره لكن الجنوط من عندهم وسعر الواحد 1325 جنيه ... رديت عليها بالحرف الواحد يا افندم انا شاكر جهود حضرتك وصبرك معى لكن انا اشتريت بالفعل 4 جنوط وثمنهم الأربعة بثمن واحد عندكم (وفعلا ثمن الأربعة جنوط 1400 جنيه من شارع أحمد سعيد) وقلت لها للمرة الثانية اعتبرينى خرجت من ضمان العفشة
بالنسبة للسرقة استعوضت ربنا فيما حدث
وبالنسبة للتوكيل بأقولهم كلمة واحدة ... من لا يَرحم لا يُرحم
وأنا مستعد أخرج من ضمان العربية كله لو فضلت الأسعار وعدم تقدير ظروف الناس بالطريقة دى
وعلى فكرة .. انا عندى ميكانيكى محترم باتعامل معه من 7 سنوات فى عربيات مختلفة لما عرفته الموضوع قال سيبك من التوكيل، وبعد ربنا العبد لله موجود معاك
وللمهندس آمر بأقوله كلمة ما كنتش حأقولها قبل كده عشان بس ضمان عفشة وضمان الوكيل.. سبق لى انى رحت لفرع ابو رواش فى صيانة الألف وقابلت م. محمد عبد الهادى .. وكنت باشتكى من أن الشنطة لا تفتح سوى من الذراع الموجود أسفل كرسى السائق أو الريموت ولا تفتح بالمفتاح .. المهم يا م. آمر .. بوظولى الشنطة (فى التوكيل) ورحلوها لى ناحية اليمين وبعد خناقة معاهم وأن العربية هى كده وإن الفنى مش غلطان .. جابوا لى كالون جديد
تصدق بالله .. وأقسم بالله ده اللى حصل .. صيانة الألف عندكم عبارة عن إيه؟ تغيير زيت وفلتر (والحمد لله الزيت جبته معايا مش بتاعكم) وتربيط عدد 2 مسمار بالعدد فى العفشة الخلفية وتزويد ماء ردياتير فى القربة من حنفية غسيل السيارات وده كله أمام عينى وأنا واقف بجوار الورشة وسايب زوجتى وأولادى بالداخل وبعد ما كان مفروض نروح مول العرب بعد الصيانة قعدت من الساعة 9 صباحاً لغاية الساعة 5 مساء تقريباً عندكم .. وشكرتكم بكلمة اتقوا الله فى شغلكم ولقمة عيشكم .. ويشهد بذلك البهوات الموجودين عندك من مهندسين وعمال
حسبى الله ونعم الوكيل
سامحونى .. حبيت أفضفض شوية
والنهاردة جاى أقولكم عن سرقة عجلها ... واحد منه لله رفع السيارة على الطوب وسرق جميع العجلات طبعاً بالجنوط .. ربنا ينتقم منه ومن أمثاله
طبعاً عملت محضر وبلاغ فى المباحث وربنا يقدرنى حأمشى فى إجراءات عمل تأمين على العربية
وقدر الله وما شاء فعل وهو وحده حسبى ونعم الوكيل
الغريب هو موقف التوكيل بجد
اتصلت بهم وشرحت لهم الموقف وده كان صباح السبت 13 أكتوبر بعد اكتشاف السرقة بحوالة ساعة لأعرف إن كان عندهم جنوط وعجل للعربية ولا لأ .. ردت آنسة محترمة وقالت أيوة عندهم وسعر الجنط الواحد 1600 جنيه ده غير العجل اللى قيمته 550 للفردة الواحدة.. ولما حسبتها لقيتها اكثر من 8500 جنيه .. ده طبعاً فوق مصيبتى
اتصلت بعدها بهم وقلت لها إن كان شرائى للجنوط والعجل من بره يخرجنى من الضمان .. قالت لى أيوة يخرجنى من ضمان العفشة ؟؟؟؟ العربية لسه مرخصها يوم 6 أغسطس
المهم بعد محاولات عدة للتفاهم ومحاولة الاتصال بالمهندس آمر على هاتفه والذى لم يرد عليه لحوالى ثلاث مرات أو أكثر .. اتصلت بهم وقلت اعتبرونى خرجت من ضمان العفشة
ورحت اشتريت جنوط وعجل جديد تماماً وكلفونى 3200 جنيه .. يعنى فرق حوالى 5000 جنيه
المهم بعد ما اشتريت فعلاً وبأركب لقيت الآنسة الموجودة فى التوكيل بتتصل بى وتقولى لى أنها كلمت م. آمر وشرحت له الموقف فافاد مشكوراً بأننى يمكننى شراء العجل من بره لكن الجنوط من عندهم وسعر الواحد 1325 جنيه ... رديت عليها بالحرف الواحد يا افندم انا شاكر جهود حضرتك وصبرك معى لكن انا اشتريت بالفعل 4 جنوط وثمنهم الأربعة بثمن واحد عندكم (وفعلا ثمن الأربعة جنوط 1400 جنيه من شارع أحمد سعيد) وقلت لها للمرة الثانية اعتبرينى خرجت من ضمان العفشة
بالنسبة للسرقة استعوضت ربنا فيما حدث
وبالنسبة للتوكيل بأقولهم كلمة واحدة ... من لا يَرحم لا يُرحم
وأنا مستعد أخرج من ضمان العربية كله لو فضلت الأسعار وعدم تقدير ظروف الناس بالطريقة دى
وعلى فكرة .. انا عندى ميكانيكى محترم باتعامل معه من 7 سنوات فى عربيات مختلفة لما عرفته الموضوع قال سيبك من التوكيل، وبعد ربنا العبد لله موجود معاك
وللمهندس آمر بأقوله كلمة ما كنتش حأقولها قبل كده عشان بس ضمان عفشة وضمان الوكيل.. سبق لى انى رحت لفرع ابو رواش فى صيانة الألف وقابلت م. محمد عبد الهادى .. وكنت باشتكى من أن الشنطة لا تفتح سوى من الذراع الموجود أسفل كرسى السائق أو الريموت ولا تفتح بالمفتاح .. المهم يا م. آمر .. بوظولى الشنطة (فى التوكيل) ورحلوها لى ناحية اليمين وبعد خناقة معاهم وأن العربية هى كده وإن الفنى مش غلطان .. جابوا لى كالون جديد
تصدق بالله .. وأقسم بالله ده اللى حصل .. صيانة الألف عندكم عبارة عن إيه؟ تغيير زيت وفلتر (والحمد لله الزيت جبته معايا مش بتاعكم) وتربيط عدد 2 مسمار بالعدد فى العفشة الخلفية وتزويد ماء ردياتير فى القربة من حنفية غسيل السيارات وده كله أمام عينى وأنا واقف بجوار الورشة وسايب زوجتى وأولادى بالداخل وبعد ما كان مفروض نروح مول العرب بعد الصيانة قعدت من الساعة 9 صباحاً لغاية الساعة 5 مساء تقريباً عندكم .. وشكرتكم بكلمة اتقوا الله فى شغلكم ولقمة عيشكم .. ويشهد بذلك البهوات الموجودين عندك من مهندسين وعمال
حسبى الله ونعم الوكيل
سامحونى .. حبيت أفضفض شوية
Comment