مفيش مانيفولد في التوكيل ؟؟

[Motarjim]

المانيفول سعره 1300 جنيه ولو في الضمان يتغير عليهم وافضل زن عليهم عشان بينسو

هو المانيفولد بتاع البرسونا مختلف عن الجين تو؟

في واحد قالي أنه مانيفولد البرسونا فيبر أو خامة مشابهة، أما الجين تو معدن؟

صحيح الكلام ده؟

[tutankhamoun]

هو المانيفولد بتاع البرسونا مختلف عن الجين تو؟

في واحد قالي أنه مانيفولد البرسونا فيبر أو خامة مشابهة، أما الجين تو معدن؟

صحيح الكلام ده؟

موتور الجين 2 هو هو موتور البرسونا مفيش أختلاف في أي شئ .
و المانيفولد معدن طبعا و اللي أعرفه أنه مينفعش يبقى فيبر علشان هايسيح مع أول دقيقة تدوير للموتور .
و أعتقد و الله أعلم ان اللي قالك كدا .... بيفتي

[tutankhamoun]

اللي فات ده هو صورة المانيفولد .... تفتكر ممكن يكون مصنوع من حاجة تانية غير المعدن ؟
تحياتي الحارة

[windofchange]

اعتقد هو قصده مانيفولد الهواء يا توت ولا ايه ياويكا ؟

[Motarjim]

اللي فات ده هو صورة المانيفولد .... تفتكر ممكن يكون مصنوع من حاجة تانية غير المعدن ؟
تحياتي الحارة

مع حضرتك حق، أنا فعلا استغربت، وقولت قطعة زي دي لازم تكون معدن لأنها بتتعرض لدرجات حرارة عالية جدًا، ومن السهل أنها تنصهر، لو هي خامة غير المعدن.

تصدق أن الكلام ده قاله لي واحد واقف في محل قطع غيار لبروتون في الحرفيين، كنت معدي من جنبه، قولت اسأله للأخ صاحب المشاركة: هل المانيفولد متوافر عنده ولا لأ؟ فأخبرني بالمعلومة المغلوطة دي.

على فكرة، محل قطع الغيار ده نصحني أني اخلص من العربية دي - إللي هي مش معايا أصلا - لأن قطع غيارها متعبة وغالية

[tutankhamoun]

اعتقد هو قصده مانيفولد الهواء يا توت ولا ايه ياويكا ؟

لو قصده مدخل الهوا
برضه الأثنين واحد في الجين 2 و البرسونا
الجين موديلات 2006 إلى 2008 .... كان فيه ماسورة معدن لمدخل الهوا اللي رايحة على الموتور .
من ساعة Iafm ما ركب و كله بقى فيبر .
و ده للأير أنتاك air intake pipes

[tutankhamoun]

مع حضرتك حق، أنا فعلا استغربت، وقولت قطعة زي دي لازم تكون معدن لأنها بتتعرض لدرجات حرارة عالية جدًا، ومن السهل أنها تنصهر، لو هي خامة غير المعدن.

تصدق أن الكلام ده قاله لي واحد واقف في محل قطع غيار لبروتون في الحرفيين، كنت معدي من جنبه، قولت اسأله للأخ صاحب المشاركة: هل المانيفولد متوافر عنده ولا لأ؟ فأخبرني بالمعلومة المغلوطة دي.

ياباشا أحنا شعب بنحب نفتي و نألف و منعرفش نقول كلمة ......... معرفش .

على فكرة، محل قطع الغيار ده نصحني أني اخلص من العربية دي - إللي هي مش معايا أصلا - لأن قطع غيارها متعبة وغالية

الناس دي في الضياع لازم يفتي و يقول أي كلام .
بس هي فعلا مقارنة مثلا بالهيونداي ...... قطع غيارها مش متوفرة زيها ... نقول مثلا زي السوباورا و الهوندا في توافر قطع الغيار .

[Motarjim]

الناس دي في الضياع لازم يفتي و يقول أي كلام .
بس هي فعلا مقارنة مثلا بالهيونداي ...... قطع غيارها مش متوفرة زيها ... نقول مثلا زي السوباورا و الهوندا في توافر قطع الغيار .

تمام يا ريس - السؤال هنا يا باشا بقى إيه: هل مصاريف الصيانة (قطع الغيار والمصنعية) - تحديدًا - للبرسونا مثلاً تتساوى أو تتقارب مع مصاريف صيانة هوندا سيفيك مثلاً، أو سوبارو إمبريزا، أو حتى رينو فلوانس أو ميتسوبيشي شارك مع غض الطرف عن فارق السعر بين البرسونا وبين العريبات المذكورة؟

[tutankhamoun]

تمام يا ريس - السؤال هنا يا باشا بقى إيه: هل مصاريف الصيانة (قطع الغيار والمصنعية) - تحديدًا - للبرسونا مثلاً تتساوى أو تتقارب مع مصاريف صيانة هوندا سيفيك مثلاً، أو سوبارو إمبريزا، أو حتى رينو فلوانس أو ميتسوبيشي شارك مع غض الطرف عن فارق السعر بين البرسونا وبين العريبات المذكورة؟

مش هاقدر أجاوب على السؤال ده لأني ما أمتلكتش و لا واحدة من دول ,

بس اللي اعرفه كمعلومة عامة ان صيانة التوكيل لأي عربية بتكون مش رخيصة .

أنا معايا العربية من 2007 ..... و بالنسبة لي الدنيا زي الفل و الحمد لله .
و ربنا يديمها نعمة يارب

أنا من الناس اللي بتحافظ على حاجتها و مش بهين حاجتي .
من 2007 و لغاية 2012 (و أحنا على نهايتها أهوه)
بروح أعمل صيانة العربية في التوكيل في مواعيدها كل 10 الاف كم و بدفع ثمن صيانة أغلى من الميكانيكية بس في نفس الوقت .... هما أصحاب العربية و بيشتغلوا فيها يوميا و يعرفوها أكتر من أي حد تاني .
و في نفس الوقت فيه ورشة فاتحة برة أصحابها كانوا شغالين في التوكيل و كويسين برضه بس التوكيل أقربلي في المسافة و الوقت .

[Motarjim]

مش هاقدر أجاوب على السؤال ده لأني ما أمتلكتش و لا واحدة من دول ,

بس اللي اعرفه كمعلومة عامة ان صيانة التوكيل لأي عربية بتكون مش رخيصة .

أنا معايا العربية من 2007 ..... و بالنسبة لي الدنيا زي الفل و الحمد لله .
و ربنا يديمها نعمة يارب

أنا من الناس اللي بتحافظ على حاجتها و مش بهين حاجتي .
من 2007 و لغاية 2012 (و أحنا على نهايتها أهوه)
بروح أعمل صيانة العربية في التوكيل في مواعيدها كل 10 الاف كم و بدفع ثمن صيانة أغلى من الميكانيكية بس في نفس الوقت .... هما أصحاب العربية و بيشتغلوا فيها يوميا و يعرفوها أكتر من أي حد تاني .
و في نفس الوقت فيه ورشة فاتحة برة أصحابها كانوا شغالين في التوكيل و كويسين برضه بس التوكيل أقربلي في المسافة و الوقت .

وصلت الفكرة يا ريس، ربنا يبارك لك في عربيتك، ويمنحك خيرها، ويكف عنك شرها.

[tutankhamoun]

وصلت الفكرة يا ريس، ربنا يبارك لك في عربيتك، ويمنحك خيرها، ويكف عنك شرها.

شكرا على الدعاء و الكلام الجميل ده

أنا بتأسف لصاحب لموضوع لخروجي عن محتواها الأصلي
و إن شاء الله أبقى قلنا على المستجدات .

تحياتي أخي مُترجم .

[DESIGNER105]

يا جماعة هو المانفولد ده هول فرن الشكمان ولا ده حاجه تانيه ؟؟؟؟؟؟؟

[amrelsha3er]

الاخ مترجم انت مش معاك بروتون اصلا؟! :d

[windofchange]

يا جماعة هو المانفولد ده هول فرن الشكمان ولا ده حاجه تانيه ؟؟؟؟؟؟؟

يطلق اسم المانيفولد علي فرن الشكمان وبوابة الهواء ايضا والله اعلم....ايهاب

[eng.m7md.ali]

الهيدر هو فرن الشكمان
والمنافولد هو مدخل الهواء وتفاعله مع البنزين وده بيبقى ورا الموتور او جمب العازل بتاع الحوض