مشكله فى بيرسونتى 2009

[gadieb]

الساده الافاضل
انا عندى مشكله غريبه شويه الجانب الايمن من العربيه لا يبنير عند فتح نور التابوه لا الفانوس الخلفى يمين ولا الامامى يمين والغريب ان لما بشغل النور الواطى بيشتغل الفانوسين ولما بدوس فرامل الفانوسين برضو ورا بيشتغلوا وفجاه الفوج لايت هو كمان ما بقاش شغال شئ له العجب
روحت لكهربائى الله يكرمه صاحبى الى شار عليا بيه قعد يبروم حوالين العربيه وما وصلش لحاجه وقالى اللمبات مش بايظه واان فى قفله طبعاً عاوز يفتح شغل ويبوظ العربيه
فهل ممكن تكون المشكله فى فيوز ولا ايه
اه فى حاجه مهمه نسيت اقول عليها انا عملت حادث قبل الموضوع ده دخلت فيا عربيه افيو من الشنطه بس الحمدلله العربيه بتاعتى ما جراش لها حاجه بس الافيو اتدمرت فهل ممكن يكون فيه علاقه بين الحادث والى حصل فى الانوار
اسف على الاطاله ويا ريت ما تبخلوش عليا بالرد

[amrelsha3er]

اكيد طيعا الحادث هو السبب
عربيتك فى الضمان روح عصام وصفا
او كهربائى بيفهم
انشاء الله بسيطه
مظنش انه فيوز

[Motarjim]

زي ما ذكر الأخ عمرو، أكيد المشكلة نتجت عن الحادث.
إن شاء الله تكون حاجة بسيطة.

ملاحظة: ما شاء الله :)، من أول الأسبوع والمشاكل نازلة ترف على حبايبنا ملاك بروتون، إللي تسرقت العجلات الأربعة، واللي راكبها مائة عفريت، وإللي فيها مشكلة غريبة، وإللي جابت مانيفولد، ومش لاقي له بديل...إلخ

يا جماعة واظبوا على أذكار الصباح والمساء، وربنا يحفظكم جميعًا، ويبارك لك في عربياتكم.

أنا خايف يا عمرو باشا تكون لغيت حجز الجين تو :)

[haissam24h]

انا ملاحظ برضو كده مشاكلهم كثرت معا الاسبوع ده وشكلهم خيلونى افكر فى شى اخر انقل عليه نقلتى الجايه ان شاء الله

[gadieb]

هحاول اشوف كهربائى كويس يشوف الموضوع ده وربنا يسهل بس يا جماعه العربيه البروتون محترمه صدقونى بس ما تسمعش كلام الناس الى ما بتعرفش عن الموبيل غير النوكيا والعربيه غير الهيونداى والمتسوبيشى والنيسان والمصيف يعنى اسكندريه
فى حاجات كتير جديده واحسن من الى بقاله 10 و 15 و 50 سنه بيطور فى نفسه

[amrelsha3er]

زي ما ذكر الأخ عمرو، أكيد المشكلة نتجت عن الحادث.
إن شاء الله تكون حاجة بسيطة.

ملاحظة: ما شاء الله :)، من أول الأسبوع والمشاكل نازلة ترف على حبايبنا ملاك بروتون، إللي تسرقت العجلات الأربعة، واللي راكبها مائة عفريت، وإللي فيها مشكلة غريبة، وإللي جابت مانيفولد، ومش لاقي له بديل...إلخ

يا جماعة واظبوا على أذكار الصباح والمساء، وربنا يحفظكم جميعًا، ويبارك لك في عربياتكم.

أنا خايف يا عمرو باشا تكون لغيت حجز الجين تو :)

مترجم باشا صباح الفل :)
انا مقدرش الغى االحجز لانى بحب العربيه دى بصراحه وان شاء الله هبلعلها الظلط
وبرضو انا مؤمن ان كل مشكله ليها حل دى عربيه مش طياره بس هو فى ناس بتأفور شويه فى المشاكل :)
انا هستلم انشاء الله السبت الجاى ياباشا دعواتك ربنا يجعلهالى هاديه ومفهاش حاجه ان شاء الله:)

[Motarjim]

مترجم باشا صباح الفل :)
انا مقدرش الغى االحجز لانى بحب العربيه دى بصراحه وان شاء الله هبلعلها الظلط
وبرضو انا مؤمن ان كل مشكله ليها حل دى عربيه مش طياره بس هو فى ناس بتأفور شويه فى المشاكل :)
انا هستلم إن شاء الله السبت الجاى ياباشا دعواتك ربنا يجعلهالى هاديه ومفهاش حاجه ان شاء الله:)

مساء الفل يا عمرو بيه،

منتظر منك الرد ده علي فكرة، لأني ملاحظ مدى شغفك وحبك للعربية دي.

والصبُّ - العاشق- تفضحه مشاركاته :)

ربنا يرزقك خيرها ويكفيك شرها، وتكون فأل وقدم خير عليك، وتكون بإذن الله خالية تمامًا من مشاكل التقفيل وما إلى ذلك من الأمور البسيطة.

والله يا أخي مش عارف استقر على البرسونا، كل ما أنوى وأعزم، أجي أفكر بالتفكير النمطي السائد في عالم السيارات من حيث مشاكل التوكيل وعدم توفر قطع الغيار وارتفاع أسعارها وإعادة البيع...بلا..بلا..بلا، اتردد واتراجع.

دعواتك أن ربنا يرزقني القرار السديد الذي لا يعقبه ندم.

[gadieb]

طيب يا شباب حد يعرف كهربائى محترم فى مدينه نصر ويكون بيفهم
وشكراً جزيلاً

[amrelsha3er]

مساء الفل يا عمرو بيه،

منتظر منك الرد ده علي فكرة، لأني ملاحظ مدى شغفك وحبك للعربية دي.

والصبُّ - العاشق- تفضحه مشاركاته :)

ربنا يرزقك خيرها ويكفيك شرها، وتكون فأل وقدم خير عليك، وتكون بإذن الله خالية تمامًا من مشاكل التقفيل وما إلى ذلك من الأمور البسيطة.

والله يا أخي مش عارف استقر على البرسونا، كل ما أنوى وأعزم، أجي أفكر بالتفكير النمطي السائد في عالم السيارات من حيث مشاكل التوكيل وعدم توفر قطع الغيار وارتفاع أسعارها وإعادة البيع...بلا..بلا..بلا، اتردد واتراجع.

دعواتك أن ربنا يرزقني القرار السديد الذي لا يعقبه ندم.

باشا صباح الفل
ربنا يكرمك واستخير ربنا برضو
وربنا يكرمك
بس متفكرش كتير فى اللى انت قولته ده عشان متتعبش
كا حاجه ليها ميزه وليها عيب
متحاولش :d

[gadieb]

يا شباب انا روحت لكهربائى كويس جداً اسمه عصام وهو بيفهم فى البروتون كويس جداً وخاصه الجين تو و البرسونا
والمشكله طلعت 3 فيوزات ولمبه الاستوب الخلفى بس وغيرتهم وكل حاجه رجعت زى ما كانت حتى لمبه الشنطه الى كانت فاصله مؤخراً وعلى فكره اخد 20 جنيه بس تخيلوا .... وبصراحه فاهم فعلا
مكانه للى عاوز يعرف خلف موقف العاشر بمدينه نصر شارع الحرفيين الموازى لاحمد الزمر
وشكراً