مقارنة بين البرتون بيرسونا و الستروين أكسارا

[Rambo10]

السلام عليكم:
دى مقارنة بسيطة جدا بين سيارتى الحالية بيرسونا 2009 و سيارتى القديمة أكسار 1 2002
طبعا مبدئيا دى مش مقارنة معمليه و لا عقلية ولا فذة :)
السبب اللى خلانى أفكر فى تغيير الاكسارا اساسا هو انها كانت مانيوال وفى ظل الزحام اللى احنا عايشينه فبقيت محتاج سيارة اتوماتيك, فنويت انى اجيب بيرسونا زيرو لانى كنت بسمع عن البروتون من ناس كتير أنها عربيات جميلة ومن خلال ايضا أراء ناس أصدقائى
وفى يوم بعد ما أخذت القرار عربيتى أتحكت حكة عادية من اللى متعودين عليها فى بلدنا و كمان كل يوم الواحد بيسمع عن سرقات سيارات كثيرة فتوكلت على الله وقلت هجيب عربية مستعملة
و كانت الاختيارات كثيرة جدا ( الميزانية من 65000 الى 80000) فكانت كالاتى:
ميجان, C4, اوبترا, صنى, ألانترا, نيو أكسنت, اليارس وطبعا البروتون و البيرسونا

انا مش بحب الاوبترا, نيو اكسنت, الصنى

وده راحة نفسية مس أكتر :)
فى الاخر رسيت المقارنة ما بين الميجان و اليارس و البيرسونا
وفى النهاية تم استبعاد الميجان بناء على راى زوجتى العزيزة :)
ولم اجد ياريس نضيفه
المهم رسيت على البيرسونا على اقتناع الحمد لله ومكنتش عايز جين2 علشان فرق الشنطة فى صالح البيرسونا
المهم فى الاخر اشتريت بيرسونا 2009 عاملة 38000 كم وتم الكشف عند عصام صفا و العربية الحمد لله تمام

بعد الشراء ب 3 ايام رحت عملت صيانة الاربعين عند عصام صفا
وتم شراء 4 كاوتش جديد عشان الكاوتش كان بتاع الفابريقة وكان فى رعشة مع السرعات العالية

المقارنة:
* السحب: البيرسونا أحسن من الاكسارا فى الstart وده راجع ان الاكسار تقيله شويه وده اللى حسيت بية
*الثبات: عفوا عشان انا عارف ان ممكن ناس تختلف كتير معايا فى النقطة دى ثبات الاكسار احسن يكتير من البيرسونا (فى المنحنيات على سرعات عالية والغرز) وهكذا
* الشكل الخارجى: الاثنين شيك وعاجبنى جدا
* الشكل الداخلى: الاكسارا أحسن شكلا وموضوعا فى كل شىء حتى المالتى فانكشن الاكسارا شكلة احسن بكتير
* استهلاك البنزين: عالى جدا فى البيرسونا وناس كتير قالتلى كده على البرتون عامة
* العفشه: البيرسونا حلوة بس ناشفة شوية, الاكسارا مريحة جدا بس كانت بتتربط كتير لسة معرفش البيرسونا ظروفها اه
* الاوبشنز: زى بعض بس البيرسونا تزيد ب زجاج خلفى كهرباء و المراية الشمال كهرباء, فى الاكسار اليمين بس كهرباء
* التكييف: لايوجد اختلاف ممكن نقول ان البيرسونا احسن بس فرق بسيط جدا

الراحة الشخصية: القعدة فى الاكسارا احلى و امكن التخزين اكتر بكتير

رأى الشخصى: العربية واخدة صيت اكتر من حقها بس هى مناسبة لسعرها و الاستفادة بالنسبة ليا هى الاتوماتيك فقط بس فى المقابل فى حاجات كتير خسرتها, والحمد لله انى مشترتهاش زيرو

اسف على الاطالة بس انا كنت بنقل تجربتى, ياريت محدش يتأثر بكلامى :)
بس الحمد لله انا مبسوط بالعربية و خصوصا انى تنقلاتى قليلة
شكرا والسلام عليكم

[ahmadfouda81]

انا فعلا سمعت كتير ن الاكسار ادائها جميل و هيا فعلا شيك......بس بعتها بسهوله؟وقطع الغيار كانت متوفره؟.

[Rambo10]

بس انا عربيتى الحمد لله كانت تمام انا نزلت الاعلان الجمعة وبعت الاحد الحمد لله
بالنسبة لقطع غيارها عادية جدا ومش غالية
بس بصراحة اغلى حاجة الكبالن جبتهم ب 1450
بس كانو فرنساوى

[amrelsha3er]

الشكل بيرسونا او جين2 بصراحه احلى (ازواق طبعا)
قطع غيار وتوافرها غالبا واحد
دى عربيه2002 ودى عربيه 2009
7سنين العربيه ماشيه دى برضو اكيد هتفرق
انت شكلك رجل عشرى واصيل عشان كده مش هاين عليك تقول كلمه على سيارتك القديمه ممكن كان يبقى فى فرق اه لو ميجان
اصل من كلامك كده مكنش ليه لزوم البيع :d ربنا يباركلك فيها اولا واخيرا :)
تحياتى

[Rambo10]

هى مش مسالة عشرى بس ده احساسى
هوة فعلا عربيتى الحمد لله كانت واقفة زى ما بيقولوا
بس انا كنت زهقت ونفسى اغير عشان موضوع المانيوال و الاتوماتيك :)

[eng.m7md.ali]

الف مبروك العربية الجديدة واختيار جيد
بس ليه استبعدت الميجان مع انها هتبقى قريبة من الاكسارا في كل حاجة

[rahieb_100]

السلام عليكم:
دى مقارنة بسيطة جدا بين سيارتى الحالية بيرسونا 2009 و سيارتى القديمة أكسار 1 2002
طبعا مبدئيا دى مش مقارنة معمليه و لا عقلية ولا فذة :)
السبب اللى خلانى أفكر فى تغيير الاكسارا اساسا هو انها كانت مانيوال وفى ظل الزحام اللى احنا عايشينه فبقيت محتاج سيارة اتوماتيك, فنويت انى اجيب بيرسونا زيرو لانى كنت بسمع عن البروتون من ناس كتير أنها عربيات جميلة ومن خلال ايضا أراء ناس أصدقائى
وفى يوم بعد ما أخذت القرار عربيتى أتحكت حكة عادية من اللى متعودين عليها فى بلدنا و كمان كل يوم الواحد بيسمع عن سرقات سيارات كثيرة فتوكلت على الله وقلت هجيب عربية مستعملة
و كانت الاختيارات كثيرة جدا ( الميزانية من 65000 الى 80000) فكانت كالاتى:
ميجان, C4, اوبترا, صنى, ألانترا, نيو أكسنت, اليارس وطبعا البروتون و البيرسونا

انا مش بحب الاوبترا, نيو اكسنت, الصنى

وده راحة نفسية مس أكتر :)
فى الاخر رسيت المقارنة ما بين الميجان و اليارس و البيرسونا
وفى النهاية تم استبعاد الميجان بناء على راى زوجتى العزيزة :)
ولم اجد ياريس نضيفه
المهم رسيت على البيرسونا على اقتناع الحمد لله ومكنتش عايز جين2 علشان فرق الشنطة فى صالح البيرسونا
المهم فى الاخر اشتريت بيرسونا 2009 عاملة 38000 كم وتم الكشف عند عصام صفا و العربية الحمد لله تمام

بعد الشراء ب 3 ايام رحت عملت صيانة الاربعين عند عصام صفا
وتم شراء 4 كاوتش جديد عشان الكاوتش كان بتاع الفابريقة وكان فى رعشة مع السرعات العالية

المقارنة:
* السحب: البيرسونا أحسن من الاكسارا فى الstart وده راجع ان الاكسار تقيله شويه وده اللى حسيت بية
ده حقيقى تسارع الاكسارا فى الاول مش حلو بس لما بتاخد سرعتها اوعى :)
*الثبات: عفوا عشان انا عارف ان ممكن ناس تختلف كتير معايا فى النقطة دى ثبات الاكسار احسن يكتير من البيرسونا (فى المنحنيات على سرعات عالية والغرز) وهكذا
[COLOR="rgb(255, 0, 255)"]وده برضه كلام مظبوط من افضل العربيات فى الثبات [/COLOR]
* الشكل الخارجى: الاثنين شيك وعاجبنى جدا
* الشكل الداخلى: الاكسارا أحسن شكلا وموضوعا فى كل شىء حتى المالتى فانكشن الاكسارا شكلة احسن بكتير
[COLOR="rgb(255, 0, 255)"]الخامات الداخلية للاكسارا افضل عموما والتقفيل[/COLOR]
* استهلاك البنزين: عالى جدا فى البيرسونا وناس كتير قالتلى كده على البرتون عامة
* العفشه: البيرسونا حلوة بس ناشفة شوية, الاكسارا مريحة جدا بس كانت بتتربط كتير لسة معرفش البيرسونا ظروفها اه
* الاوبشنز: زى بعض بس البيرسونا تزيد ب زجاج خلفى كهرباء و المراية الشمال كهرباء, فى الاكسار اليمين بس كهرباء
[COLOR="rgb(255, 0, 255)"]هنا بقى تتفوق البيرسونا فى ABS , EBD بس (عربيتى كانت اكسارا 2 وكانت 4 زجاج كهربا و مرايات كهربا)[/COLOR]
* التكييف: لايوجد اختلاف ممكن نقول ان البيرسونا احسن بس فرق بسيط جدا
[COLOR="rgb(255, 0, 255)"]هو فعلا تكييف الاكسارا مش قوى[/COLOR]
الراحة الشخصية: القعدة فى الاكسارا احلى و امكن التخزين اكتر بكتير
[COLOR="rgb(255, 0, 255)"]اتفق معاك تماما[/COLOR]
رأى الشخصى: العربية واخدة صيت اكتر من حقها بس هى مناسبة لسعرها و الاستفادة بالنسبة ليا هى الاتوماتيك فقط بس فى المقابل فى حاجات كتير خسرتها, والحمد لله انى مشترتهاش زيرو
[COLOR="rgb(255, 0, 255)"]فى دى بقى مش متفق معاك هى عربية حلوة فى مقابل ثمنها وفى رأى الشخصى انها افضل من حاجات تانية كتير فى نفس الفئة السعرية[/COLOR]
اسف على الاطالة بس انا كنت بنقل تجربتى, ياريت محدش يتأثر بكلامى :)
بس الحمد لله انا مبسوط بالعربية و خصوصا انى تنقلاتى قليلة
شكرا والسلام عليكم

[monamize4]

رأى الشخصى: العربية واخدة صيت اكتر من حقها بس هى مناسبة لسعرها و الاستفادة بالنسبة ليا هى الاتوماتيك فقط بس فى المقابل فى حاجات كتير خسرتها, والحمد لله انى مشترتهاش زيرو

+111111111111111111111111111111111111111111111111

اتمنى محدش يزعل منى او يدخل ف نقاش طويل ...دا مجرد راى شخصى

[Rambo10]

الف مبروك العربية الجديدة واختيار جيد
بس ليه استبعدت الميجان مع انها هتبقى قريبة من الاكسارا في كل حاجة

كان نفسى فى الميجان جدا بس مدورتش عليها كتير وكل اللى شوفتة مكانش حلو وده راجع ان زوجتى مش مرتحالها و انا كان نفسى اجبها هاتشباك الحمد لله

[ahmed_h_g]

أنا معاك فى كام حاجه كده الا موضوع الثبات
أنا مجربتش الستروين ولا أعرف حاجه عنها بس مظنش انها هتبقى أفضل فى الثبات

الف مبروك عالبيرسونا وربنا يباركلك فيها

[mido_soliman]

من قريتى لموضوعك حسيت انك مش حابب العربية
راءى شخصى بيعها فى اقرب وقت وارجع للفرنساوى او الاوروبى عموما

[eng.m7md.ali]

أنا معاك فى كام حاجه كده الا موضوع الثبات
أنا مجربتش الستروين ولا أعرف حاجه عنها بس مظنش انها هتبقى أفضل فى الثبات

الف مبروك عالبيرسونا وربنا يباركلك فيها

+11

انا سافرت بالجين 2 والميجان 2 الغردقة وبصراحة محستش بفرق كبير في الثبات
مش عارف الاكسارا احسن من الميجان ولا ممكن تكون عفشة البيرسونا فيها حاجة


ياريت تحاول تشيك على ظبط الزوايا جايز يكون في حاجة غلط لاني بصراحة احسن مافي البروتون هو الثبات

[tutankhamoun]

المقارنة:
* السحب: البيرسونا أحسن من الاكسارا فى الstart وده راجع ان الاكسار تقيله شويه وده اللى حسيت بية

البرسونا أتقل من الأكسارا
البرسونا 1230 كجم ............... الأكسارا 1080 كجم
يعني فيه فرق 150 كجم لصالح الأسكارا في خفة الوزن .

*الثبات: عفوا عشان انا عارف ان ممكن ناس تختلف كتير معايا فى النقطة دى ثبات الاكسار احسن يكتير من البيرسونا (فى المنحنيات على سرعات عالية والغرز) وهكذا

أنا معرفش البرسونا قوي .... فاهعلك تحت بنقطة تانية عن موضوع الثبات .


* استهلاك البنزين: عالى جدا فى البيرسونا وناس كتير قالتلى كده على البرتون عامة

الأستهلاك بيرجع لطريقة سواقتك و لو بتسوق في زحمة كتيرة .... أستهلاك البرسونا هايكون مش قليل
إنما في الطوالي ........ رائعة على سرعات ما بين 80 إلى 110 كم - س

اسف على الاطالة بس انا كنت بنقل تجربتى, ياريت محدش يتأثر بكلامى :)

نورت المنتدى ..... و محدش هايتأثر من كلامك يا فندم ... لا تقلق .
بس الحمد لله انا مبسوط بالعربية و خصوصا انى تنقلاتى قليلة
شكرا والسلام عليكم

رربنا يباركلك في العربية و يستر طريقك .

بالسنبة لموضوع الثبات ....
أنا عارف ان الأكسارا ثابتة .

بس أنا معرفش البرسونا قوي
الجين 2 ركبها واحد معاه بي أم دبليو صاحبنا في الشغل .....

قالنا بالحرف الواحد ......... أنا مكنتش مصدق ثبات العربية دي إلا لما جربتها .
قالي بالحرف ........ العربية زي الألماني بالظبط في الثبات .

كدا أنا محتاج أجرب البرسونا علشان أقدر أشوف ثباتها عامل أيه
فهل طول الشنطة الزيادة عاملة فرق ؟؟؟؟؟

بالسنبة لموتور أكسارا 1

موتور 90 حصان و بيطلع أقصى عزم عند 3000 لفة - دقيقة
بعكس موتور البرسونا ........ اللي بيطلع أقصى عزم عند 4000 لفة في الدقيقة .

مما يعني أن بداية الموتورين في الطلوع مع وجود فرق في الوزن لصالح الأكسارة في الخفة

يعني الأكسارا تطلع مستريح من البرسونا

بس سرعات عالية ............ البرسونا تكسب في التجيمع
و أنا مجربها مع واحد صاحبي .
موتور برسونا تكسب ........... طلعة اكسارا تكسب لو ما كبستش على البنزين .

أنت بس لسة ما أتعودتش على البرسونا .... لما تتعود عليها هاتعرف أكتر عنها .

بس ثبات الجين 2 أحسن من الأكسارا و عن تجربة برضه .... مش فرق رهيب بس الجين 2 التحكم فيها أفضل .
أنا بتكلم عن اكسارا 1 لأن هي دي اللي أعرفها و مجربها .

[tutankhamoun]

أنا هانزل أجرب الأكسارا تاني علشان بس ما بقاش متحيز للجين 2 .
إن شاء الله النهاردة بعد الصلاة .

[Rambo10]

من قريتى لموضوعك حسيت انك مش حابب العربية
راءى شخصى بيعها فى اقرب وقت وارجع للفرنساوى او الاوروبى عموما

أنا فعلا بفكر فى الموضوع دة بس مدى لنفسى فرصة حوالى 6 او 7 أشهر عشان اقدر اخد القرار الصحيح