إعـــــــلان

Collapse

.

,
See more
See less

توافر قطع الغيار في التوكيل

Collapse
X
 
  • Filter
  • الوقت
  • Show
Clear All
new posts

  • توافر قطع الغيار في التوكيل

    السلام عليكم يا إخواني الكرام

    أتوجه بموضوعي هذا إلى الأخوة الافاضل البروتوناوية المتعاملين مع عز العرب من زمان، ولهم خبرة وقدم راسخة في التعامل معاه.

    لاحظت أن كثير من ملاك بروتون على اختلاف فئاتها وطرازاتها، يشتكون من قلة توافر قطع الغيار في التوكيل بصفة مستمرة، وأنك لازم تحجز قطعة الغيار المطلوبة، وتنتظر شهور لغاية ما تيجي، ويتصلوا بك حتى تذهب وتستلمها.

    يعني على سبيل المثال، الباشمهندس فيلكس منتظر لمدة تزيد عن ستة أشهر عشان يحصل على فرش السقف تقريبًا.، والله أعلم حصل عليه، أم لسه على قائمة الانتظار. وغيره كثير من المواضيع في هذا الشأن.

    أقرب موضوع، بتاع الأخ صاحب البرسونا إللي جابت مانيفولد، وسأل عنه في التوكيل، ولم يجده، وحجزه، ولسه في انتظار وصوله، وربنا يعلم، أمتى هيجي. وممكن تكون العربية عطلانة ومركونة، واقفة علي استبدال هذه القطعة خصوصًا أنها غير متوفرة في محلات قطع الغيار خارج التوكيل.

    فسؤالي الآن، هل موضوع عدم توافر قطع الغيار في التوكيل ده طارئ ع عز العرب لظروف ما بعد الثورة مثلاً، أم هو ده نظامه، ودأبه وديدنه منذ حصوله على توكيل بروتون، أنك لازم تحجز الاول، وبعدين التوكيل يبعت لبروتون ماليزيا عشان يستوردها، والعميل ينتظر حتى يمل الانتظار؟

    هو مش المفروض يكون لديه مخزون من قطع الغيار بكافة أنواعها يكفي لمدة ستة أشهر أو سنة مثلا، والقطعة أو القطع التي تنفد، ويجي بدلاً منها، دونما أن يطلبها عميل، تكون دائمًا في وضع Standby؟

    هو الواحد ممكن يستحمل مشاكل التقفيل البسيطة وغلاء قطع الغيار وارتفاع قيمة المصنعيات...إنما تبقى قطع الغيار غالية ومش موجودة أصلاً، وبتدور عليها بالحلاوة مش لاقيها...فكده كتير كتيير صراحة!

    وآسف على الإطالة.

  • #2
    هو أنا عمري ما واجهتني المشكلة دي بصراحة .
    مبدئيا ... الواجا بتاعة فيلكيس حاجة و الجين 2 حاجة تانية
    الواجا أقل أنتشارا و فعلا ممكن حاجتها تكون مش متوفرة زي الجين 2 .

    بالسنبة لموضوع قطع لغيار .... لاءة القطع متوفرة بس لما بتخلص .... و تروح و هي خلصانة بتضطر تستنى لما الطلبية الجديدة تيجي .

    يعني هو مش بيعمل طلبيات مخصوصة على حسب طلبك .

    لاءة هو بيبقى عنده الحاجة عادي ...... و لو خلصت بقى بيبقى حظك مش حلو (سياسة غلط طبعا )

    أغلب الحاجات الأستهلاكية موجودة داخل و خارج التوكيل .
    و محلات قطع الغيار فيها حاجات كتيرة
    [img2]http://i59.tinypic.com/2vxpukz.jpg[/img2]

    Comment


    • #3
      لو الحاجة اللي أنت طالبها في الضمان بيحط أسمك في قائمة الأنتظار لحين وصول القطع المطلوبة مع الطلبية الجديدة و بيتصلوا بصاحب الطلب لأستلامها .

      أعتقد أن صاحب المانيفولد لو سأل برة ممكن يلاقيه على الأقل أستيراد و لكن هو عايز يجيبه ضمان لأنه بايظ في الضمان و لذلك هايستنى .
      [img2]http://i59.tinypic.com/2vxpukz.jpg[/img2]

      Comment


      • #4
        انا فعلا استنيت فرش السقف من يوم 10\1 واستلمته متركب في العربية يوم 5 او 6\10 يعني حوالي 9 شهور اهو وبالصدفة بسأل عليه قالولي جيه ومحدش كان بلغني
        وللاسف اضطريت اركبه مع انه في حاجة مضايقاني بس قولت مش مهم بدل مااستنى تاني
        المشكلة كانت ليها علاقة بتغيير الدريكسيون من اليمين للشمال والمقبض اللي كان في اليمين فوق راس الراكب بقى في الشمال فوق راس السواق اللي هو انا :))
        ماعلينا

        دلوقتي زي ماقال الاستاذ توت ان قطع غيار الجين2 متوفرة اكتر من الواجا وده بسبب انتشار الجين2 طبعا عن الواجا
        بس لما اتكلمت مع المهندس محمد في التوكيل قالي ان المشكلة دي بدأت بعد الثورة بسبب عمليات تهريب الفلوس اللي كانت موجودة وظهرت بعد الثورة وكمان في اجرائات بتتعمل في الكسب غير المشروع عشان الفلوس تطلع برة وبتبقى بنسبة معينة مينفعش يجيب كميات اكبر
        طبعاً الكلام مدخلش دماغي او مقتنعتش بيه بس لقيت ان كل التوكيلات فعلا بتعمل كدة بس مش عارف لاي سبب غير موضوع تهريب الفلوس دي

        انا لازلت حاجز 4 مساعد وطرمبة باور مع انها كانت موجودة بس للاسف واحد اشتراها قبل اقتناعهم ان فيها مشكلة عندي
        eng f3lix سابقا

        Comment


        • #5
          أنا مش عارف عز العرب مضطهدكم ليه :)

          يمكن مش متعود إنه يبيع حاجة كتير , يعني يعمل service و يوفر حاجات لعربية منتشرة
          أنا مرة طلبولي طقم مفاتيح ب lock من فرنسا جت في 10-14 أيام و كلموني على طول
          مش فاكر واللهِ ,و بعد الثورة على فكرة

          و كمان عرضوا يجيبوهولي لفرع العجوزة لو الصحراوي بعيد بس كنت مسافر ساعتها و عديت اخدته , تخيل ؟؟
          بس رأيي المتواضع حجة الثورة وتهريب الفلوس دي خايبة قوي بصراحة

          ده لو هيجيب فرش السقف ده من فرنسا مشي مش هيعد 9 شهور
          و كمان ميكلمكش لما ييجي !!!!!

          Comment


          • #6
            مش عارف
            بس انا محصلش معايا حاجة من دى لما كنت عايز حاجة لعربيتى الاكسارا
            قالولى احجز وهاتيجى فى خلال 15 يوم وفعلا حجزت واتصلوا بيا بعد 4 ايام بالظبط علشان اروح اركبها
            والكلام ده لسة قريب من حوالى 3 شهور
            اعتقد ان التأخير بيكون ناتج لحجم الحاجات اللى هاتيجى من برة
            يعنى اعتقد انه مش هايعمل امر استيراد لفرش سقف بس هايقعد يستنى لحد ما يجمع كمية معينة وبعد كده يبعت امر استيراد للحاجت كلها مرة واحدة :)

            Comment


            • #7
              ممكن حالة السقف فالواجا دي تبقى حاجة فردية
              ساعات الدنيا بتقفل كده :) , متعرفش ليه ؟؟

              Comment


              • #8
                جزاكم الله خيرًا أخواني الكرام على الردود والتفاعل والمشاركات الإيجابية الطيبة.

                حضراتكم لو تلقوا نظرة مثلاً على الموضوع المثبت إللي هو عنوانه تقريبًا "أنت تسأل، والباشمهندس آمر يجيب"، تلاقي شكاوى كتيرة عن توافر قطع الغيار، إللي محتاج كلوك سبرينج، أو موتور مساحات أو مفاتيح الزجاج الكهربائي وغيره كتير،و مستنى له ردح من الدهر. أما لو انتقلت إلى صفحة بروتون مصر على الفيس بوك، هتلاقي ناس برده منتظرة علبة دريسكون أو إيرباج وغيره من شهور أيضًا.

                الحاجة إللي تضايق بقى إن الباشمهدس آمر توقف منذ زمن عن التفاعل والرد على شكاوى العملاء في الموضوع المثبت المشار إليه.

                وكذلك أيضًا أدمن أو مدير صفحة بروتون مصر على الفيسبوك توقف تمامًا عن التفاعل والرد والاستجابة لطلبات العملاء وأسئلتهم وشكاويهم. تقريبًا آخر مشاركة لأدمن الصفحة كانت في شهر يوليو الماضي، يعني منا يقرب من أربعة أشهر الآن، حاجة غريبة يعني!

                مافيش أي اهتمام ببروتون، وكأنها مفروضة على عز العرب، أو واخدها كمالة عدد، مش محتاج يعني!

                Comment


                • #9
                  هو بصراحه تحس فعلا انه مش فاضلها
                  كفايه عليه سيتروين وكرايسلر ودودج وفولفو
                  اكيد المعامله بتختلف وبشهاده ناس معاها سيتروين
                  [FONT=Comic Sans MS]elsha3er[/FONT]

                  Comment


                  • #10
                    يا جماعه انا محبط جدا من اللى بقرأه هنا يعنى ايه توكيل مفيهوش قطع غيار
                    يارتنى كنت قرات هنا فى المنتدى من زمان مكنتش حجزت اصلا حسبنا الله ونعم الوكيل
                    والله ده غش علنى وسرقه كمان بيطمعونا فى العربيه وقالو لى توكيل وقطع غيار تمام مفيش بعد كده اطمن
                    والله العظيم كان معايا اوبترا وكنت مستريح جدا كان كل حاجه موجوده حتى الكلاكس غيرته فى الضمان ومفيش حاجه اسمها مش موجوده واحجزها وهنتصل بيك
                    يبدو انى مقبل على معركه مع عز العرب خصوصا انا عصبى جداااااااااا ربنا يستر

                    وعلى فكره انا كرهت البرسونا قبل مااستلمهاواسف على الاطاله

                    Comment


                    • #11
                      المشاركة الأصلية كتبت بواسطة amrelsha3er مشاهدة المشاركة
                      هو بصراحه تحس فعلا انه مش فاضلها
                      كفايه عليه سيتروين وكرايسلر ودودج وفولفو
                      اكيد المعامله بتختلف وبشهاده ناس معاها سيتروين
                      مع إن proton أكتر حاجة بتبيع !!!!!!

                      Comment


                      • #12
                        المشاركة الأصلية كتبت بواسطة amrelsha3er مشاهدة المشاركة
                        هو بصراحه تحس فعلا انه مش فاضلها
                        كفايه عليه سيتروين وكرايسلر ودودج وفولفو
                        اكيد المعامله بتختلف وبشهاده ناس معاها سيتروين
                        يا عمرو ده حتى مستنكف أو مُستعر من أن يحط اللوجو بتاع برتون على واجهة فرع أبو رواش، تلاقي دودج وفولفو وستروين وكرايسلر ورام، ولا أثر لبرتون، يحسسك أنها مش تبعه ولا صلة له بها.

                        طيب طالما مش فاضي لها، أخد توكيلها ليه، أو بالأحرى بروتون ماليزيا منحته التوكيل على أي أساس. أنا عن نفسي لو مُصنِّع للسيارات، وبأفكر أن أغزو سوق معينة من الأسواق، ولنفترض السوق المصري، مش هأدور على واحد معاه توكيلات لعشرتعشر علامة تجارية من ماركات السيارات، بل هأبحث وأفحص وأمحص وأنقب عن وكيل طموح شاب فَتيّ عايز يثبت نفسه في السوق المستهدف، يعرف يعزز من الصورة المؤسسية أو صورة شركتي كجهة تصنيع، ويدعم من وجودها، ويضيف إليها، مش وكيل Tycoon مش فاضي للعلامة التجارية بتاعتي ومنفض لها، يكره الناس فيها، ويقوض من وجودها إلى أن تندثر وتفشل وترحل إلى بلدها الأم.

                        Comment


                        • #13
                          المشاركة الأصلية كتبت بواسطة sa3d alex مشاهدة المشاركة
                          يا جماعه انا محبط جدا من اللى بقرأه هنا يعنى ايه توكيل مفيهوش قطع غيار
                          يارتنى كنت قرات هنا فى المنتدى من زمان مكنتش حجزت اصلا حسبنا الله ونعم الوكيل
                          والله ده غش علنى وسرقه كمان بيطمعونا فى العربيه وقالو لى توكيل وقطع غيار تمام مفيش بعد كده اطمن
                          والله العظيم كان معايا اوبترا وكنت مستريح جدا كان كل حاجه موجوده حتى الكلاكس غيرته فى الضمان ومفيش حاجه اسمها مش موجوده واحجزها وهنتصل بيك
                          يبدو انى مقبل على معركه مع عز العرب خصوصا انا عصبى جداااااااااا ربنا يستر

                          وعلى فكره انا كرهت البرسونا قبل مااستلمهاواسف على الاطاله
                          يا باشا لا تغتم ولا تهتم. الموضوع بسيط إن شاء الله.

                          ربنا سبحانه وتعالى يقول في كتابه الحكيم:

                          "فعسى أن تكرهوا شيئًا، ويجعل الله في خيرًا كثيرًا."

                          إن شاء الله العربية ممتازة، واختيار موفق، والخيرة دائمًا فيما اختاره الله.

                          هو دائمًا لا يطفو على السطح إلا المشاكل والشكاوى، إلا أن في ناس كتيرة، الأخوة في القسم يشهدون، معاهم بروتون بطرازاتها المتنوعة ومبسوطة منها، وسمنة على عسل مع التوكيل.

                          بإذن الله تستلم على خير، وربنا يبارك لك فيها، وتبقى تشرفنا بمشاركة تصف لنا قدر شكرك لله على أن وفقك لاختيارها، ومدى انبساطك به...إلخ

                          Comment


                          • #14
                            انا عايز اوضح ان احنا كنا حوالي 300 مالك من ملاك بروتون بعتنا ايميل لماليزيا وشرحنا فيه كل اللي اتقال ده

                            والظاهر كدة ان الشركة عارفة ومبسوطة مدام كدة كدة بيبيع من غير اي اعلانات ولا اهتمام
                            eng f3lix سابقا

                            Comment


                            • #15
                              المشاركة الأصلية كتبت بواسطة ahmed-adel مشاهدة المشاركة
                              مع إن proton أكتر حاجة بتبيع !!!!!!

                              هيا الاكتر لانها الارخص في الوحوش دول .. اقل عربية دلوقتي في سيتروين ب 140 الف تقريبا
                              eng f3lix سابقا

                              Comment

                              Working...
                              X