نصائح عند شراء و استلام البروتون جين 2

[Zordon]

السلام عليكم و رحمة الله و بركاته
من فترة كبيرة و انا متابع القسم ده من المنتدى و بصراحة اقنعتونى جداً بشراء الجين2 لما فيها من مميزات قوية ليست متوافرة فى اى سيارة اخرى فى نفس حدود سعرها
انا حجزتها "اوتوماتيك سبورت" من توكيل عز العرب و قالولى هتستلمها يوم 22-7

دلوقتى حبيت استفسر منكم عن الحاجات اللى المفروض بتيجى مع العربية زى الستبن و الايريال بتاع الراديو و الحاجات ديه
تانى حاجة عاوز اعرف ايه اهم حاجات اكشف عليها فى العربية قبل ما استلمها عشان اتلافى عيوب التقفيل
اخر حاجة عاوز استفسر عنها مع ان لسة بدرى عليها هى الصيانة الدورية و هل ممكن اعملها فى اى مركز تابع ليهم زى اوتوماجد او امير و جوزيف؟؟ و بتتكلف كام؟؟ و هل لو فى اى عيوب فى التقفيل زى زرار معلق ممكن اصلحه برده فى المراكز ديه عشان مركز الصيانة بتاع الكيلو 28 ده بعيد قوى
و شكراً ليكم

[fat7elbab]

وعايز اضيف سؤال كمان بعد إذنك

العربيه وهى فى الضمان بتاعها هل مثلا لو زرار معلق

وهروح أصلحه هيخدوا فلوس ولا بيكون من غير أى حاجه

تانى حاجه هى الضمان بتاع العربيه قد ايه ؟

وشكرا

[ahmedsiyam]

السلام عليكم

ادخل يا اخى الفاضل على الموضوع المثبت فى القسم اول موضوع خالص هتلاقى فيه مايهمك بخصوص الملحقات اللى بتبقى مع السيارة

بخصوص الصيانة
انا عن نفسى باضطر اروح ابور رواش و اريح دماغى بس لو هاتعمل صيانة خفيفة مافيهاش حاجة لو روحت امير و جوزيف اسمع انهم كويسين
تتكلف كام ده انا ماعرفهوش خالص لانه بيبقى على حسب نوع الصيانة اللى هاتعملها و بعدين لسه بدرى على الكلام ده استلم الاول و خليها على الله بعد كده مادمت اخدت القرار

الاخ فتح الباب
طبعا مابيخدوش منك تعريفة لانك فى الضمان انما لو بتغير زيت او تيل او صيانة من الكلام اللى بينتج عن استهلاكك للعربية بتدفع مصنعية طبعا + ثمن قطعة الغيار

[Zordon]

شكرا عى ردك يا استاذ احمد
انا كان نفسى بس حضرتك او اى حد من ملاك الجين2 يقول لنا ايه الحاجات اللى بتيجى معاها بالضبط عشان مفيش موضوع مخصوص فيه الكلام ده
و كنت عاوز اسأل لو فيه حاجة فى عيؤب التقفيل زى زرار معلق ممكن اصلحه فى امير و جوزيف؟؟

[ahmedsiyam]

انا ماعرفش امير و جوزيف اخبارهم ايه فى موضوع الصيانة و هل عندهم قطع غيار متوفرة للعربية و لا لأ
وممكن تعدى عليهم تسالهم وانا لو عديت قريب منهم هاسالهم برضه لان مشوار الصحراوى بعيد جدا بالذات لو الواحد محتاج حاجة خفيفة فى الصيانة

اللى بيجى مع العربية يا سيدى
-ايريال راديو
-كتالوج العربية و الكاسيت و كتيب الصيانة و الضمان طبعا
- دواسات لصالون العربية الداخلى
- طقم عدة و كوريك و عجلة استبن
- 4 غطاء للجنوط الاسبور
- 2 مفتاح للسيارة

ده على ما اتذكر كده و لو افتكرت حاجة هابقى اضيفهالك

[Zordon]

شكرا جزيلا على المعلومات دى يا استاذ احمد جزاك الله كل خير
و لو حضرتك عرفت اى حاجة عن موضوع الصيانة و قطع الغيار ده يا ريت تقولنا
و انا بردو هحاول اعدى على امير و جوزيف او اوتوماجد و اسالهم

[ahmedsiyam]

من عينى حاضر

[mazagnge]

منووووووووور يا ابوصــيام المنطقة و المناطق اللي حوليها