سير الكاتينة + البلية

[Ali_mehrem]

يجماعة معايا جين 2 موديل 2006 و عاملة 61000 كم عايز اغير سير الكاتينة و بلية شداد فى التوكيل عايز اعرف سعرهم و المصنعيات و ياريت لو حد يدلنى ازاى احجز عشان اغيرهم

[rahieb_100]

Ezz Elarab Headquarters:

Sales & Service Center
Km 28 Cairo-Alex Desert Road,
Abou Roash, Giza
Egypt.
202 35390601
202 35390610

Agouza Service Branch:

Service Center
57 El A'alaam Bldg,
Agouza, Giza,
Egypt.
202 33025363
202 33025364
ممكن تكلمهم وتعرف وتحجز ميعاد

[Ali_mehrem]

الف شكر

[RedBull_30]

انا لاحظت حاجة في كتيب الصيانة وهي ان سير الكاتينة بيتغير على 80 الف ومش 60 ..
انا عربيتي جين 2 2008 وانا فعلا غيرت سير الكاتينة على 60 الف و طبعا ندمان ان عملت كده بس اكتشفت المعلومة بعد ما غيرت السير بكتير .

[Ali_mehrem]

المشكلة انى عندى صوت فى البلى من صيانة ال 20000 و قالولى هنبقا نغيرلك البلية فى الصيانة الجاية عشان مش موجود و بعدين كان غالى اوى 1250 البلية غير صيانة غير السيور و قالولى هنعملهالك فى الضمان و صحكوا عليا و العربيا طبعا مع الوقت عدى الضمان و انتهى الموضوع و هغيرها على حسابى لان صوتها بقا مزعج و خايف احسن البلى يفرط ولا حاجة و السير يرخى و يفلت و الصبابات تسلم على البساتم و يبقا حوار حوار يعنى فقولت ابتدى انا احسن مهى اللى تبتدى فعايز اعرف حضرتك غيرتهم بكام و فى التوكيل ولا لا ؟

[shakshak2011]

بصوا يا جماعه .. أنا كان التوكيل قالى إن سير الكاتينه بيتغير عند ال 60 ألف أو بعد مرور 3 سنوات .. أنا شخصياً غيرته بعد مرور 3 سنوات و العربيه كانت عامله 41 ألف كيلو فقط ..
سير الكاتينه هو روح العربيه .. و لو لاقدر الله حصل فيه حاجه .. الماتور بيضيع .. فالأسلم تغيره على 3 سنوات و إنت الكسبان .. الموضوع مش أكثر من 400 جنيه بالكثير بس تكون فى الأمان ..
و الله أعلم

[Ali_mehrem]

طب حد يقولى اسعار البلى كام وهل هما اتنين ولا واحدة و بكام و السير كمان كام و المصنعيات

[eng.m7md.ali]

البلية بتتشحم عند اي ميكانيكي وصوت الصفارة بيختفي بدل ماتدفع المبلغ ده

[Ali_mehrem]

يجماعة انا اتصدمت صدمة بنت لذينة انهاردة و كلمت التوكيل و حجزت معاد فبسالهم التكلفة قد اية قالولى 1400 جنية تمن سير و البلية بذمتك هل دة يعقل يجدعان فى عربية بتغير سير و بلية ب 1400 جنية لية هو احنا بنسرق ولا اية ولله حرام حد يقولى اذا كان فى حل اخر مقنع و المشكلة خايف اعملهم عن حد تانى بره و يكون خامات مضروبة او غير اصلية و نقطة اخيرة هل دى جزاة اللى بيشترى عربية سعرها منخفض يسرقونا فى قطع الغيار !!!

[nemo2000x]

يجماعة انا اتصدمت صدمة بنت لذينة انهاردة و كلمت التوكيل و حجزت معاد فبسالهم التكلفة قد اية قالولى 1400 جنية تمن سير و البلية بذمتك هل دة يعقل يجدعان فى عربية بتغير سير و بلية ب 1400 جنية لية هو احنا بنسرق ولا اية ولله حرام حد يقولى اذا كان فى حل اخر مقنع و المشكلة خايف اعملهم عن حد تانى بره و يكون خامات مضروبة او غير اصلية و نقطة اخيرة هل دى جزاة اللى بيشترى عربية سعرها منخفض يسرقونا فى قطع الغيار !!!

هوة ألي حصل أية ؟؟؟؟؟ الراجل نزل في تمن العربية بس....غلا عليك قطع الغيار
مفيش حد طيب في الزمن دة
ربنا يصبرك
مع إني معجب جدا بالبروتون بس خايف من ألي حضرتك واقع فية دلوقتي

[abdoumahros]

انا لسه مغيرهم

انا برضه عربيتي موديل 2006 ولسه عامل التي عند عصام وصفا
سير كاتينه +سير مجموعه+بليه شداد 900 جنيه
مصنعيه تركيبهم 250 جنيه
بس انا غيرت كمان فلتر الهواء والبوجيهات من عندهم وخليتهم يركبوا ليا فلتر بنزين كنت جايبوا معايا طبعا بتاع النوبيرا
اجمالي اللي دفعته 1400 جنيه تقريبا
نصيحه : سير الكاتينه والبليه بالذات لازم اصلي لان قرصتهم بتوجع
سير الكاتينه في شارع دمشق حوالي 130 جنيه وسير المجموعه تقريبا 140 والبليه 390
واعتقد تركيبهم عند ورشه حوالي 150 بس ما انصحش بكده
ارجوا ان اكون افدتك

[lanos2004]

غيرهم اضمن البليه كانت عندى خشنه وعملت مشكله قبل كدة - ودخلتنى فى حوار تغير صبابات اى نعم عربيتى لانوس بس كلها عربيات

[amrelsha3er]

يعنى ياجدعان ده امر طبيى ان الرجل يغير كاتينه وبليه ب1400ج؟؟؟!!!!! ولا يعمل ايه؟؟ فى حل تانى؟؟؟؟؟

[Motarjim]

يعنى ياجدعان ده امر طبيى ان الرجل يغير كاتينه وبليه ب1400ج؟؟؟!!!!! ولا يعمل ايه؟؟ فى حل تانى؟؟؟؟؟

يا بلاش يا أخي...المشكلة مش في المصنعية لأنه أخد 250 جنيه، إنما المشكلة أن قطع الغيار نفسها غالية.

[amrelsha3er]

يا بلاش يا أخي...المشكلة مش في المصنعية لأنه أخد 250 جنيه، إنما المشكلة أن قطع الغيار نفسها غالية.

بس دى حاجات معمره برضو يامترجم كل 60الف ك تدفعلك 900ج مش وحش يعنى الكيلو واقف00.015 قرش :d
حلو اوى بروتون حلوه ياجدعان برضو متقنعونيش زى الفل ان شاء الله (ملحوظه:انا هستلم بعد بكره انشاء الله) (a) :d:d:d