تحذير: ردارات المحور رجعت تعمل

[K3A]

لكل اللى بيسوق على سرعات عالية ... او عنده مزاج انه يعدي ال 90
خد بالك ردارات محور 26 يوليو رجعت للخدمة ... وكذلك الردارات عل الطريق الدائري

يا رب يعملوا لجان للنقل اللي بيمشي شمال

تحياتي

[Eng.Geo]

كنت عليه النهاردة وغصب عني كان لازم أجري
اللي شغال
أول واحد وانت رايح أكتوبر من ناحية الدائري
اللي قبل النفق جي من أكتوبر رايح ميدان لبنان
غير كدة مش شغال
بس الناس ماشية فعلا مسطرة النهاردة ومحدش بيجري
يا رب كدة دايما

[mazagngi2010]

اخص على كده :(

[togo]

اسوء خبر ممكن اسمعه

[Ahmed_Adham]

شغاله بقالها ييجي اسبوعين يا جماعه أو 10 ايام كده وتاني يوم ما اشتغلت أنا شوفت اللي قبل النفق اللي عليه اعلانات فودافون شغال تصوير الله ينور. صور ييجي أربعه قدامى قبل ما أوصله.

أنا شايف المحور يستحمل أكتر من 90 لما نقارنه بالدائري اللي عليه تريلات مبهدله الطريق والسرعه عليه 90 برضه في مقابل ان المحور مفيش عليه نقل والاسفلت بتاعه انضف بكتير ومفيش فيه فواصل ولا ناس بتعدي الطريق ولا ناس واقفه على الجوانب مستنيه المواصلات ولا ميكروباصات بتقف في أى حته تنزل ناس.

[Raul_7]

لينك المخالفات بسرعة يا رجالة. :(

[dede_dodo88]

أنا على المحور بكون دايماً مش أقل من 160 لأن لو أقل من كده بحس أن هيجيلي شلل..
بس لما شفت مواضيع رادرات المحور دي هنا أحترمت نفسي أمبارح و فضلت 90-100!! xD

[shakshak2011]

هو رادارات الدائرى الشغاله بتكون فين بالضبط؟؟

[S O P H O S]

وموقع المخلفات تحت الصيانة !!

[A.Saad]

احسن خبر

[Ahmed_selmy]

ربنا يسطر

[د.هشام]

شكرا علي الخبر
انا لسة ملسوع الف جنيه ﻣﺨﺎﻟﻔﺎﺕ