العربيه اتخبطت وهيا واقفه

[Nabil.M]

السلام عليكم ورحمة الله وبركاته
من عنوان الموضوع اعتقد كده انه اتفهم العربيه اتخبطت وهيا واقف في الباب الحمد لله قدر الله وما شاء فعل بس الباب دخل شوية لجوة هيا حاجه بسيطة بس شكلها مدايقني قوي العربيه لسه جديده وكمان فيها شوية خرابيش عاوز اظبطهم تنصحوني اروح فين والموضوع ده هيكلف قد ايه وهل العربيه هترجع لشكلها الاصلي ولا هتسيب اثر برده بس اقل

[ibn_seena]

متابع
نفس المشكله عندي وشكل الخبطة يحزن

[hany63]

سيبها تاخد العين
انا لسه العربيه مخبوطه في جراج العماره و مغطيها بين عمودين و كل اللي بارز 10 سم عشان قدامي حيطه و جه واحد اعمى خبطها رغم انها في ممر يعدي عربيه نقل فالرفرف دخل و كسر ودن تثبيت الاكصطدام بالرفرف و الكارتيره بقت تحك في العجله كل ما اخد مطب علي و وواطي لدرجة اني افتكرت العربيه اتدمرت لحد ما في التوكيل شافوها و عدلوا الكارتيره

[Nabil.M]

متابع الموضوع

[mado83]

حصل معايا نفس الموضوع قبل كده
بس اللى يزعل يبقى غلطان
قول الحمد لله

[sabregas2010]

انا رأيى ان احسن حاجة التوكيل وخصوصا لو مأمن عليها
وان شاء الله هترجع زيرو

[Nabil.M]

انا عامل تامين شامل على العربية بس هل التامين هيدفع حاجه في خبطة زي دي

[amrelsha3er]

انا عامل تامين شامل على العربية بس هل التامين هيدفع حاجه في خبطة زي دي

ايوه ياباشا طالما مأمن هيدفع بس انت تعاين الاول وبعدين تعملها وبعدين الشكره تطلعللك الشيك
يستحسن تستنى شويه المقصد انك تعمل كزا حاجه مع بعض انا معرفش انت شارى من امتى وفاضل فى تامينك اد ايه
على حسب ظروفك انت
وان شاء الله لو صنايعى بيفهم يطلعها زى الفابريكه فى صنيعيه سمكلاه كتير دكاتره
وقدر الله ماشاء فعل لاتحزن كويس انها بتيجى فى الصاج

[Nabil.M]

ايوه ياباشا طالما مأمن هيدفع بس انت تعاين الاول وبعدين تعملها وبعدين الشكره تطلعللك الشيك
يستحسن تستنى شويه المقصد انك تعمل كزا حاجه مع بعض انا معرفش انت شارى من امتى وفاضل فى تامينك اد ايه
على حسب ظروفك انت
وان شاء الله لو صنايعى بيفهم يطلعها زى الفابريكه فى صنيعيه سمكلاه كتير دكاتره
وقدر الله ماشاء فعل لاتحزن كويس انها بتيجى فى الصاج

العربيه انا استلمتها من حوالي شهر ونص والبوليسه عملتها في نفس يوم الاستلام والعربيه شاريها كاش