محتاج مساعدتكم بخصوص عربيه جين تو

[ESlamgandhi]

اولا انا سعيد بوجودى فى المنتدى ده وبستفيد جدا من مواضيعكم
ده اول موضوع ليا هنا ويا رب تقدروا تفيدونى
انا قدامى عربيه جين تو اوتوماتيك موديل 2012 قاطعه 9,800 فبريكه طبعا
بس المشكله انى مش بفهم فى العربيات اوى ومفيش حد اعرفه ييجى معايا يشوفها
محتاجكم تقولولى ايه اكتر حاجات اركز عليها وانا بشوف العربيه دى ورئيكم اكتفى بإنى ارفعها فى بنزينه بما انها كسر زيرو ولا افحص فى التوكيل اضمن
اخر حاجه العربيه معروضه ب86000 وهو كان شاريها فى نص 2012 وعاملها فرش جلد ورخصه 3 سنين فهل ده سعر كويس ولا تقدروها بكام بالظبط
وشكرا ليكم

[rahieb_100]

روح بيها على التوكيل او احد مراكز الخدمة المعتمدة يكشف عليها ويديك تقرير بحالتها

[ahmed_h_g]

روح الفرع الرئيسى يعملك تقرير كامل وريح نفسك

[eng.m7md.ali]

العربية دي بشبه عليها
كان زميلنا عمرو الشاعر هيشتريها
الاحسن طبعاً تكشف في التوكيل زي اخواتنا قالو
وربنا يوفقك

[ESlamgandhi]

اولا انا متشكر على ردودكم بس يا ريت حد يجاوبنى هو سعرها كده كويس ولا ايه السعر المناسب ليها لأن اكتر من حد قاللى غاليه بس هما مش متابعين سوق البروتون يعنى

[eng.m7md.ali]

سعرها جديد اوتو بتعمل 96 الف يعني فرق 10000 جنيه
+ ان العربية ماشية حوالي 10000 كيلو ومعمولها فرش جلد وترخيص 3 سنين
اعتقد السعر لو 84 يبقى حلو اوي كمان
حاول تنزل شوية في السعر وربنا يوفقك

[osamashawky]

السعر كويس قوي ... افحصها و توكل على الله
الجديد الوقتي امع انه وصل 99 الف يعني انت الكسبان

[Motarjim]

السعر كويس قوي ... افحصها و توكل على الله
الجديد الوقتي امع انه وصل 99 الف يعني انت الكسبان

99 ألف، الله يطمنك يا ريس، طيب ما فيش ديس كونت :)

[ESlamgandhi]

99 ألف، الله يطمنك يا ريس، طيب ما فيش ديس كونت :)

انا فعلا سألت عليها وقالولى 2013 نازله 99 الف ونفس الشكل والكماليات وبدأ الحجز عليها من دلوقتى بس الاستلام بعد شهرين

[amrelsha3er]

العربية دي بشبه عليها
كان زميلنا عمرو الشاعر هيشتريها
الاحسن طبعاً تكشف في التوكيل زي اخواتنا قالو
وربنا يوفقك

صحيح كلامك يافيلو بس التانيه كانت ماشيه20الف وبرضو كان عاوز 86 :d
ارفعها ياباشا عند عصام وصفا ب250ج ويدولك تاريخ السياره وكفائتها

[EHAB_9843]

العربية دى كنت عايز اشتريها وروحت شوفتها بس الزجاج الامامى مشروخ وصاحبة العربية مش عايزة تنزل جنيه مع ان البربريز ب 2000 جنية الاصلى بتاعها والعبية دى عند معرض عبود امام الرقابة الادارية

[EHAB_9843]

والصراحة انا قفلت من 2012 لما شوفت العربية ولقيت الكاسيت اتغير بكاسيت شكله سىء جدا وبدرج تحت الكاسيت وانا بصراحة شايف ان شكل التاباوه بالكاسيت القديم جامد والشياكة فى الانتريور للعربية هية اللى مشجعانى عليها اوى وناويت خلاص على جين او بيرسونا
ولو حد عنده بقى 2011 او 2010 حالة ممتازة كسر زيرو للبيع ايا كان السعر يقولى وانا دايس

[EHAB_9843]

وللعلم انا عشقت الجين 2 من غير ما اشتريها ولما بركبها بحس انى راكب عربيه علية اوى اوى وانا كان معايا فرنا وحاليا افيو بس شتان الفارق
وكمااااان البركة فى رجالة المنتدى المحترم بيسهلوا اى حاجة وان شاء الله فى القريب العاجل هبقى من اعضاء المنتدى officially

[olver]

العربية دى كنت عايز اشتريها وروحت شوفتها بس الزجاج الامامى مشروخ وصاحبة العربية مش عايزة تنزل جنيه مع ان البربريز ب 2000 جنية الاصلى بتاعها والعبية دى عند معرض عبود امام الرقابة الادارية

يااااااااااه الدنيا صغيره فعلا انا و واحد صحابى كنا بنشوفها امبارح و هى الى فى معرض عبود
نفس الى حصل مع حضرتك بالزبط انا قولت يا عمنا حرام الزجاج مكسور مفيش كانو غلطتى انا
قولت طيب النص بالنص يعنى الف ننزلها من السعر قلى العربيه مش بتاكل و لا تشرب بصراحه
جبت اخرى اصل على ايه يعنى كل ده مش اخر بروتون يعنى و ربنا يرزقك بعربيه كويسه انشاء الله

[EHAB_9843]

يااااااااااه الدنيا صغيره فعلا انا و واحد صحابى كنا بنشوفها امبارح و هى الى فى معرض عبود
نفس الى حصل مع حضرتك بالزبط انا قولت يا عمنا حرام الزجاج مكسور مفيش كانو غلطتى انا
قولت طيب النص بالنص يعنى الف ننزلها من السعر قلى العربيه مش بتاكل و لا تشرب بصراحه
جبت اخرى اصل على ايه يعنى كل ده مش اخر بروتون يعنى و ربنا يرزقك بعربيه كويسه إن شاء الله