شبه رسميًا بروتون برسونا 2013 بـ 99 ألف جنيه

[Motarjim]

السلام عليكم،

اتصلت بالأستاذ محسن صالح بخصوص بروتون برسونا 2013، قالي الحجز متاح حاليًا، والاستلام بعد عشرة أيام، والسعر 99 ألف جنيه بزيادة قدرها 3 آلاف جنيه عن الموديل 2013 دون تعديل أو تغيير في العربية، واعتقد إن الجين تو نفس السعر تقريبًا، إن لم تكن اقل ألف مثلاً.

فيا ترى السعر ده بيكون نهائي، أم قابل للتفاوض عند الشراء نقدًا؟

[S O P H O S]

الناس دي فعلا غريبة
بدل العربيات متبدأ تنزل فاول السنة
تغلا قبل نهاية العام !!

[amrelsha3er]

انا على كده نفدت بقى :d
يلا ياجدعان اوفر اهو جين2 ب98 بدل 99 وفر 1000ج :d :d :d :d
للمخابره محدش يتصل بيا عشان مش هبيع :p

[hossam_elwani]

ارتفاع سعر الدولار هو السبب

[الغزالى]

ال 2 ب 99 الف جنيه ... جين وبيرسونا
ومش شبه رسمى لاء رسمى :]

[Motarjim]

انا على كده نفدت بقى :d
يلا ياجدعان اوفر اهو جين2 ب98 بدل 99 وفر 1000ج :d :d :d :d
للمخابره محدش يتصل بيا عشان مش هبيع :p

بسم الله ما شاء الله، عديت يا ريس، وربنا ييسر لك الاستلام على خير.

السؤال بقى: هل بيكون فيه تخفيض عن السعر الرسمي المعلن عند التكييش؟

[amrelsha3er]

بسم الله ما شاء الله، عديت يا ريس، وربنا ييسر لك الاستلام على خير.

السؤال بقى: هل بيكون فيه تخفيض عن السعر الرسمي المعلن عند التكييش؟

ممكن بينزلو الف انت وشطارتك الكلام ده على 2012 الله اعلم بالجديد بقى :d

[Motarjim]

يبدو أن عام 2013 سيشهد أرتفاعًا في أسعار كثير من السيارات.

رفع هبّور أسعار أكسنت RB موديل 2012 و2013، وإلنترا 2013 بزيادات تترواح بين 5 آلاف و7 آلاف وحتى 8 آلاف جنيه عن الأسعار القديمة.

وفيما يلي رابط الخبر على عربيتي:

ارتفاع أسعار هيونداي أكسنت RB 2012 و2013 وإلنترا 2013 في مصر

فعز العرب قلبه حنين على كده مقارنةً بغبور، وهيواندي أصلا أسعارها القديمة مبالغ فيها، فما بالكم دلوقتي بعد الزيادات الكبيرة دي، أعلى فئة من الإلنترا 168.900 ألف جنيه!

[saint2011]

والله يا جماعة لو كل واحد فينا قبل ميشترى أى حاجة يشوفها تستاهل فلوسها ولا لأ الناس الحرامية أمثال هبور وغيرة هتلم نفسها والحاجة المستفزة أنك تلاقى العربية بتغلى والناس بتشترى برضة !!!!!!!!

[Al-Farooq]

إلنترا اللي هي إلنترا يعني تبقي ب 169 الف !!!
دة الوكلاء اتفقوا ودبروا الأمر بليل بقي!!
طول ما الناس بتشتري بالاسعار غير المناسبة للقيمة الفعلية ، هيفضلوا يزودوا لحد ما يتعمل مقاطعة
ومفيش سعر دولار زاد ولا حاجة ، وكمان هو بس لما يزيد العربيات تغلي ولما ينزل العربيات تغلي بردو
السوق المصري دة محتاج واحد بالعصاية والكرباج على الوكلاء والموزعين مش فى العربيات بس فى كل المجالات تقريبا.

[amrelsha3er]

إلنترا اللي هي إلنترا يعني تبقي ب 169 الف !!!
دة الوكلاء اتفقوا ودبروا الأمر بليل بقي!!
طول ما الناس بتشتري بالاسعار غير المناسبة للقيمة الفعلية ، هيفضلوا يزودوا لحد ما يتعمل مقاطعة
ومفيش سعر دولار زاد ولا حاجة ، وكمان هو بس لما يزيد العربيات تغلي ولما ينزل العربيات تغلي بردو
السوق المصري دة محتاج واحد بالعصاية والكرباج على الوكلاء والموزعين مش فى العربيات بس فى كل المجالات تقريبا.

+111111
الله عليك جيت المفيد

[Nabil.M]

للاسف مش معنى انك اشتريت بالسعر القديم انك هربت من زيادة الاسعار لان العربية لما سعرها يزيد قطع الغيار الى في التوكيل على الاقل سعرها هيعلى

[Motarjim]

للاسف مش معنى انك اشتريت بالسعر القديم انك هربت من زيادة الاسعار لان العربية لما سعرها يزيد قطع الغيار الى في التوكيل على الاقل سعرها هيعلى

هو قطع غيار بروتون محتاجة زيادة في الأسعار، هي مولعة ومش متوافرة طبيعي؟!

بالرغم أن سعر جين تو/برسونا زاد ووصل لـ 99 ألف، إلا أنه لا يزال تنافسيًا مقارنة بأسعار العربيات الكوري مثلاً، وكمان كيا وهونضاي رفعوا الأسعار جامد!

[ahmadrayani]

بردوا أنا سمعت إنه الساجا 2013 بقت ب 78,900 !!

[smsmsaad]

السلام عليكم،

اتصلت بالأستاذ محسن صالح بخصوص بروتون برسونا 2013، قالي الحجز متاح حاليًا، والاستلام بعد عشرة أيام، والسعر 99 ألف جنيه بزيادة قدرها 3 آلاف جنيه عن الموديل 2013 دون تعديل أو تغيير في العربية، واعتقد إن الجين تو نفس السعر تقريبًا، إن لم تكن اقل ألف مثلاً.

فيا ترى السعر ده بيكون نهائي، أم قابل للتفاوض عند الشراء نقدًا؟

فعلا الكلام ده رسمى ، انا حاجز من فترة كبيرة جين 2 ، وسألت من يومين فقاللى نفس الكلام . ,,,,, الاوتو 99 المانيوال 93
والمفترض علىكلامه ان السعر واحد ونهائى للدفع النقدى اوالتقسيط ومفيش خصم ولا جنيه