عندى استفسار بخصوص حدفة يمين بسيطة فى جين 2

[Di2]

يا جماعة عربيتى جين2 2012 بقالها معايا شهر و بتحدف يمين على بسيط و قولتلهم عليها فى صيانة 1000 عند عصام صفا و لسة بردو زى ما هيه فا عديت على محل زوايا عملى قصة و قالى دية لازم زرجينة قولتله ديه لسة زيرو و سبتو ومشيت فياريت تنصحونى اعمل اية

شكرا جزيلا

[amrelsha3er]

زميلنا فلييكس اشار للموضوع ده قبل كده وبيتم فى التوكيل ياريت تروح فرع الصحراوى
ويتم تربيط القنطره الطويله عشان االحدفه دى تروح ومش انت بس اللى عندك الحدفه دى
ناس كتير استلمت 2012 وفيها نفس الموضوع لاتقلق الناس راحت وعملت كده والحدفه راحت
بالتوفيق

[eng.m7md.ali]

زميلنا فلييكس اشار للموضوع ده قبل كده وبيتم فى التوكيل ياريت تروح فرع الصحراوى
ويتم تربيط القنطره الطويله عشان االحدفه دى تروح ومش انت بس اللى عندك الحدفه دى
ناس كتير استلمت 2012 وفيها نفس الموضوع لاتقلق الناس راحت وعملت كده والحدفه راحت
بالتوفيق

+111

كان في كذا مشكلة في التوكيل بسبب الحدفة دي
حضرتك تروح ابو رواش وقولهم عليها وان شاء الله تتظبط

[D . a .\ AYMAN]

لازم فعلا تروح فرع الصحراوي في أبو رواش ... عشان يفكوا القنطرة الطولية ويركبوها بطريقة صحيحة

ودا عيب شامل كل موديل 2012 بسبب خطأ في برمجة الروبوت الآلي في المصنع في ماليزيا ...

ياريت ما تخليش حد يلعب فيها برة

إنت تعمل القنطرة في التوكيل ولو بتاع الزوايا بعد كدة ماعرفش يضبط الزوايا تروح بقى تضبط إنت زوايا برة وبإذن الله تضبط معاك

[Di2]

يا جماعة شكرا جزيلا على مساعدتكم ربنا يكرمكم جميعا :)

[amrelsha3er]

ألعفو يافندم
بروتون واحده بتجمعنا كلنا :)
ده الطبيعى من بروتون

[Di2]

السلام عليكم

انا روحت التوكيل ابو رواش و قولتلهم على الحدفة و سبت العربية حوالى خمس او ست ساعات وقلت للمهندس على قصة القنطرة دية ورحت استلمها قالولى خلاص كده و العربية جربناها تمام فاخدتها و خرجت على الصحراوى و جربت لقيتها زى ما هى تماما روحت مكلم المهندس قالى ابقى تعالى تانى فا مش عارف اعمل اية

[eng.m7md.ali]

الناس دي بتستهبل والله

حسبي الله ونعم الوكيل
متخليش حد يخرج يجرب العربية ياباشا غير وانت اللي سايق وكمان انت اللي تقرر العربية تمام ولالا

معلش روح تاني وخليهم يظبطو الزوايا بعد اللي عملوه ده

[Di2]

يا جماعة انا فى حد قالى جرب بدل الكاوتش الامامى اليمين بالشمال اعكسهم يعنى انا فعلا كنت ملاحظ ان بعد ما وديتها التوكيل والفرق اللى كان بين الكاوتش والرفرف ناحية اليمين بقى زي الشمال بعد ماكان مختلف فتقريبا كدة ظبطو هما القنطرة واعتقدوا كدة انها اتحلت المهم روحت رايح النهاردة عكست الكاوتش و جربت فعلا لقيتها ظبطت و الحدفة اختفت تخيلوا :)

[eng.m7md.ali]

لا اله الا الله
لا سحر ولا شعوذة
الف مبروك حل المشكلة ياباشا
بس هيا العربية مايلة ولا عادية؟

[D . a .\ AYMAN]

غريبة ... جدا طب تصدق هاجرب الموضوع ده قبل ما اضبط زوايا تاني برة

الف شكر على الإفادة والف مبروك على حل المشكلة :)

[Di2]

لا اله الا الله
لا سحر ولا شعوذة
الف مبروك حل المشكلة ياباشا
بس هيا العربية مايلة ولا عادية؟

لا ياباشا مش مايلة ولا حاجة واللى قالى بدل الكاوتش حد من جروب بروتون كلوب كان عندة نفس المشكلة واتحلت كده بس انا واثق انهم عدلوا القنطرة فى التوكيل لان الفرق كان واضح فى المسافات بين الكاوتش والرفرف قبل ما اروحلهم المهم انها اتحلت وعلى فكرة انا روحت بريدج ستون كشفت عليها و قالى انها على الجهاز واضح انها مفيهاش اى حدفة :)

[Di2]

غريبة ... جدا طب تصدق هاجرب الموضوع ده قبل ما اضبط زوايا تاني برة

الف شكر على الإفادة والف مبروك على حل المشكلة :)

جرب ياباشا و نصيحة اكشف فى بريدج ستون فيكس آند فيت ناس فاهمة انا روحتلهم كشفوا على العربية بعد ما بدلت الكاوتش و قالى الجهاز كدة مطلع ان كلو تمام

[eng.m7md.ali]

لا ياباشا مش مايلة ولا حاجة واللى قالى بدل الكاوتش حد من جروب بروتون كلوب كان عندة نفس المشكلة واتحلت كده بس انا واثق انهم عدلوا القنطرة فى التوكيل لان الفرق كان واضح فى المسافات بين الكاوتش والرفرف قبل ما اروحلهم المهم انها اتحلت وعلى فكرة انا روحت بريدج ستون كشفت عليها و قالى انها على الجهاز واضح انها مفيهاش اى حدفة :)

انا مش فاهم النقطة دي
دلوقتي قبل تبديل العجل كانت العربية مايلة ولا كويسة؟
وقبل ماتروح التوكيل كانت بردو مايلة ولا كويسة؟

[Di2]

انا مش فاهم النقطة دي
دلوقتي قبل تبديل العجل كانت العربية مايلة ولا كويسة؟
وقبل ماتروح التوكيل كانت بردو مايلة ولا كويسة؟

ياباشا مفيش اى ميل فى العربية خالص انا بقولك الفرق بين الكاوتش والرفرف كانت مرحلة شوية حوالى سنتىميتر بس عدلوها فى ابو رواش و بعدين كان لسة فى حدفة فبدلت الكاوتش ظبطت فالصراحة استغربت روحت رايح بريدج ستون كشفوا عليها لقوها تمام بس كدة :)