ارجو من كل الخبراء مساعدتي في بروتون برسونا

[M I D O]

لو سمحتم يا جماعة انا ناوي اشتري ان شاء الله برسونا ارجو من الجميع انهم يعرفوني كل عيوبها وكل مميزاتها و الوكيل اية اخبارة وكل صغيرة و كبيرة عن العربية و شكرا جزيلا لحضراتكم جميعا

[amrelsha3er]

اولا الف مبروك للعضويه لسه طازه النهارده نورت المنتدى مبدئيا
ثانيا اهلا بيك فى قسم بروتون قسم الاهل والاصدقاء :)
ثالثا هرد عليك بايجاز شويه لان الموضوع ده اتكلمن فيه كتييررر اوى ممكن تقلب فى الموضوعات القديمه والموضوعات الهامه فى القسم هتلاق كل حاجه بالحذافير من مميزات وعيوب
المميزات:ثبات عالى يتقارن بالالمانى ....السعر على اد الامكانيات.. عربيه شكلها جمالى ثورى... 110حصان
اوبشنز كتير... عربيات سفر وطريق ...يقننيها عشاقها ودى ملحوظه مهمه
عيوب:ححاجات بسيطه فى التقفيل... تزييء مثلا من التابلوه... من الكنبه... ماكينه ازاز تبوظ ... ومش بتتجمع كل العيوب فى سياره انت ونصيبك يعنى سعر اعاده البيع لصالح الكورى اكتر من الماليزى شويه بس العربيه ابتدت تنتشر اكتر بكتير من الاول والوكيل ابتدى يعملها حساب عن الاول
تقريبا دى الخلاصه برضو حضرتك خد لفه سريعه كده فى الموضوعات الهامه فى القسم هتلاقى الزملاء عاملين تقارير وافيه عن استعمال سنتين و100الف ك بالسياره
بالتوفيق ومربحا بيك مره تانيه

[M I D O]

ربنا يخليك يا باشا دة من زوقك وانا ليا الشرف اني انضم ليكم و شكرا لرد حضرتك وانا هقلب برضو في الموضوعات القديمة زي ما قلت و الف شكر مرة اخري

[ahmed_h_g]

أهلا" بيك يا أستاذ ميدو

[jisso82]

أستاذ ميدو بص فى مواضيعى على اللى أنا كاتبه على البرسونة من ساعة ما اشتريتها لحد آخر صيانة كتبت عنها و صيانة ال20000 اللى محطوطة من أهم مواضيع القسم و كمان الإلجانس أحلى من اللى أنا كاتبه

[M I D O]

ربنا يخليك يا باشا و اهلا بحضرتك

[M I D O]

تمام يا باشا انا هبحث في كل مواضيع حضرتك بس سؤال ليك معلش دلوقتي سمعت ان البرسونا سعرها هيغلي وبكدة هيوازي سعر السيراتو المانيوال اول فئة لو زاد السعر اشتريها برضو ولا يبقي اروح للسيراتو احسن

[Motarjim]

تمام يا باشا انا هبحث في كل مواضيع حضرتك بس سؤال ليك معلش دلوقتي سمعت ان البرسونا سعرها هيغلي وبكدة هيوازي سعر السيراتو المانيوال اول فئة لو زاد السعر اشتريها برضو ولا يبقي اروح للسيراتو احسن

سعر برسونا 2013 99 ألف كاملة أوتوماتيك (Full Option)

شوف حضرتك محتاج عادة ولا أوتوماتيك، وما اقدرش أفتيك في السيراتو.

[jisso82]

تمام يا باشا انا هبحث في كل مواضيع حضرتك بس سؤال ليك معلش دلوقتي سمعت ان البرسونا سعرها هيغلي وبكدة هيوازي سعر السيراتو المانيوال اول فئة لو زاد السعر اشتريها برضو ولا يبقي اروح للسيراتو احسن

و لا لما تبقى أغلى من السيراتو كمان ربنا يباركلى فيها أنا بفكر أصلا أجيب الأوتوماتيك بتاعتها بعد 3 سنين و نصف استعمال و ما زالت أكتر عربية مقنعانى

[M I D O]

و لا لما تبقى أغلى من السيراتو كمان ربنا يباركلى فيها أنا بفكر أصلا أجيب الأوتوماتيك بتاعتها بعد 3 سنين و نصف استعمال و ما زالت أكتر عربية مقنعانى

يا باشا ربنا يباركلك فيها و يكفيك شرها امين يارب انا بس بسال لاني دي هتكون اول مرة اشتري عربية خاصة بيا و كمان انا طالب في الجامعة و هحتاج عربية اعتمادية في المقام الاول لاني هسافر بيها ان شاء الله كل يوم مش اقل من 220 كيلو عشان كدة محتار اية افضل عربية متتعبنيش كل شوية تصليحات يعني عاوزها متوجعليش دماغي و تكون تستحمل السفر و البهدلة لاني شاب و اكيد طبعا هبهدل العربية و دة سؤالي انهي افضلي في الحجات الي قلتها دي ؟؟

[ahmedsiyam]

يا باشا ربنا يباركلك فيها و يكفيك شرها امين يارب انا بس بسال لاني دي هتكون اول مرة اشتري عربية خاصة بيا و كمان انا طالب في الجامعة و هحتاج عربية اعتمادية في المقام الاول لاني هسافر بيها ان شاء الله كل يوم مش اقل من 220 كيلو عشان كدة محتار اية افضل عربية متتعبنيش كل شوية تصليحات يعني عاوزها متوجعليش دماغي و تكون تستحمل السفر و البهدلة لاني شاب و اكيد طبعا هبهدل العربية و دة سؤالي انهي افضلي في الحجات الي قلتها دي ؟؟

هتسافر كتير يبقى انت اخترت العربية الصح سواء بيرسونا او جين 2
الاثنين تحفة على الطريق