معذره مليش نصيب فيها

[amrelsha3er]

انهارده كان يوم استلام السياره والترخيص روحت استلمت السياره وخرجت وكان معايا مندوب من اباظه عشان المرور اول ماطلعت بالعربيه وماشى هادى جدا على سرعه 20 25كم فى صوت وررره جايه من العجل والطنابير قولت للرجل سامع قالى اه قولتله ده ايه ده بقى!! قالى تلاقى بس التيل جديد وبيطبع على الطنابير انا ماشى مش مقتنع عشان مش صوت تطبيع ده دوست فرامل فى فيبراشن جامد جدا طبعا ده abs بس شغال على سرعه 20كم طب ازاى!!!؟ ماشى متنكد ومركز فى الصوت وقافل الازاز الصوت زى ماهو اصوت زاد لما بدوس فرامل الكنابير بتترج والدواسه فيها رعشه جامده جدا ولا كانى ماشى على140 ودوست فرامل تقريبا ده abs كده شغال على طول تحليلى انا يعنى
اللرجل اقتنع قالى ياباشا رحتك نروح نرخص ولا ترجع للمعرض متستلمهاش؟
قولتله ارجع طبعا استلم ايه عربيه زيرو فيها الصوت ده
المهم رجعت لكدير الفرع قولتله والرجل اكد كلامى قالى خلاص انا هحلها
قولتله اه انشاء الله ناوى تعمل ايه
قالى هوديها مركز صيانه يبص بس فيها ايه ممكن تكون بسيطه تشحيمه بتاع كده لو حاجه كبيره ياباشا متقلقش مش هدهالك هرجع يبقى فيها عيب صناعه
قولتله معلش انا هدفع تحويشه العمر وهلبس فى العربيه سنين ولسه اقساط مينفعش انت تعملها وتدهالى
قالى لا متقلقش وانا مش هدهالك لو فيها حاجه
المهم انا قلقت قولتله اقول حضرتك انا بصراحه تعبت انا من رمضان مستنى العربيه وبعانى وانتو مواعيدكو بصراحه جميله معلش انا مش عاوز العربيه دى
قالى خلاص ياباشا شوف حاجه تانيه مش هغصبك عليها
انا كنت متردد اكتب الموضوع ده بس بما ان انتو شاركتونى الحوار من اوله شاكرين طبعا
قولت اعرفكو انى مليش نصيب فيها
الحمد لله وقدر الله ماشاء فعل
ملحوظه بس ده مينقصش من العربيه العربيه جميله وزى الفل وثباتها حلو وماكينه جمده وصاج قوى
انما هو موضوع نصيب وحظوظ عند الاستلام مش اكتر
الف شكر لكل الرجاله اللى هنا اللى كانت سبب من انى امشى فى اجراءات شاء السياره
شكرا جزيلا مره تانيه

[Motarjim]

السلام عليك يا عمرو،

قدر الله وما شاء فعل. لعله خير والحمد لله على كل شيء.

طيب هتشوف موديل 2013، ولا هتصرف نظر إلى حاجة تانية، وأرجو ما تكونش التانية؟!

على أي حال ربنا يكرمك ويقدر لك الخير حيث كان.

[eng.m7md.ali]

اتدايقت او والله لما شوفت الكلام ده
لاني عارف انت قد ايه كنت فرحان بالعربية وبالاستلام
قدر الله وماشاء فعل
قولي طيب انت ناوي على ايه ياباشا .. يعني لو ناوي على 2013 روح من دلوقتي احجز

[ahmed_h_g]

معلش ربنا يوفقك للخير

[akmm]

كل شىء نصيب .

[D . a .\ AYMAN]

قدر الله وما شاء فعل ... الخيرة فيما اختاره الله

تلاقي حد من صبيانه وهو بينقل العربية عمل فيها مصيبة وهما طلسقوها وعايزين يبيعوها لأي حد .. وإلا ماكانش رجعها بالبساطة دي إلا لو كان عارف إن فيها مشكلة هاتبان لو كبرت الموضوع معاهم ... لإن انت رسمي العربية بقت بتاعتك بمجرد ما خرجت من المعرض

الحمدلله على كل شيئ ... وربنا يخلف عليك أفضل منها

[Khaled Lanos]

خيرها في غيرها..ان شاء الله تلاقي حاجة احسن منها وتعجبك وتبقى مبسوط بيها..معلش ملكش نصيب في دي

[Raul_7]

هات 2013 من التوكيل وفكك من المعارض.

[EHAB_9843]

كل شىء نصيب والحمد لله ان الموضوع كان فى الاول قبل الترخيص

[drmagieed]

ولا تزعل ... إنت أخدت قرار من إختيار واحد ما فيش إختيارين ... لا تأخذ عربية زيرو مافيهاش مشاكل .... لا بلاش إنت صح وما تزعلش وماهياش نصيبك ... نصيبك لسة ما جاش ... وإن شاء الله هيكون أحلي ... "لو إطلعتم علي الغيب لإخترتم الواقع".

[amrelsha3er]

الحمد لله يارجاله كتر الف خيركو على الروح المعتاد عليها منكو دى :)
قدر الله وماشاء فعل الحمد لله انى مرخصتش وانا اللى كنت سايق مش المندوب وعرفت ان فيها مشكله
هى كانت باينه انها مركونه من الصدا اللى على العلامه ورا وقدام والشكمان حتى مساحات العربيه بس كل ده انا كنت هاضمه وقولت عادى انما هتوصل لمشكله فى فرامل العربيه مينفعش
مدير المعرض وداها مركز تبعهم شافوها لقو فى مشكله فى حاجه بيقولى اسمها الكلببر ده اللى ماسك التيل فى التنابير على كلامه وتفسيره
بصراحه انا قفلت من العربيه وهغير معذره لبروتون بقى كفايه كده صبر وتحمل جبت اخرى بصراحه منهم لله اباظه بقى 4 شهور عشان اجيب العربيه وفى الاخر فيها مشكله
انا بفكر ان شاء اله فى ستيب واى ايه رايكم فيها
وبرضو هبقى معاكو هنا ان مكنش يضايقكو يعنى :d
بصراحه احلى شباب والله واحلى واجمل قسم فى المنتدى :)
الف الف شكر على كل من رد وتابع معايا الموضوع واكتر واحد فيليكس باشا :)

[Motarjim]

الحمد لله يارجاله كتر الف خيركو على الروح المعتاد عليها منكو دى :)
قدر الله وماشاء فعل الحمد لله انى مرخصتش وانا اللى كنت سايق مش المندوب وعرفت ان فيها مشكله
هى كانت باينه انها مركونه من الصدا اللى على العلامه ورا وقدام والشكمان حتى مساحات العربيه بس كل ده انا كنت هاضمه وقولت عادى انما هتوصل لمشكله فى فرامل العربيه مينفعش
مدير المعرض وداها مركز تبعهم شافوها لقو فى مشكله فى حاجه بيقولى اسمها الكلببر ده اللى ماسك التيل فى التنابير على كلامه وتفسيره
بصراحه انا قفلت من العربيه وهغير معذره لبروتون بقى كفايه كده صبر وتحمل جبت اخرى بصراحه منهم لله اباظه بقى 4 شهور عشان اجيب العربيه وفى الاخر فيها مشكله
انا بفكر ان شاء اله فى ستيب واى ايه رايكم فيها
وبرضو هبقى معاكو هنا ان مكنش يضايقكو يعنى :d
بصراحه احلى شباب والله واحلى واجمل قسم فى المنتدى :)
الف الف شكر على كل من رد وتابع معايا الموضوع واكتر واحد فيليكس باشا :)

ليه كده بس يا عمرو، تهون عليك العشرة كده

طيب ما تشوف يا بني كده جين تو 2013 وتحجزها مع عز العرب الضائع، أنا كنت اتصلت بمحسن صالح، وقالي أن الاستلام خلال عشرة أيام من الحجز، ولا انت خلاص قفلت من بروتون تمامًا.

ع العموم ربنا ييسر لك الحال، ويقدر لك الخير سواء مع بروتون أو رينو ستيب واي أو غيرها.

[amrelsha3er]

ليه كده بس يا عمرو، تهون عليك العشرة كده

طيب ما تشوف يا بني كده جين تو 2013 وتحجزها مع عز العرب الضائع، أنا كنت اتصلت بمحسن صالح، وقالي أن الاستلام خلال عشرة أيام من الحجز، ولا انت خلاص قفلت من بروتون تمامًا.

ع العموم ربنا ييسر لك الحال، ويقدر لك الخير سواء مع بروتون أو رينو ستيب واي أو غيرها.

قفلت ياريس بصراحه
حد يعرف حاجه عن الستيب واى ياجماعه؟!!!

[Motarjim]

قفلت ياريس بصراحه
حد يعرف حاجه عن الستيب واى ياجماعه؟!!!

خيرًا يا ريس بإذن الله.

توجّه بقى لقسم رينو، وشوف الدنيا عاملة إزاي فيما يتعلق بالستيب واي، وإن كان قسم بروتون هيفتقدك كثيرًا.

[amrelsha3er]

خيرًا يا ريس بإذن الله.

توجّه بقى لقسم رينو، وشوف الدنيا عاملة إزاي فيما يتعلق بالستيب واي، وإن كان قسم بروتون هيفتقدك كثيرًا.

انا معاكو قلبا وقالبا يامترجم لاتقلق حد يسيب الصحبه الحلوه دى :)