تغيير المساعد

[shakshak2011]

السلام عليكم و رحمة الله و بركاته
إخوانى و أصدقائى الغاليين .. طبعاً أنا صدعتكم صداع غير طبيعى الفتره الى فاتت بخصوص المساعدين و السوست و ميل العربيه .. المهم قلت مش معقول الموضوع يخلص كده .. و قلت هكمل صداع عليكم شويه كمان ... :d :d

النهارده روحت أركب العلايه علشان ميل العربيه .. راح الميكانيكى قالى .. المساعدين الخلفيين خفوا شويه و يستحسن تغيرهم و هما الى بيعملوا كده فى العربيه .. فعلاً قعدت أهز العربيه من ورا لقيتها بتروح و تيجى معايا كأنها شغاله على السوست بس .. فمش هعمل علايات و هغير المساعدين أحسن

المهم .. سألت عليهم فى محل منصور .. لقيت فيه مساعدين خلفى يابانى kyb ب 525 جنيه .. سألت فى التوكيل .. قالى الماليزى الأصلى عندهم ب 600 جنيه الجوز .. إنتم رأيكم أجيب إيه .. اليابنى و لا الأصلى بتاع العربيه؟؟
هل ال kyb سمعته كويسه .. ولا أخلينى فى المضمون و أريح دماغى ..

شكراً مقدماً ..

[eng.m7md.ali]

ال kyb احسن طبعا من الماليزي الاصلي

بس هما بتوع البروتون اصلا ولا بتوع عربية تانية ويمشو على بروتون؟ لو بتوع حاجة تانية يبقى خليك في الاصلي بتاع التوكيل احسن

[shakshak2011]

والله حبيبى يا فيلكس .. أنا كنت عارف إنك أول واحد هترد عليا .. كلك واجب يا غالى ..
والله مش عارف يا فيلكس .. أنا كلمت أولاد منصور و قالى إن ده الى يركب على العربيه .. مش عارف بقى هما بتوعها ولا بتوع حاجه تانيه و بيركب عليها .. إنت رأيك إيه؟؟

[eng.m7md.ali]

انا تحت امرك يا هندسة

انا من رأي تجيب الاصلي
لان المساعدين الخلفي دايما بيعتمد عليهم ثبات العربية
متضمنش المساعدين ال kyb هيبقى ادائهم ايه

[shakshak2011]

عندك حق .. تسلم يا غالى .. و الله مش عارف أشكرك إزاى يا فيلكس .. بجد و نعم الرجال

[eng.m7md.ali]

ربنا يخليك يا باشا
ده اقل واجب يعني

طيب ماتصبر شوية على المساعدين دي لحد مااللي قدام يجيبو اخرهم وتجيب طقم كوني ؟ :))

[drmagieed]

بس كل ال kyb إللي في السوق غاز وهتلاقيهم في علبة حمرا ... ودول هيخلوا العفشة ناشفة شوية ... لو لاقيت منهم الغاز علي زيت أو الزيت هاتهم ... والأحسن تسأل لهيطة في التوفيقية عن سعر المنرو دول مساعدين ممتازين وبالتوفيق إن شاء الله!!!

[shakshak2011]

ألف شكر يا جماعه .. تسلم يا drmagieed على المعلومات .. هو المساعدين الى فيها يمشوا .. بس المشكله لما بيركب معايا حد .. العربيه بتبقى فى الضياع .. و فعلاً فى المطبات بتتضبط .. بس إنت من رأيك يا فيلكس الأربعه يتغيروا مع بعض أحسن ؟؟؟ هو الأمامى كويس و ماشى حاله ..

[shakshak2011]

طب يا شباب .. المونرو هيكونوا أفضل من الأصلى الى فى التوكيل؟؟؟

هو صحيح يا رجاله .. المساعد ليه عمر إفتراضى؟؟؟؟؟؟؟

[ahmed_h_g]

المساعدين فى منهم نوعين
غاز ونوع تانى زيت



لازم تعرف الأول المساعد الأصلى كان ايه وتجيب الأصلى
أنا أشك ان الأصلى كان kyb برضه

[ahmed_h_g]

طب يا شباب .. المونرو هيكونوا أفضل من الأصلى الى فى التوكيل؟؟؟

هو صحيح يا رجاله .. المساعد ليه عمر إفتراضى؟؟؟؟؟؟؟

عمر أفتراضى بعدد سنين أستخدام أو بعدد كيلو متر
وهنا فى مصر بعدد الحفر والمطبات

[shakshak2011]

أحمد باشا بحاله .. نورت الموضوع يا كبير و الله .. و تسلم إيدك على المشاركه و على إهتمامك
هو التوكيل قالى إن الأصلى ماليزى .. يعنى غالباً مش kyb .. هبص على العربيه و أحوال أشوف نوعه إيه .. بس بخصوص العمر الإفتراضى كعدد سنوات .. تقريباً نقدر نقول كام؟؟
و صحيح إيه رأيك فى المونرو .. أفضل ولا لا
دلوقتى أنا قدامى 3 إختيارات .. المونرو .. ال kyb .. الى فى التوكيل .. إيه نصائحكم؟؟

[ahmed_h_g]

العمر الأفتراضى مينفعش يتحسب لأسباب كتييير
بس تقدر تقول من 3 الى 5 سنين أستخدام يومى للمساعد الأصلى (أستخدام عادى بدون حوادث ومطبات وحفر شديدة والكلام اللى يضعف المساعد ويقلل عمره )
تزيد وتقل على حسب عوامل كتير
يعنى ممكن تسأل ايه اللى يقلل عمر المساعد
مينفعش تسأل المساعد يعيش معايا كام سنه
أنصحك بالأصلى ثم الkyb

[shakshak2011]

تسلم يا أحمد باشا .. ربنا يباركلك يا كبير على إهتمامك

[eng.m7md.ali]

بلاش المونرو لاني اعتقد انه اتضرب حسب كلام زمايلنا هنا في المنتدى
خليك في الاصلي او ال kyb وفكر بردو في الكوني لو حابب تغير ال4 مع بعض