رأيكوا في الجين تو

[Egyp]

انا ناوي احجز العربية بس قلقان شوية من حتة استهلاك البنزين دي حاجة وقطع الغيار حاجة تانية
ومتحمس بسب الموتور الجبار والشكل الوهم
فدلوقتي انا عايز حد يطمني علي حوار البنزين والتوكيل والعربية نفسها
من حيث العفشة تستحمل ولا لا
وسمعت عن ان مكن الازاز بتبوظ بسرعة و ماتور المساحات
دول لو بيبوظوا سهل الاقي غيرهم ولا هدوخ
انا ان شاء الله ناوي اجيب الاوتو
هل فبها عيوب معينة في الفتيس مثلا او في حاجة في الموتور
واخبار الفرامل ايه
والف شكر لحضراتكم وان شاء الله ابقي بروتوناوي عن قريب

[Motarjim]

متابع

[amrelsha3er]

مبدئيا حضرتك من المنصوره منصحكش انك تحجزها من الغد اللى عند حضرتك احجز من التوكيل افضلك
انا لست املك السياره ولمن هقولك برضه لان عندى خبره بالسياره كالملاك كده بالظبط :d
استهلاك البنزين ده موضوع نسبى مع واحد جارى وعادى ولا بتاكل ولاحاجه طبيعى زى اى عربيه لما بتقرص بتاكل لو ماشى عادى سرعات عاديه وار بى ام عادى يبقى استهلاك ااقل
قطع الغيار مفهاش وفره على طول فى وكيلها دى احدى المشكلات بس فى بره ناس شغاله فى بروتون من الاخر لاتعتمد على التوكيل يعنى وان شاء الله مبيحصلش حاجه توقف السياره
مكن ازاز ومساحات وتزييق ده طبيعى وبيحصل فى اكتر من عربيه بس بيتغير فى الضمان عادى
عفشه العربيه اساسيات يابانى لان شركه متسوبيشى كانت متعاونه مع بروتون فى الاول قبل ماتتعاون كامبرو
عفشه العربيه كويسه رياضيه مفهاش مشاكل
الاوتو كويسه جدا وسحبها ممتاز والعربيه اجمالا تحفه وجميله وركوبه حلوه
صلى استخاره وتوكل على الله
واستنى اراء اللملاك كمان هيفيدوك
اتمنى اكون افتدك
تحياتى :)

[tutankhamoun]

مكن ازاز ومساحات وتزييق ده طبيعى وبيحصل فى اكتر من عربيه بس بيتغير فى الضمان عادى

أستاذ : أنا عمري ما سمعت أن حد عنده مساحات باظ ؟

عفشه العربيه اساسيات يابانى لان شركه متسوبيشى كانت متعاونه مع بروتون فى الاول قبل ماتتعاون كامبرو

معلش ممكن أتدخل هنا يا باشا بعد أذنك .
أولا مفيش شركة أسمها كامبروا ؟
ده أسم الموتور اللي بروتون أعطته لموتورهم الجديد على نظام الكام برو ....
العربية تصميم بروتون من الأول و مفيهاش أساسيات ياباني .... الشاسيه و الموتور تصميم لبروتون بالتعاون مع شركة لوتس للأنظمة الرياضية للعفشة و السيارات الرياضية .

عفشه العربيه كويسه رياضيه مفهاش مشاكل
الاوتو كويسه جدا وسحبها ممتاز والعربيه اجمالا تحفه وجميله وركوبه حلوه
صلى استخاره وتوكل على الله
واستنى اراء اللملاك كمان هيفيدوك
اتمنى اكون افتدك
تحياتى :)

تحياتي يا أستاذ عمرو .

بالنسبة لصاحب الموضوع
العربية ممتازة .......... بس لازم تكون الأول حابب العربية و مقتنع اقتناع تام بها قبل ما تشتريها .
المواضيع المثبتة فيها الاجابة عن كل أسئلتك

[amrelsha3er]

أستاذ : أنا عمري ما سمعت أن حد عنده مساحات باظ ؟
ياباشا انت مسكت فى مساحات وسبت مكن الازاز!!!؟؟ :D
انا نقلت كلام الرجل وطمنته ان ده امر طبيعى وفعلا مكن الازاز بتحصل كتير او ان فيه مشاكل


العربية تصميم بروتون من الأول و مفيهاش أساسيات ياباني .... الشاسيه و الموتور تصميم لبروتون بالتعاون مع شركة لوتس للأنظمة الرياضية للعفشة و السيارات الرياضية .
القصد ان العربيه فى بدايه التصنبع فى ماليزيا كانت مستعانه بشركه ميتسوبيشى يااستاذ توت
وانت بنفسك كنت عامل موضوع قديم وقايل الكلام ده :)

بدأ إنتاج سيارات بروتون باستخدام تقنيات وقطع غيار شركة ميتسوبيشي موتورز. بدء الإنتاج بطراز بروتون ساجا عام 1985، حيث تم التصنيع بمصنع الشركة في شه عالم، سلانغور دار الإحسان.
في بداية الأمر كانت قطع السيارة عبارة عن قطع منتجة من ميتسوبيشي ويتم تجميعها في بروتون، ومع نقل الخبرات والتقنيات تم دخول الإنتاج المحلى. يناير 1989 شهد إنتاج السيارة رقم 100000 من طراز بروتون ساجا. حتى نهاية عام 1990 كان شعار السيارة هو شعار الدولة، وتم تغييره إلى شعار يحمل رأس ببر. تم تقديم السيارة بروتون ويرا عام 1993، وهي مبنية على طراز ميتسوبيشي لانسر. تم بيع 220000 وحدة بين عامى 1996 و1998. تم بناء طراز بروتون بيردانا بناء على طراز ميتسوبيشي جالانت عام 1995. عام 2001 قدمت بروتون أول طرازاتها الخاصة بروتون واجا

المصدر وكييبديا

تحياتى ياباشا :)

[amrelsha3er]

قبل التعاون مع لوتس كان التعاون مع ميتسوبيشى
غلطه املائيه :)

[eng.m7md.ali]

أستاذ : أنا عمري ما سمعت أن حد عنده مساحات باظ ؟
ياباشا انت مسكت فى مساحات وسبت مكن الازاز!!!؟؟ :d
انا نقلت كلام الرجل وطمنته ان ده امر طبيعى وفعلا مكن الازاز بتحصل كتير او ان فيه مشاكل


العربية تصميم بروتون من الأول و مفيهاش أساسيات ياباني .... الشاسيه و الموتور تصميم لبروتون بالتعاون مع شركة لوتس للأنظمة الرياضية للعفشة و السيارات الرياضية .
القصد ان العربيه فى بدايه التصنبع فى ماليزيا كانت مستعانه بشركه ميتسوبيشى يااستاذ توت
وانت بنفسك كنت عامل موضوع قديم وقايل الكلام ده :)

بدأ إنتاج سيارات بروتون باستخدام تقنيات وقطع غيار شركة ميتسوبيشي موتورز. بدء الإنتاج بطراز بروتون ساجا عام 1985، حيث تم التصنيع بمصنع الشركة في شه عالم، سلانغور دار الإحسان.
في بداية الأمر كانت قطع السيارة عبارة عن قطع منتجة من ميتسوبيشي ويتم تجميعها في بروتون، ومع نقل الخبرات والتقنيات تم دخول الإنتاج المحلى. يناير 1989 شهد إنتاج السيارة رقم 100000 من طراز بروتون ساجا. حتى نهاية عام 1990 كان شعار السيارة هو شعار الدولة، وتم تغييره إلى شعار يحمل رأس ببر. تم تقديم السيارة بروتون ويرا عام 1993، وهي مبنية على طراز ميتسوبيشي لانسر. تم بيع 220000 وحدة بين عامى 1996 و1998. تم بناء طراز بروتون بيردانا بناء على طراز ميتسوبيشي جالانت عام 1995. عام 2001 قدمت بروتون أول طرازاتها الخاصة بروتون واجا

المصدر وكييبديا

تحياتى ياباشا :)

الكلام ده على الواجا والويرا بس يا باشا


اما الجين2 والسافي والساجا كل ده انتاج جديد وتعاون مع لوتس

[tutankhamoun]

فعلا يا أستاذ عمرو التعاون المبدئي كان مع ميتسوبيشي عند التأسيس .
و بروتون مكنش عندها أي عربيات من تصميمها (كلها كانت تصميمات ميتوبيشي مع بعض التعديلات الخفيفة من قبل بروتون )

بروتون عندها طموح و كانوا عايزين يمتلكوا تكنولوجيا التصنيع بنفسهم و التطوير .

أشتروا لوتس ........... و كان عندهم خطة لعمل سيارة بروتونية كاملة من تصميمهم بعيدا عن ميتسوبيشي

كانت ثمرة التعاون هي الجين 2 و على ما اعتقد برضه أن الواجا تصميم بروتون مش تصميم ميتوبيشي ؟
بس الجين 2 أول سيارة بروتونية يتجرب فيها الموتور الكامبروا الجديد .

أول سيارة بروتونية 100 %
تصميم و موتور

و ده كان كلامي على تعليقك .

شكرا فيليكس للتوضيح .

تحياتي لكم جميعا أخواني الكرام .

[tutankhamoun]

بالنسبة لموضوع المساحات
أنا علقت عليه و معلقتش على مكن الزجاج علشان مكن الزجاج فعلا فيه ناس بتغيره في الضمان .
علشان كدا أنا علقت على المساحات بس .

===============

حضرتك يا أستاذ عمرو قلت أن الجين 2 أساسيات ياباني .... و هي أساسيات بروتوني مش ياباني

تعاون الشركة مع ميتسوبيشي أكيد أثقل خبرات البروتونيين ....... و لكن تصميم السيارة و أساسياتها هو ما كان عليه التعليق .

تحياتي مرة أخرى

[amrelsha3er]

بالنسبة لموضوع المساحات
أنا علقت عليه و معلقتش على مكن الزجاج علشان مكن الزجاج فعلا فيه ناس بتغيره في الضمان .
علشان كدا أنا علقت على المساحات بس .

===============

حضرتك يا أستاذ عمرو قلت أن الجين 2 أساسيات ياباني .... و هي أساسيات بروتوني مش ياباني

تعاون الشركة مع ميتسوبيشي أكيد أثقل خبرات البروتونيين ....... و لكن تصميم السيارة و أساسياتها هو ما كان عليه التعليق .

تحياتي مرة أخرى

تحياتى توت باشا :)

[ahmedsiyam]

اشترى و اتوكل على الله
عربية ممتازة بمعنى الكلمة حافظ عيها انت بس و هتاخد منها احلى شغل
استهلاك البنزين كتير جدا مهما عملت
تحياتى و موفق فى الاختيار ان شاء الله