فرامل الجين 2 ؟؟

[Ahmed Hamdy]

أولا أحب أقول انى معجب جدا بالجين 2 ونفسى اشتريها ان شاء الله ..
بس فى عندى سؤال .. واحد صاحبى اشترى جين 2 اوتوماتيك موديل 2008 لسه مستلمها من حوالى شهر .. العربية جميلة وبيشكر فيها بس قالى ان الفرامل بتاعتها مش قوية .. يعنى لما بيكون ماشى بسرعة وبيحاول يقف بتاخد وقت .. يعنى بيقولى انه لبس مطب تمام بسبب كده كان مسافر وفجأة لقى مطب حاول يقف بس خدت وقت راح لابس المطب ..
هل ده الأداء الطبيعى لفرامل الجين 2 ولا هو عنده مشكلة ؟؟

[tutankhamoun]

أولا أحب أقول انى معجب جدا بالجين 2 ونفسى اشتريها ان شاء الله ..
بس فى عندى سؤال .. واحد صاحبى اشترى جين 2 اوتوماتيك موديل 2008 لسه مستلمها من حوالى شهر .. العربية جميلة وبيشكر فيها بس قالى ان الفرامل بتاعتها مش قوية .. يعنى لما بيكون ماشى بسرعة وبيحاول يقف بتاخد وقت .. يعنى بيقولى انه لبس مطب تمام بسبب كده كان مسافر وفجأة لقى مطب حاول يقف بس خدت وقت راح لابس المطب ..
هل ده الأداء الطبيعى لفرامل الجين 2 ولا هو عنده مشكلة ؟؟

أنا الفرامل معايا كويسة .......... و بتوقف العربية في الوقت المظبوط
خليه يأخدها التوكيل يكشف عليها و إن شاء الله خير

[ahmedsiyam]

انا شايف ان الفرامل ممتازة
بس دى موش اول شكوى فى الفرامل اسمعها
عموما الافضل زيى ماقال الاخ توت المفروض يتم مراجعة التوكيل والافادة بما تم

[mohamed el hussien]

يا جماعة هو بس في نقطة
اولا فرامل الجين 2 من خفيفة لا تقيلة يعني تدوس للاخر لما تحب تقف جامد
بس في عربيات كتير دويتها اخف
بس نفس الاداء المهم انها بتقف
فممكن الناس بتتكلم في النقطة دي انك لازم تدوس للاخر عشان تقف اووي

ثانيا ناس كتير اووي
مش عاجبها ان لما بتمشي في طريق مكسر او رمل او حفر قبل المطب
تلاقي دوسة الفرامل بقت غريبة
لان هو دة الabs
تحس انك بتدوس علي طوبة في الفرامل

[ussamalh]

فرامل الجين 2

استاذى الفاضل
انا اول ما اشتريت العربية كنت بشتكى زيك برضه و سالت الاخوه الاافضل فى الممنتدى
و روحت بيها التوكيل اكتر من مرة الى الصحراوى و العجوزة ، اكدلىا لفرامل سليمة
و ان الجين فراملها مش تتاش لازم تتقل عليها قوى عشان توقف هيا يتوقف فعلا بس لازم تتقل عليها للاخر و ده محدش مصدقه ان ده طبيعى .
هيا معايا عامله 4000 كيلو الان و اتعودت عليها فعلا خلاص .
فروح التوكيل و خليهم يشوفها و ياريت تقولى عملوا معاك ايه .
أسامة