مشكله ملهاش حل ويأست منها ...........

[DESIGNER105]

السلام عليكم . الساده اعضاء ومشرفين المنتدى الكرام .....

ده تانى موضوع ليه للمشكله دى بعد معملت كل حاجه واستنفزت كل الطرق

صوت كهربة طالع من الموتور ..مع دوسة البنزين ...صوت شخلله كده بس كل الى سمعه بيقول كهربه حتى فى التوكيل قالو صوت كهربة ....

غيرت بوجيهات وجربت سيلك بوجيهات جديد وموبينه جديده ..غيرت بنزين كزا مره 95 مع منظف رشاشات وحليت التنك ونضفتو ونضفت فلتر الهوا..ونضفت الرشاشات وحطيت العربيه على جهاز اعطال ومطلعش حاجه. وراجعت على الكاتينا والتقسيمة تمام ...الصوت بيبان وانا ماشى مش وانا ممور ...ومع دوست البنزين وبيبان اوى مع التانى والتالت...مش عارف اعمل ايه واستنفزفت كل الطرق .....ودلوقتى مش قدامى غير فك وش السلندر ......مع العلم معنديش اى اعراض وش سلندر او مشكله سخونه.....

حد عندو حل او اى فكره عن عن صوت الكهربه ده ممكن يكون من ايه ..العربيه جين 2 2007 مانوال 115 الف كيلو

ومتشكر ليكو جدا

[windofchange]

ربنا ييسر لك معرفة الخطأ

[Khaled Lanos]

وعليكم السلام..

طب ما يمكن المشكلة تكون من الفتيس..بدليل انك بتقول الصوت مش بيظهر وانت ممور؟

[mido_antouhh]

ممكن من الجاكمان او فرن الجكمان

[SYD]

يعني ايه صوت كهرباء ؟؟؟
تقصد صوت شرز كهرباء؟

عموما اكشف علي ارضي الدينمو وشوفه متوصل كويس ومعزول تمام
او لو اي سلك بيشرز مع الدينمو

[tamerosman]

ممكن يكون الصوت من المنيفولد

[DESIGNER105]

وعليكم السلام..

طب ما يمكن المشكلة تكون من الفتيس..بدليل انك بتقول الصوت مش بيظهر وانت ممور؟

كل الى سمع الصوت قالى ده صوت كرهبة وجى من الماتور

[FBIAhmed]

حضرتك حط منظف موتور اسمه max 55 علبه زرقاء على 20 لتر 92 و ادعيلي

[DESIGNER105]

يعني ايه صوت كهرباء ؟؟؟
تقصد صوت شرز كهرباء؟

عموما اكشف علي ارضي الدينمو وشوفه متوصل كويس ومعزول تمام
او لو اي سلك بيشرز مع الدينمو

صوت زى ميكون بليه حديد فى علبة كانز...بس كل الى سمعوه قالى ده صوت كهربه طالع من الموتور

[DESIGNER105]

حضرتك حط منظف موتور اسمه max 55 علبه زرقاء على 20 لتر 92 و ادعيلي

انا حطيط ابل كده منظف رشاشات علىبزنين 95 ...وانا ديما بحط 92....هو ده منظف موتور ولا منظف رشاشات ؟؟ ولو منظف موتور مش المفروض يتحط مع الزيت ؟؟؟ وايه علاقتو بالصوت الى عندى ؟؟ وشكرا ليك جدا

[RedBull_30]

انا لسة امبارح كنت في توكيل الاسكندرية .. كان عندي مشكلة ان لما بدوس فرامل الاستوب مش بينور ده غير ان الفوج لايتس مكنتش بتنور .. مهندس الكهربا هناك حطها على الكمبيوتر وقالي انه كان فيه ماس في الضفيرة ..
الغريب انك بتقول انك حطيت العربية على جهاز الكمبيوتر !! ده كان في التوكيل ولا برة التوكيل ؟؟؟
لو مكنش في التوكيل تعالى على نفسك تاني و روح التوكيل واعرض المشكلة من اولها ..
مشاكل الكهربا اعتقد ان اللي يفهم فيها هو التوكيل على الاقل علمهم بالخريطة بتاعت الضفيرة ..
وانصحك متصبرش عليها

[ramyar]

غالبا ده صوت مانيفولد وبيظهر وانتا ماشي بس عشان الفاكيوم والحمل بيكون اكبر

[nigm77]

دى مشكلة مانيفولد يا باشا روح التوكيل غيرو

[DESIGNER105]

شكرا يا جماعة لكل الر ردو على الموضوع ..المشكله اتحلت خلاص ..كان جوان وش السندر ...مع انى مكنش عندى اى اعراض ليه ...ولا كان فى نقص زيت ولا مايه ولا سخونيه زيادة ... ونادرا لما يكون الصوت ده ناتج من عيب فى الجوان ....بس بعد متعمل الصوت اختفى نهائى .........وشكرا ليكم جميعا

[Motarjim]

شكرا يا جماعة لكل الر ردو على الموضوع ..المشكله اتحلت خلاص ..كان جوان وش السندر ...مع انى مكنش عندى اى اعراض ليه ...ولا كان فى نقص زيت ولا مايه ولا سخونيه زيادة ... ونادرا لما يكون الصوت ده ناتج من عيب فى الجوان ....بس بعد متعمل الصوت اختفى نهائى .........وشكرا ليكم جميعا

مبروك يا ريس، وربنا يبعد عنك المشاكل نهائيًا.

حضرت غيرت جوان فقط، يعني وش السلندر نفسه سليم الحمد لله؟