تقرير عن بروتون واجا " مميزات / عيوب "

[khpopo]

هذا الكلام مظبوط السيارة موجودة بالجمرك وثمنها حوالى 86 الف جنيه المعلومة من الوكيل ايه الفرق بين الواجا و الجين 2

الواجا سيارة سيدان عائلية بشنطة.. والجين 2 سيارة رياضية هاتشباك شبابية لكن الكماليات تقريبا واحد واحتمال تكون الجديدة بماتور الجين 2 والله اعلم

سبحان الذى سخر لنا هذا وماكنا لة مقرنين وانا الى ربنا لمنقلبون

[MohabSaeed]

i love this car

she loves you 2 ya man

بسم الله مشأالله عليك فى التقييم تقييمك رائع
وكمان انا احب اطمنك بالنسبة للمشاكل ماتنساش ان العربية جايبها مستعملة وده طبعا بيفرق فى الاداء عامة غير لما تكون جايبها جديدة
وربنا يكفيك شرها ويديك خيرها
اخوك يوسف

ربنا يخليك ويكرمك يا استاذ يوسف . الف شكر على كلامك الجميل

انا متفق معاك .... اساسا انا لما فكرت اشترى عربيه مستعمله ..... كنت حاطط فى بالى انها مش حتكون زى الزيرو .... اكيد لانى اشتريتها اقل من سعر الزيرو ب 20 الف جنيه .. واكيد ده تمن استهلاك العربيه .......
اساسا انا كنت عاوز اشتريها زيرو بس ملقتهاش خالص وتعبت من كتر اللف و كنت حشترى جين 2 زيرو " كان شكلها تحفه و لونها فضى الى بموت فيه " و بسعر ممتاز و بمعدل فائده اكثر من ممتاز و خلاص كانت تقريبا دخلت دماغى 100 % ... بس بصراحه هيا الواجا ومن زمان الى داخله دماغى .

ما فيش اخبار عن الواجا الجديدة اللي هتنزل مصر انا مستنيها و بادعي ربنا ان ييسر لي شرائها:nerd:

على حد معلوماتى انها وصلت فعلا بس لسة مخرجتش من الجمرك كان المفروض تكون عند عز العرب الاسبوع الى فات لكن حاليا وصلت الله اعلم

سبحان الذى سخر لنا هذا وماكنا لة مقرنين وانا الى ربنا لمنقلبون

حتنزل فى القريب العاجل .... اعتقد مسأله ايام و يعلنو عنها ..... هما فعلا بدأو الاعلان عنها فى اعلان كبير فى اول طريق مصر اسكندريه الصحراوى .... قبل مركز عز العرب .

هذا الكلام مظبوط السيارة موجودة بالجمرك وثمنها حوالى 86 الف جنيه المعلومة من الوكيل ايه الفرق بين الواجا و الجين 2

لو فعلا نزلت بالتمن ده حتبقى تحفه ... خصوصا انهم حسنو كتير المواد المستخدمه فى الصالون عن الواجا ال 4g18 ...
بس معقوله تنزل بموتور الCPS و 127 حصان ... وبالتمن ده !!!! اتمنى ذلك
لانها فى ماليزيا نازله فول اوبشنز ....الصالون بالكامل جلد و سىدى ام بى ثرى , و موتور الcps و اضائه زينون , و جينوط 15 . هل الاوبشن ده و بالسعر ده ؟؟؟؟

[Abouelela]

والله تقييم جميل بصراحة .. وللأسف أنا لسه شايفه دلوقتي
أنا معايا واجا 2007 .. وداخل علي 50000 .. يعني كأنها معايا من سنين
الصوت إللي بتقول عليه ده أنا بأسمعه أحيانا .. عامل زى ما يكون صوت مروحة مكتب عليها تراب .. وما بيتلاحظش بسهولة وهو عباره عن وره زى ما بتقول .. وما جربتش أشوف البلي بتاع الفرامل .. وهي فعلا فكرة ..
مشكلة العربية دى أساسا موضوع الزوايا والحدفة لدرجة أنها كلت الكاوتش الخلفي .. وأنا شخصيا كنت فاكر أن ضبط الزوايا قدام بس .. وطبعا دى معلومة غلط .. صوت الموتور بيعلي في الأول وبعدين يرجع يهدى خالص بعد ماتسخن .. الكاسيت بيشغل أوديو و Mp3 في الموديلات إللي بعد 2006 تقريبا .. فعلا خامات التابلوه من تحت تحس أنها مش علي نفس مستوى باقي التابلوه .. وأنا كنت فاكر أن أنا الوحيد إللي لاحظت ده .. وفعلا زراير الريموت إللي في الدريكسيون ساعات بتخرف علشان كده أنا بدأت أستخدم الكاسيت نفسه في رفع وخفض الصوت . بس بأنقل التراكات من الدريكسيون برضه
الكلاكس ضعيف نسبيا .. بس مصلحة لإني ما بأحبش أستعمله
تانك البنزين علي شكل حرف V علشان كده مؤشرة مش دقيق ( ودى معلومة عرفتها من أ/محسن الله يبارك له من أيام كونتاكت كار ) .
مش حأكد علي المميزات إللي أنت قلتها لأني يمكن حاسس بأكتر منها لكن عموما هي عربية بسم الله ماشاء الله تحفة كأجمالي وتعتبر من العربيات الكلاس .. يعني لما تحب تقارنها بتقارنها بالعربيات الكبيرة مش حتي المتوسطة .. وهي شكلا فخمة .. و شخصيا مسميها الهانم .. لأنها فعلا كده .. والله أعلم ..

وربنا يباركلك فيها .. ويباركلنا كمان بفضله ورحمته .. وألف مبروك رغم أنها جت متأخرة قوى قوى ..
والسلام عليكم ورحمة الله وبركاته

[MohabSaeed]

الله يبارك فيك يا استاذ ابو العلا و يباركلك فى عربيتك " الهانم " :-)

فعلا موضوع الزوايا ده مشكله لانها فعلا مش بتتظبط حتى الطاره مش بتتظبط علاشان فى بوش بسيط ......و فعلا لازم ظبط الزوايا الاماميه مع الخلفيه .... بس فى حاجه مقلقانى .. وانا بظبط زوايا فى التوكيل فنى الزوايا بعد ما ظبط العربيه على الكمبيوتر وكله تمام... طلع المهندس جرب العربيه و رجع قاله فيها حدفه ..... ف الراجل فتح العجله الخلفيه شمال .. فتحها لبره ... انا خايف الحركه ديه تاكل الكاوتش , و كاوتش الواجا عموما غالى علاشان مقاسه كبير اقل حاجه شفتها الكومهو كان ب 380 جنيه للفرده تقريبا و الميشلان و البريللى ب 750 . 800 جنيه للفرده ... بفكر اروح اظبطتها تانى فى بريدجستون الى فى مدينه نصر .......

* دلوقتى فى مشكله ظهرت معايا فى السى دى بلاير ... مره فى اسطوانه اتزنقت فى السى دى بلاير و طلعتها ب اسطوانه تانيه " عن طريق ادخال الاسطوانه التانيه و الدوس على زرار اكزت" زى ما قريت فى بعض المنتديات على الانترنت و الاسطوانه طلعت فعلا , . بس المشكله ان دلوقتى السى دى ما بقاش بيدخل فيه اى اسطوانات .... زى مايكون فى حاجاه حايشه الاسطوانه تدخل ... مش عارف ايه حل المشكله ديه .

اجمالا الحمد لله انا مبسوط من العربيه و حابب مميزاتها ومتعايش مع مشاكلها و مش بتلككلها .

[abo3bdolrahman]

مبروك يا مهاب باشا على العربية و ربنا يباركلك فيها و كل كلامك صح بس مشكلة علبة الدريكسيون دى تقريبا موجودة فى معظم الواجا ليه معرفش و فى التوكيل العلب اللى موجودة عندهم سيئة و مستنيين اللى هاتيجى جديدة من بروتون لأن بروتون غيرت المورد لهذه القطعة من كثرة الشكوى منها خصوصا فى مصر و شوارعها المحروسة و الكلام ده من المورد الجديد لأنى قابلته فى التوكيل لما كان الماليزيين منوجوديين فى نهاية شهر 7 و بالنسبة للمساعدين اليابانى أدائها ممتاز و ربنا يسترها معانا جميعا.
:party:

[khpopo]

she loves you 2 ya man



ربنا يخليك ويكرمك يا استاذ يوسف . الف شكر على كلامك الجميل

انا متفق معاك .... اساسا انا لما فكرت اشترى عربيه مستعمله ..... كنت حاطط فى بالى انها مش حتكون زى الزيرو .... اكيد لانى اشتريتها اقل من سعر الزيرو ب 20 الف جنيه .. واكيد ده تمن استهلاك العربيه .......
اساسا انا كنت عاوز اشتريها زيرو بس ملقتهاش خالص وتعبت من كتر اللف و كنت حشترى جين 2 زيرو " كان شكلها تحفه و لونها فضى الى بموت فيه " و بسعر ممتاز و بمعدل فائده اكثر من ممتاز و خلاص كانت تقريبا دخلت دماغى 100 % ... بس بصراحه هيا الواجا ومن زمان الى داخله دماغى .





حتنزل فى القريب العاجل .... اعتقد مسأله ايام و يعلنو عنها ..... هما فعلا بدأو الاعلان عنها فى اعلان كبير فى اول طريق مصر اسكندريه الصحراوى .... قبل مركز عز العرب .




لو فعلا نزلت بالتمن ده حتبقى تحفه ... خصوصا انهم حسنو كتير المواد المستخدمه فى الصالون عن الواجا ال 4g18 ...
بس معقوله تنزل بموتور الCPS و 127 حصان ... وبالتمن ده !!!! اتمنى ذلك
لانها فى ماليزيا نازله فول اوبشنز ....الصالون بالكامل جلد و سىدى ام بى ثرى , و موتور الcps و اضائه زينون , و جينوط 15 . هل الاوبشن ده و بالسعر ده ؟؟؟؟

اعتقد انها نزلت وموجودة حاليا فى عزالعرب العجوزة احتمال كامبرو عادى الله اعلم
سبحان الذى سخر لنا هذا وماكنا لة مقرنين وانا الى ربنا لمنقلبون

[MohabSaeed]

مبروك يا مهاب باشا على العربية و ربنا يباركلك فيها و كل كلامك صح بس مشكلة علبة الدريكسيون دى تقريبا موجودة فى معظم الواجا ليه معرفش و فى التوكيل العلب اللى موجودة عندهم سيئة و مستنيين اللى هاتيجى جديدة من بروتون لأن بروتون غيرت المورد لهذه القطعة من كثرة الشكوى منها خصوصا فى مصر و شوارعها المحروسة و الكلام ده من المورد الجديد لأنى قابلته فى التوكيل لما كان الماليزيين منوجوديين فى نهاية شهر 7 و بالنسبة للمساعدين اليابانى أدائها ممتاز و ربنا يسترها معانا جميعا.
:party:

الله يبارك فيه يا ابو عبد الرحمن , فعلا متفق معاك فى موضوع علبه الدركسيون .. و كنت مره فى التوكيل و سمعت واحد فعلا بيقولهم علبه الدركسيون فيها مشكله و هما مش عارفين يحلوها ... بس مسمعتش التفاصيل ..... بالنسبه للمساعدين ف فعلا فرقو كتير فى نعومه العربيه و المطبات ..... بالرغم من ان المساعدين القديمه مكانوش ضاربين زيت . بس فعلا فى اختلاف ...... ربنا يستر و يكمو شويه .... انهارده كنت بظبط ضغط الهوا .. ف طلعت فوق الرصيف فى البنزينه من غير ماخد بالى وانا بلف اتضايق جدا بس الحمد لله جت سليمه .............. , العمليه مش ناقصه دول لسه متغيرين من اسابيع .

[zizo610]

تقرير جميل يأستاذ مهاب ربنا يباركلك فيها وتعالج كل المشاكل الي ظهرت بس أنا سألت على المساعدين في شارع دمشق لقيت عندهم الياباني بس مسألتش عن السعر الصراحة

بس يتهيألى الواجا الجديدة حطين فيها مسعدين الجين 2 وهيا أفضل بكتير فشوف كده هل هينفع أنهم يركبو عندك؟

[MohabSaeed]

تقرير جميل يأستاذ مهاب ربنا يباركلك فيها وتعالج كل المشاكل الي ظهرت بس أنا سألت على المساعدين في شارع دمشق لقيت عندهم الياباني بس مسألتش عن السعر الصراحة

بس يتهيألى الواجا الجديدة حطين فيها مسعدين الجين 2 وهيا أفضل بكتير فشوف كده هل هينفع أنهم يركبو عندك؟

اهلا بيك يااستاذ زيزو
لا العفشه مختلفه مابين العربيتين .....الواجا و الجين 2 .
حتى النيو واجا فيها نفس العفشه الى فى الواجا القديمه الموتور بس هو الى زى الجين 2 .

انا كنت سالت على المساعدين فى شارع دمشق قبل ماجيب المساعدين من التوكيل ... للاسف ملقتهمش و صاحب المحل قالى معرفش حيجولى امتا .... فقولت اشتريهم من التوكيل وخلاص .

بس عموما بعد مشتريتهم سالت عليهم فى توكيل مونرو ولقيتهم ب 750 جنيه .

فا الى بيفكر يشترى يجيب مونرو و عليهم ضمان و ارخص من التوكيل 450 جنيه .

[zizo610]

أصل أنا موضوع العفشة ده عرفته لما رحت المعرض بتاع عز العرب الي في م.نصر عشان كنت بفكر أجيبها بدل الجين 2 لأن كان من أحد الحاجات الي بتتميز بيها الجين 2 عن الواجا القديمة الموتور الكامبرو وتصميم العفشة والأبشن ولا أه ؟

فقلت أقلك بالي عرفته من البياع بس من الواضح أن المعلومات ده مش صح

[MohabSaeed]

أصل أنا موضوع العفشة ده عرفته لما رحت المعرض بتاع عز العرب الي في م.نصر عشان كنت بفكر أجيبها بدل الجين 2 لأن كان من أحد الحاجات الي بتتميز بيها الجين 2 عن الواجا القديمة الموتور الكامبرو وتصميم العفشة والأبشن ولا أه ؟

فقلت أقلك بالي عرفته من البياع بس من الواضح أن المعلومات ده مش صح

سيبك من كلام السيلز لانهم بياعين كلام ... انا اشتغلت قبل كده فى مجال السيلز و عارف الموضوع بيمشى ازاى .... " نظام خليك على الموجه مع الزبون " انتا تقوله هيه عفشه اسبورت يقوله ايوا طبعا .... تقوله انجليزى يقولك امال ايه .... تقوله 200 حصان احتمال يقولك ايوا .

80 & من السلز مان مش بيبقو فاهمين فى السلعه الى بيبعوها ....و 99 % بيبقى عاوز يبيعلك " يضحك عليك " سلعته وخلاص بغض النظر عن انه يقولك مواصفاتها صح .

[ahmad--ezzat]

يا جماعة انا قريت الموضوع وقريت كل الردود وفعلا كلام مفيد جدا جدا
بس المشكلة ان تقريبا العربية دى عيوبها قد مميزاتها ودة نسبيا مش كويس
انا مش عارف بجد انا كنت معجب بالعربية ورشحتها لابن خالى بس لما قريت كم العيوب دى (بجد كتير ) يعنى الحدفة والخبط + الصوت اللى بتسمعو دة+البوش اللى فى الدركسيون + عدم عمل زراير الدركسيون كويس + فى حجات كتير
تفتكرو الواحد يفكر يجيبها؟
(على فكرة يا جماعة بجد العريبة انا معجب بيها بس....) شكرا

[MohabSaeed]

يا جماعة انا قريت الموضوع وقريت كل الردود وفعلا كلام مفيد جدا جدا
بس المشكلة ان تقريبا العربية دى عيوبها قد مميزاتها ودة نسبيا مش كويس
انا مش عارف بجد انا كنت معجب بالعربية ورشحتها لابن خالى بس لما قريت كم العيوب دى (بجد كتير ) يعنى الحدفة والخبط + الصوت اللى بتسمعو دة+البوش اللى فى الدركسيون + عدم عمل زراير الدركسيون كويس + فى حجات كتير
تفتكرو الواحد يفكر يجيبها؟
(على فكرة يا جماعة بجد العريبة انا معجب بيها بس....) شكرا

على فكره العيوب الى عندى ديه مش فى كل العربيات الواجا....+ ان عربيتى انا اشتريتها مستعمله ف مش عارف المالك الى قبلى كان استخدامه ليها ازاى .
بالنسبه للعيوب الى فيها انا متعايش معاها و مش مسببالى مشكله و ان شاء الله مع صيانه ال80 الف ححاول اشوف حل لكذا مشكله منهم

بس عموما لو ناوى تشترى واجا " لو مستعمله " ... جربها قبل ماتشتريها و وديها التوكيل و اكشف عليها لقيت فيها مشاكل ... اصرف نظر عنها

لو ناوى على الواجا الجديده ممكن تستنى تقيم من حد اشتراها .

لو مش حابب الفكره او شاكك فى العربيه نفسها بجد اوى تشتريها لانك حتكرها ... و احتمال تدعى عليا كمان .

فى رينج الستينات و السبعينات ممكن تشترى نيو اكسنت مستعمله .. او اوبترا ..... و فى كذا بديل

فى رينج التمانينات ممكن تشترى هوندا ستى .. نيو اكسنت ........... و برده فى كذا اختيار .

بس انا عاوز ااكدك ان مافيش عربيه تحت رينج سعر 125 الف جنيه حتعجبك 100%

[MohabSaeed]

ده لينك عن موضوع بيتكلم عن عربيه سوبارو امبريزا الجديده ...

http://nilemotors.net/Nile/showthread.php?t=37593

شوف العيوب الى فى العربيه و طريقه تعامل التوكيل مع المشاكل .

وديه عربيه غاليه مش رخيصه .

[ahmad--ezzat]

هو بالنسبة للحدفة دى تقريبا كل اللى معاهم واجا بيشتكو منها بالاضافة اللى الخبط اللى فى الدركسيون والزراير اللى بتهيس سعات دى
اعتقد ان دى عيوب اساسية ولا رايك اية يا استاذ مهاب