ورشة فيصل

[EHAB_9843]

انا عرفت عن طريق المنتدى ان فيه ورشة للجين 2 فى فيصل و بماان انا من فيصل و عربيتى برة الضمان يبقى تمام فكلمت المهندس كريم علشان اسالة اجيله امتى وكل مرة يدينى ميعاد وبعدين اكلمه وانا رايح يقولى الصنايعية مجوش ودة بيبقى بعد الساعة 6 مساء علشان هوة تقريبا عنده شغل فى حتة تانية ودة كدة مش تمام وكل ما افضى نفسى ميردش على التليفون
ودى تجربتى معاهم للامانة مع انى اصلا مشفتهمش دة انا مش عارف اشوفهم !!!!!!!!!!

فياريت لو حد عندة اى ميكانيكى تانى يكون بيفهم فى الجين 2 يقولى مكانه
انا كونت عايز اغير قواعد الفتيس وبلية الشداد

[alsayedsabry]

متابع ..... نفس الطلب انا ساكن فى فيص

[Amr_tika88]

نصيحة لا تتعامل معاهم عشان لما اتعاملت معاهم بوظولي مراية كهربا في الواجا ومكنة قزاز
ورشولي العربية رشه فيها معجون كتير
بجد منهم لله

[kareemshafik]

انت انسان كذاب لانك كاتب نفس الرد علي المهندس طارق و اساسا الورشة دي مفيهاش سمكرة ودهان و دة ابر دليل علي كذبك

[kareemshafik]

و ادي اللينك دليل الكذب

http://www.nilemotors.net/Nile/346642-a.html

[alsayedsabry]

و ادي اللينك دليل الكذب
http://www.nilemotors.net/nile/346642-a.html

ممكن يكون اختلط عليه الامر

[abdoumahros]

اكيد مايقصدش

انت انسان كذاب لانك كاتب نفس الرد علي المهندس طارق و اساسا الورشة دي مفيهاش سمكرة ودهان و دة ابر دليل علي كذبك

كريم باشا بالراحه علي الراجل شويه اكيد مايقصدش
انا تعاملت مع ورشه فيصل مره واحده بس من حوالي 5 سنوات وعملت عندهم صيانه 20 الف لان عربيتي موديل 2006 وكنت خرجت من الضمان او علي وشك الخروج موش فاكر
كان وقتها معاهم مهندس اسمه هاني الغندور والحقيقه شخص مهذب جدا وطارق كمان كان معاهم لكن ماشفتوش هناك وعملوا الصيانه زي الفل وارخص كتير بس انا بطلت اروح لهم علشان مواعيدهم موش حلوه وعلشان مشوارهم بعيد عني انا في مدينه نصر
في التوقيت ده يعني من حوالي 5 سنوات كان عندهم دهان دوكو بس بدون سمكره دلوقتي ما اعرفش
نسيت اقول ان اسم الورشه تشيك بوينت
بخصوص بليه الشداد رقمها 6202 وهيا بليه عاديه وسعرها حوالي 25 جنيه بس لازم تكون كاوتش من الناحيتين انا غيرتها في العربيه الساجا بتاعت اخويا لكن عربيتي جين لسه