? Gen 2 Sensor

[AhmadKarama]

السلام عليكم و رحمة الله و بركاته

عندي سؤال ؟

خطيبتي عندها عربية Gen 2 2008 والعربية اتخبطت من وراء فالاكصدام الخلفي وقع و من ساعتها الحساسات sensors مش شغالة.

الحساس sensor موجود في مكانه بس مش شغال

روحت امبارح لواحد اسمه سيد sensor في شارع دمشق و قالي لازم تشتترى واحد جديد العلبة فيها 4 مع اني ححتاج 2 بس والعلبة ب 170

بس انا عايز حد يقولي هي ليها حل تاني يعني في حد بيصلح sensor ولا لأ و كمان ليه لازم اشتري 4 ولا في ناس بتبيع 2 و فين؟

شكرا

[gadieb]

بيتباع فى شارع دمشق بالواحد وسعره فى حدود 45 مش فاكر بالظبط وكان فى حد فى المنتدى عامل موضوع كامل عن السنسور بارك وبيقول ان فى محل فى شارع دمشق بيبع بالواحده وبالالوان كمان

[AhmadKarama]

تسلم يا باشا على الرد بس لو تعرف تبعتلى الموضوع او تقولى اسم المحل حتى لو شاكك تكون مشكور جدا

[ahmedsiyam]

انت ممكن كمان تركب جديد و معاه كاميرا خلفية و هايبقى شغال معاك احسن من الفابريقة الموجود فيها و الله اعلم

[DESIGNER105]

ممكن السلك بتاع السنسور اتقطع ...شوف السلك لو مقطوع من النص ممكن السلك يتوصل وتلف عليه شريط لحام ..اما لو السلك طلع من السنسور نفسو يبقى لازم يتغير ..لان السنسور الحشو بتاعو مادة غريبه كده لازم تتشال عشان توصل لبداية السلك وطبعا ده هيبوز السنسور ولازم تجيب جديد ....

[yousefsemsem]

انا اتقطع عندي من السينسور نفسه وفكيته ولحمته وشغال تمام جرب الطريقه ديه وحاول تفكه لو مانفعش هات جديد