أيه حكاية بروتون بالظبط؟؟

[mhassan9]

[QUOTE=smsmsaad;3874700909]

أنا ناويت والنية لله أني أشتري جين 2 لو ربنا أراد.
سمعت كلام زي الزفن عن التوكيل ومشاكله وعدم توافر قطع الغيار ولو أن دي بالذات بقت صفة أكتر من توكيل اليومن دوول بالذات للعربيات اللي لسه نازله جديد يمكن بس بروتون مش المفروض تبقا كدا عشان عربية قديمة في السوق.
كل ما أكلم حد يقولي بيلاش عشان مش عارف أيه وأيه.
نفس الكلام حصل معايا في الفيرنا ولما جبتها نص الكلام طلع غلط.
لدرحة أني وقفت واحد في الشارع سئلته عن العربية كل اللي أشتكي منه العافشة قالي ناشفة قلتله بس قالي أه وقالي قطع الغيار موجودة في شارع دمشق عادي.
أنا بجد حبيت العربية جداً ولما ركبتها حسيت أنها حاجه محترمة ختي صوت الماتور حاجه كدا بنت ناس فمش عارف أكمل ولا أنا العربية سحراني بزيادة؟؟ [/QUOTE


انا حاجز واحدة مانيوال. بس نفس الكلام اللى انت بتقولوا هو اللى انا بفكر فيه بالضبط
ولكن انا كنت بعمل حاجة:
1- كل لما اشوف واحد فى الشارع اسأله على العربية
2-اتصلت كثير باللى معلنين عن عربيتهم للبيع -كلمت حوالى 15 - ( كنت بسألهم عن شكواهم من العربية غشان هشتريها زيرو )
3-جربت سواقة عربية واحد أعرفه مانيوال 2010 سوداء عداد 15000 كم

وكلهم أجمعوا على حاجات واحدة بنفس الكلام
1- العربية جراية وموتورها جامد، معاك ل 190 فى المانيوال
2- ثبات مالوش حل وعالى جدا لحد 160
3- فى السفرجميلة جدا
4- العربية فى المجمل ممتازة
5- حاجاتها موجودة بره التوكيل
6-المعاملة والخدمة مع التوكيل كويسة -كلام صاحبى -
7- مفيش منها شكوى
8- فى كثير من الناس ربنا كارمهم ومصرفوش عليها حاجة لمدة سنتين غير الصيانات
9- اللى بيبيع إما فقط
عشان السفر أو التغيير من مانيوال لاوتوماتيك أو كان موديل قديم وعايز يجيب الجديد أو محتاج فلوس
10-فى ناس بتقول على العفشة كويسة وناس بتقول ناشفة
11- فى واحد معاه عربيتين واحدة مانيوال 2006 واوتوماتيك 2010 فقالى ان كل العيوب اللى الناس كلها عارفاها ظبطوها من اول موديل 2010 (وسمعت الكلام ده من كذا واحد )

والله الكلام ده بناء على كلامى مع الناس شخصيا اللى راكبة العربية .
إعمل استخارة وربنا يوفقك ويوفقنا.

الله يطمنك أن أن شاء الله هعمل أستخارة ولو ربنا أراد هشتريها واللي يحصل يحصل يعني هما اللي اشتروها كان حصلهم أيه يعني

[MoH.SaLaDiN]

ربنا يوفقك ويوفقنى معاك فى الاختيار وان شاء الله تاخد قرار صح فى شراء العربية بس ابقى طمنا

[gadieb]

بص ياباشا انا عامل حادثة من حوالى اربع ايام بعربيتى برسونا اليجانس 2012 والنبى لو لقيت اكصدام قدام وكبوت تبلغنى مع العلم ان الاكصدام هو هو بتاع موديل 2010 اوكى انا لا موجود فى الزفت التوكيل ولا موجود فى جميع محلات قطع غيار بروتون على مستوى مصر وجرب وانتا تعرف انا روحت لطوب الارض ومش لاقى والعربية مرمية فى التوكيل والبهوات بيقولولى مش عارفين حييجى امتى قطع الغيار دى وقولتلهم طيب لو لقيت برة اجيبلكم وانتو تركبوة يردو يقولولى البهوات لو لقيتة يعنى مستفزين اخر حاااااااااااااجة حسبى الله ونعم الوكيل فيهم .

باشا اسال عليهم عند المدينه فى شارع دمشق وان شاء الله تلاقيهم او هايدلك على مكان تشترى منه
او شوف عصام وصفا خاق السندياد مصر الجديده او اسال بالتليفون حتى لو عاوز الارقام هابعتهالك على الخاص

[Nabil.M]

انا عندي نفس المشكلة بيرسونا 2012 وبودر لها على اكصدام امامي ومش لاقي لو حد يعرف يدلني

[Motarjim]

انا عندي نفس المشكلة بيرسونا 2012 وبودر لها على اكصدام امامي ومش لاقي لو حد يعرف يدلني

السلام عليكم

إن شاء لله، ممكن تلاقي استيراد في الحرفيين عند نيو ماستر أو الراعي أو ملك البروتون.

وربنا يكفيك شر الحوادث.

[MoH.SaLaDiN]

السلام عليكم

إن شاء لله، ممكن تلاقي استيراد في الحرفيين عند نيو ماستر أو الراعي أو ملك البروتون.

وربنا يكفيك شر الحوادث.

معلش سؤال عشان لاحظت ان كل الناس اللى عندها قطع غيار بتكون فى القاهرة طب بالنسبة للاسكندرية فيها بردو ولا لو واحد عنده مشكلة يبقى لازم ينزل القاهرة

[NourElmansy]

الجين تو بالتحديد فهى عربية قديمة فى مصر فماتقلقش من قطع الغيار بره التوكيل
أما التوكيل فأكبر عيب قابلنى فيه هو إنهم بيستوردوا قطع الغيار بكميات محدودة فممكن تحتاج قطعة وماتلاقيهاش و تضطر تستنى وقت لما توصل من ماليزيا
أما كفنيين و مهندسين فبصراحة محترفين و خبرتهم عالية و المعاملة معقولة بس لما بأكون فى المركز الرئيسى فى أبو رواش و أعدى على إستراحة ستروين بأحس إن إستراحة بروتون كانتين مش إستراحة :)
و تقييمى الشخصى إن التوكيل معقول خصوصاً إنه بيخدم عربية تعتبر فى الفئة الأقتصادية و الفئة دى أساساً لو بتتخدم كويس فى التوكيلات فده بيكون لإن الماركة فيها عربيات إقتصادية و فئات أعلى أما بروتون فكلها عربيات إقتصادية
أما العربية فى ذاتها فالجين تو وحش ما شاء الله بس فكر فى الأوتوماتيك لإن أوتوماتيك فى بروتون كويس و الحمد لله و بروتون تعتبر أعلى قيمة مقابل السعر
أنا معايا ساجا بقالها سنتين و لو هأغير هأجيب بيرسونا لإن اللى بيركب بروتون ما بينزلش منها غير على أوروبى :)

كلامك صح جدا .


انا معايا مانيوال 2009 و بدور علي واحدة تانية اوتوماتيك :) و مش حابيع المانيول أبدا ان شاء الله

باختصار .. يا تركب بروتون يا تركب ألماني ( زيرو ) .

[NourElmansy]

معلش سؤال عشان لاحظت ان كل الناس اللى عندها قطع غيار بتكون فى القاهرة طب بالنسبة للاسكندرية فيها بردو ولا لو واحد عنده مشكلة يبقى لازم ينزل القاهرة

قطع الغيار ف اسكندرية متوفرة في صلاح الدين ( سالم الحرفة ) و في الازاريطة ( شوقي مزروعة )
و في ميامي 45 ( الراعي ) .. دول اشهر محلات .

[MoH.SaLaDiN]

طب سؤال كده انا معايا فى حدود 75000 مش عارف اجيب مثلا موديل 2010 اتوماتيك والا اكمل واجيب زيرو احسن
هو طبعا معظم الناس حترشح الزيرو بس انا لاحظت ان سعر اعادة البيع مش حلوة فالخسارة حتكون اقل لو اشتريت 2010 عن ما اشتري الزيرو ولا ايه رأيكم

[dr-mohamed]

انا معايا بيرسونا 2010 عامل بيها 70 الف كيلو
العربية عيبها العفشة ناشفة شوية
انما غير كدة تحفة الحمد لله نجتني من حادثتين لو في اي عربية تانية كانت العربية اتدمرت واللى فيها الله يرحمه واخرها كان تغيير رفرف ومقص
توكل على الله
بس انتم بتتكلموا في اسعار عالية بالنسبة لجين تو موديل 2010 ولا انا بيتهيألي ؟

[MoH.SaLaDiN]

انا معايا بيرسونا 2010 عامل بيها 70 الف كيلو
العربية عيبها العفشة ناشفة شوية
انما غير كدة تحفة الحمد لله نجتني من حادثتين لو في اي عربية تانية كانت العربية اتدمرت واللى فيها الله يرحمه واخرها كان تغيير رفرف ومقص
توكل على الله
بس انتم بتتكلموا في اسعار عالية بالنسبة لجين تو موديل 2010 ولا انا بيتهيألي ؟

,والله انا معرفش الاسعار نظامها ايه انا كنت سألت فى المنتدى عن 2010 اتوماتيك قالى الرنج بتاعها 73000 لكن انا لسه ماشوفتش اى عربية لسة
هو مثلا سعر عربيتك تعمل كام