مشاكل فرامل الجين 2 زادت

[ahmed_h_g]

ايه الحكايه يا جماعه
هل فعلا" العيب من طول مشوار الدواسه ولا عدم تعود ولا ضعف الماستر الرئيسى ولا الabs
وهل المشكله فى أخر الموديلات ولا بداية من أول موديل ؟

[S O P H O S]

مش عارف ليه حاسس ان عربيات بروتون عربية وعربية
علشان بشوف رد بيمدح فالفرامل للغاية
ورد العكس مفيش وسط ..

[ahmed_h_g]

أنا مستغرب المشاكل ظهرت بعد فترة من ظهور الجين فى السوق
مش من أول موديل
مش عارف برضه فعلا" وتعود ومشي حالك والناس أخدت عليها ولا عربية وعربية !!!!!

[mhassan9]

ايه الحكايه يا جماعه
هل فعلا" العيب من طول مشوار الدواسه ولا عدم تعود ولا ضعف الماستر الرئيسى ولا الabs
وهل المشكله فى أخر الموديلات ولا بداية من أول موديل ؟

سؤال بس معلش هو حضرتك عرفت منين ان المشكلة بتزيد مع ان المنتدي هنا أخر كام موضوع مفهوش غير واحد بس بيتكلم كمان عن حادثة بيرسونا مش جين هلي فيه تجربة شخصية أو حد تعرفه وهل حاول يحل المسكلة وفشل يا ريت تقولنا عشان الجميع يستفيد

[Motarjim]

سؤال بس معلش هو حضرتك عرفت منين ان المشكلة بتزيد مع ان المنتدي هنا أخر كام موضوع مفهوش غير واحد بس بيتكلم كمان عن حادثة بيرسونا مش جين هلي فيه تجربة شخصية أو حد تعرفه وهل حاول يحل المسكلة وفشل يا ريت تقولنا عشان الجميع يستفيد

من كام شهر كده، في عضو في المنتدى، اشتكى من فرامل جين تو، وعمل حادثة بسببها، وكان داخل في نزاع مع التوكيل، والتوكيل بيساومه على حد قوله، وكان بيحاول يعرف أي حد عنده مشكله في فرامل جين تو عشان يتضامن معاه في القضية اللي رافعها على عز العرب.

أضف إلى ذلك مشكلة فرامل برسونا ألتي أدت إلى حادث، وآخر مشكلة جين 2، ونجم عنها حادث أيضًا.

ربنا يعوض الناس دي خير.

[mhassan9]

من كام شهر كده، في عضو في المنتدى، اشتكى من فرامل جين تو، وعمل حادثة بسببها، وكان داخل في نزاع مع التوكيل، والتوكيل بيساومه على حد قوله، وكان بيحاول يعرف أي حد عنده مشكله في فرامل جين تو عشان يتضامن معاه في القضية اللي رافعها على عز العرب.

أضف إلى ذلك مشكلة فرامل برسونا ألتي أدت إلى حادث، وآخر مشكلة جين 2، ونجم عنها حادث أيضًا.

ربنا يعوض الناس دي خير.

عشان كدا قولت اللي يشتكي من الفرامل يروح التوكيل قالوله مفيهش حاجه يقولهم أدوني تقرير بيقول أن الفرامل سليمة عشان لو حصل حاجه يتحملوا هما بقا النتيجه

[ahmed_h_g]

أنا متابع الجين 2 ما ساعة ما نزلت السوق المصرى
والغريبة ان واحد معاه العربية ومش بيشتكى من فراملها وواحد خايف يجرى بيها علشان فراملها ضعيفه يبقى العيب عيب صناعه ولا سائق ؟

[ahmed_h_g]

عشان كدا قولت اللي يشتكي من الفرامل يروح التوكيل قالوله مفيهش حاجه يقولهم أدوني تقرير بيقول أن الفرامل سليمة عشان لو حصل حاجه يتحملوا هما بقا النتيجه

مفيش الكلام ده
مش هيرضوا طبعا"

[mhassan9]

أنا متابع الجين 2 ما ساعة ما نزلت السوق المصرى
والغريبة ان واحد معاه العربية ومش بيشتكى من فراملها وواحد خايف يجرى بيها علشان فراملها ضعيفه يبقى العيب عيب صناعه ولا سائق ؟

مفيش مقياس علي فكرة أنا كان معايا فيرنا والكل كان بيشتكي من فراملها وأنا الحمد لله كيفت نفسي عليها وبقيت بعرف أزاي أوقف العربية والحمد لله نجدتني من كام موقف كان ممكن الواحد لولا لطف ربنا لبس فيهم لبسه جامده.

ممكن جدا يكون اللي بيسوق مش عارف يتعامل مع العربية خصوصاً لو مسقش عربية فيها abs قبل كدا.
وممكن جدا يكون عيب في العربية نفسها.
وممكن يكون عيب في الصيانة يعني لو رجلاش الفرامل مش مظبوط هتلاقي عجل بيمسك أكتر من عجل

[eng.m7md.ali]

متابع

مع اني حاسس زيك انها حظوظ

واغلب اللي عملو حوادث بيها كانت عربيات جديدة عليهم او جديدة في الموديل

[mhassan9]

مفيش الكلام ده
مش هيرضوا طبعا"

يبقي متمشيش من التوكيل إلا لما يحلوا المشكلة أو يكتبوا التقرير حتي لو تطلب الموضوع تعمل محضر أثبات حالة عشان لو الموضوغ وصل لقضية يبقي موقفك قوي

أنا كنت في مركز خدمة لهيونداي وكنت بشتكي من سخونة من العربية في السرعات العالية...هما كدا كدا بيدوني تقرير بأيه اللي تم عمله في الصيانة وكتبوا في التقرير أن العربية محتاجه ردياتير عشان يخلوا مسئوليتهم من المشكلة لأنها كانت مكتوبة في أمر الشغل اللي دخل الورشة
الموضوع مش بدعة وأي مركز خدمة بيعمل كدا علي حد علمي ولو مش بيعمل يبقي نطلب بالذات لو فيه مشكلة

[D . a .\ AYMAN]

أعتقد إن العيب في الأغلب بيكون عيب السواق في موضوع الفرامل .. لأن العربية طبيعة دواسة الفرامل بتاعتها مشوارها طويل وفي ناس كتير بتعتقد إن ده عيب وإنها ضعيفة

وبالعكس أنا لما ركبت مرة عربية كيا ريو وسيراتو بعد فترة كبيرة من قيادة بيجو فقط لا غير .. ما كنتش عارف أسوقها لأن الفرامل بتاعتها بتستجيب من اللمس وكذا مرة كنت هاعمل حادث لهذا السبب

عشان كدة تعود قائد العربية -أي عربية- عليها وفهمه لها بصورة كاملة شيء مهم جدا قبل الثقة فيها وردود فعلها في المواقف المختلفة

يعني مثلا الحمد لله ثلاث مرات تسعفني الفرامل من حادث كبير مرة نزلت بعجلة في الرمال خارج حافة الطريق وعجلة لأ ... ومرة كانوا العجلتين في الرملة على الأسفلت على الدائري والحمد لله ما شاء الله من 90 لصفر في لحظات لو أي عربية تانية من غير إيه بي إس كانت لفت ولبست عملت حاجات مش كويسة ... ومرة كنت قريب جدا من أحد الأرصفة وداخل على طول وواحد رمى عليا كان عايز يلف من اليوترن اللى جنبي وكنت هادخل في أول الرصيف في اليو ترن وضربت فرامل ولفيت العجل والعربية لفت عادي جدا وأنا ضارب الفرامل وبعدت عن الرصيف ودخلت في اليو ترن كأني كنت بلف من الأول .. بس الصراحة كانت على أخر مللي وكنت هـ البس فيه ولكن في النهاية الحمد لله على كل شيء

[tutankhamoun]

أعتقد إن العيب في الأغلب بيكون عيب السواق في موضوع الفرامل .. لأن العربية طبيعة دواسة الفرامل بتاعتها مشوارها طويل وفي ناس كتير بتعتقد إن ده عيب وإنها ضعيفة

وبالعكس أنا لما ركبت مرة عربية كيا ريو وسيراتو بعد فترة كبيرة من قيادة بيجو فقط لا غير .. ما كنتش عارف أسوقها لأن الفرامل بتاعتها بتستجيب من اللمس وكذا مرة كنت هاعمل حادث لهذا السبب

عشان كدة تعود قائد العربية -أي عربية- عليها وفهمه لها بصورة كاملة شيء مهم جدا قبل الثقة فيها وردود فعلها في المواقف المختلفة

يعني مثلا الحمد لله ثلاث مرات تسعفني الفرامل من حادث كبير مرة نزلت بعجلة في الرمال خارج حافة الطريق وعجلة لأ ... ومرة كانوا العجلتين في الرملة على الأسفلت على الدائري والحمد لله ما شاء الله من 90 لصفر في لحظات لو أي عربية تانية من غير إيه بي إس كانت لفت ولبست عملت حاجات مش كويسة ... ومرة كنت قريب جدا من أحد الأرصفة وداخل على طول وواحد رمى عليا كان عايز يلف من اليوترن اللى جنبي وكنت هادخل في أول الرصيف في اليو ترن وضربت فرامل ولفيت العجل والعربية لفت عادي جدا وأنا ضارب الفرامل وبعدت عن الرصيف ودخلت في اليو ترن كأني كنت بلف من الأول .. بس الصراحة كانت على أخر مللي وكنت هـ البس فيه ولكن في النهاية الحمد لله على كل شيء

متفق مع الكلام 100 %

و هاضيف عليه
أنا قابلت واحد في التوكيل في مرة من المرات اللي كنت بعمل فيها صيانة
و كان بيشتكي من الفرامل ....

فرغولوه الهوا من دائرة الفرامل و لما رجع من التجربة قالي العربية أتقلب حالها و الفرامل بقت أحسن كتير و بتقف على طول .

أمبارح واحد معاه كيا سيراتو زحف جنبي 2 متر فعلا أتخنقت من ريحة الشياط بتاع الكاوتش

الواد كان كابس فرامل على الأخر لأننا كنا داخلين على مطب و هو كان جي زي الصاروخ .

الجين 2
عمرها ما بتزحف بسبب الأ بي أس ............

اللي عنده مشكلة يا جماعة و حاسس أن العربية مش بتستجيب كويس

أكيد فيه حاجة في دائرة الفرامل و لازم يقولهم في التوكيل عليها أو حتى يعملها كان ميكانيكي قريب منه (يخليه بس يفرغ الهوا اللي في دائرة الفرامل )