بروتون ضربة حظ

[tutankhamoun]

جزاك الله خيرًا أستاذنا الكريم.

دون مبالغة أو مجاملة، من أكثر العوامل المطمئنة والدافعة لي لاقتناء بروتون، هي الروح الجميلة والتعاون على الخير والحرص على المساعدة والحيادية التي يتمتع بها أعضاء القسم، وفي مقدمتهم حضرتك، والباشمهندس فيلكس، والأستاذ أحمد، والأستاذ أيمن، والأستاذ مونت، والأستاذ رؤول، والأستاذ نستلروي...ولا أريد أنسى ذكر أحد، فالقائمة تطول، ولا تكاد تنتهي.

و الناس المحترمة اللي حضرتك ذكرتها هايزيدوا واحد بيك

على الرغم من إن الموضوع محفوف بالمجازفة والمغامرة خصوصًا فيما يتعلق بالتوكيل المقرف وتوفر قطع الغيار، إلا أني قررت شراء حاجة بروتون، ولكني محتار بشدة بين جين 2 وبرسونا، ولكن فيما يبدو إن شاء الله، إني سأمضي قدمًا مع برسونا، لأني ميّال لها أكتر، وربنا يقدر الخير لنا وللجميع.

إن شاء الله لا مجازفة و لا حاجة .
العربية ممتعة لاقصى درجة و هاتصدقني لما تركبها .

و ربنا يوفقك في العربية اللي تريحك

[tutankhamoun]

والف سلامة عليك يابشمهندس توت :)

الله يسلمك يا أخي الكريم و يارب ما حد يعاني أبدا من أي شئ و ربنا يشفي كل مريض و كل من يعاني من شئ .

[K3A]

علي ذكر الكورولا

جوز أختي معاه كورولا 2010 مانيول

العربية مبدئياً بتغير تيل كل 20 ألف....الفيرنا غيرت تيل قدام بس بعد 52 ألف!!!!

فيه حاجه صغيرة كدا في الفتيس أسمها الفولة معرفش أيه وظيفتها باظت عنده ولأنه بيعمل كل الصيانات في التوكيل بإنتظام أصر يصلحها في التوكيل مع أنه كان ممكن تتصلح بره من غير تغيير أو علي الأقل كان ممكن يجبها من الحرفيين

المهم الجزئية دي بتتكون من 3 أجزاء ومكنش موجود منها غير واحده في التوكيل
تصدق بعتوا يجيبوا القطعتين واحده من اليابان وواحدة من جنوب أفريقيا تقريباً والعربية أتركنت في التوكيل حوالي 20 يوم

دا معناه أن الكورولا عربية فاشلة...طبعاً لأ.
دا معناه رقم واحد أننا في مصر
رقم أثنين أن دي مشكلة قردية ومش منتشرة

توكيل بروتون واضح أنه سئ بس العربية واضح برضه أنها كويسه وإلا مكنش ملكها يقولوا أنهم مش عايزين يغيروها ولا مش عايزين يركبوا غيرها وفيه ناس باعت العربية عشان تجيب الموديل الجديد مش عشان تعبوا منها :)

20 يوم بس !!! ده عم عز بيقعد 6 شهور ... وحليني بقى ... و الجملة المشهورة عندهم كمان 10 أيام