هل ثمَّة فروق أخرى؟

[mhassan9]

أنا مش عارف هما ليه في التوكيل كل ما حد يروح يحاولوا بقنعوه بالبرسونا!!
غالباً غشان الجين مطلوبة أكتر ومنتشرة أكتر مع أن دي ليها ناسها ودي ليها ناسها.
المشكلة أن مفيش عربيات حالياً في السوق وأديني مستني الدفعة الجديدة اللي الله أعلم هتيجي أمتي :(

[Motarjim]

كلام حضرتك مظبوط ولكن فى البيرسونا مكان اللمبه موجود ( فارغ ) غير مفعله عكس g en 2 ولك تحياتى

تمام ياريس، ربنا يكرمك...

اعتقد أنه ده يعني الفانوس مجهز لتركيب مصابيح الشبورة.

[Motarjim]

جزاكم الله خيرًا يا شباب على الردود والمشاركات والمرور العطر.

بس كالعادة لي سؤال:

لما كنت باتفرج على برسونا، في ورقة ملصوقة على البرابريز أو الزجاج الأمامي فيها بيانات كتاريخ الشحنة والتاريخ الاعتماد وميناء استقبال العربية على ما اتذكر، وكانت كالتالي

Approval date: 00-7-2012

مش فاكر اليوم بالظبط. ومش عارف تاريخ الاعتماد أو الموافقة فين ومن مين...بس ظني والله أعلم أنه من قِبل بروتون ماليزيا قبل شحن العربيات من هناك.

Shipment date:15-8-2012

طيب العربية في مصر لها أربع شهور تقريبًا من واقع هذا التاريخ.

السؤال بقى، هي ليه متخزنة الفترة دي كلها؟ وإزاي تُعتبر موديل 2013؟

ولا دي شيء طبيعي، وعادي يعني؟

[sabregas2010]

بخصوص الاختلاف ما بين العربيتين انا كنت فى عز العرب الصحراوى من كام يوم واتفرجت على العربيتين واتكلمت بعدها مع المهندس / محمد عبد الهادى واكدلى ان مفيش اى اختلاف بينه خالص غير فى الشكل طبعا ومشبت السرعة فى البرسونا لكن كعفشة وموتور كله واحد والاتنين عفشة رياضية
وانا بصراحة مش قادر اخد قرار ما بين الاتنين فادعيلى بقه ربنا يوفقنى زيك كده واخد القرار السليم ان شاء الله
والف مبروك مقدما

[Motarjim]

بخصوص الاختلاف ما بين العربيتين انا كنت فى عز العرب الصحراوى من كام يوم واتفرجت على العربيتين واتكلمت بعدها مع المهندس / محمد عبد الهادى واكدلى ان مفيش اى اختلاف بينه خالص غير فى الشكل طبعا ومشبت السرعة فى البرسونا لكن كعفشة وموتور كله واحد والاتنين عفشة رياضية
وانا بصراحة مش قادر اخد قرار ما بين الاتنين فادعيلى بقه ربنا يوفقنى زيك كده واخد القرار السليم ان شاء الله
والف مبروك مقدما

تمام يا ريس.

المسألة مسألة ميول في الأساس، واحتياجات في المرتبة التالية.

يعني شوف حضرتك ميّال لإيه أكتر، ومرتاح لأيهما أكتر من حيث الشكل والتصميم.

ثانيًا، شوف كده لو الشنطة في البرسونا والاتساع النسبي للكنبة الخلفية فضلا عن مثبت السرعة يمثل أولوية بالنسب لك، أم أن جين تو تفي بالغرض، وتلبي احتياجاتك في هذا الشأن.

أنا كنت، ولا زلت أحيانًا اتردد في الحيرة ذاتها: برسونا ولا جين تو، جين تو ولا برسونا...ولكن فيما يبدو إن شا ءالله أني سأحسم الاختيار لصالح البرسونا.

وربنا يقدر لنا جميعًا الخير، ويرضِّنا به.

[D . a .\ AYMAN]

جزاكم الله خيرًا يا شباب على الردود والمشاركات والمرور العطر.

بس كالعادة لي سؤال:

لما كنت باتفرج على برسونا، في ورقة ملصوقة على البرابريز أو الزجاج الأمامي فيها بيانات كتاريخ الشحنة والتاريخ الاعتماد وميناء استقبال العربية على ما اتذكر، وكانت كالتالي

approval date: 00-7-2012

مش فاكر اليوم بالظبط. ومش عارف تاريخ الاعتماد أو الموافقة فين ومن مين...بس ظني والله أعلم أنه من قِبل بروتون ماليزيا قبل شحن العربيات من هناك.

Shipment date:15-8-2012

طيب العربية في مصر لها أربع شهور تقريبًا من واقع هذا التاريخ.

السؤال بقى، هي ليه متخزنة الفترة دي كلها؟ وإزاي تُعتبر موديل 2013؟

ولا دي شيء طبيعي، وعادي يعني؟

التاريخ 15-8-2012 ... ده تاريخ شحن العربية من هناك .. وتقريبا بتاخد حوالي 3 شهور أو 3.5 مثلا في البحر لغاية ما توصل اسكندرية ... وبعد كدة بقى تاخدلها أسبوعين مثلا في الميناء لغاية ما تخرج

بس أنا أول مرة اعرف إن الجين فيها نور شبورة خلفي والبيرسونا ما فيهاش ...

هل بقى ممكن تركيبه ولا مش هلاقي الفيشة بتاعته أساسا

طيب الزرار بتاع نور الشبورة فين اصلا في الجين ... هل في دراع النور ولا ليه زرار مستقل في التابلوه .. ياريت لو حد عرف يصوره عنده ... عشان لو ينفع أنا ناوي بإذن الله أحاول أركبه عندي .. ده طبعا لو لاقيت فيشته جاهزة

[tutankhamoun]

بس أنا أول مرة اعرف إن الجين فيها نور شبورة خلفي والبيرسونا ما فيهاش ...

هل بقى ممكن تركيبه ولا مش هلاقي الفيشة بتاعته أساسا

طيب الزرار بتاع نور الشبورة فين اصلا في الجين ... هل في دراع النور ولا ليه زرار مستقل في التابلوه .. ياريت لو حد عرف يصوره عنده ... عشان لو ينفع أنا ناوي بإذن الله أحاول أركبه عندي .. ده طبعا لو لاقيت فيشته جاهزة

أتفضل يا أستاذ أيمن :

[D . a .\ AYMAN]

أتفضل يا أستاذ أيمن :

ياباشا تاعبينك معانا في التصوير ... مرة مرايا ومرة زرار شبورة

ربنا يحفظك ياباشا من قلبي والله

[Motarjim]

أتفضل يا أستاذ أيمن :

شكرًا يا باشا على التوضيح، وربنا يبارك لك.

أضم صوتي لصوت الأستاذ أيمن، هل الزر ده موجود في برسونا، وهل الفيشة موجودة للتوصيل بالنسبة لمصابيح الشبورة الخلفية؟

[D . a .\ AYMAN]

شكرًا يا باشا على التوضيح، وربنا يبارك لك.

أضم صوتي لصوت الأستاذ أيمن، هل الزر ده موجود في برسونا، وهل الفيشة موجودة للتوصيل بالنسبة لمصابيح الشبورة الخلفية؟

بالنسبة للزر .. مش موجود في البيرسونا .. بالنسبة للفيشة ... دي محتاجة بقى التابلوه يتفك .. وكمان يتبص على فيش الكهرباء بتاعة الفانوس الخلفي موجودة فيها ولا .. لأ ... وإن كنت أعتقد إنها مش موجودة .. والله أعلم

[tutankhamoun]

ياباشا تاعبينك معانا في التصوير ... مرة مرايا ومرة زرار شبورة

ربنا يحفظك ياباشا من قلبي والله

:_alshmokh22[1]:

الله يكرمك و يستر طريقك دائما و يبعد عنك سواقين الميكروباظ ... و النقل و الملاكي المتهور و المجنون ...

شكرًا يا باشا على التوضيح، وربنا يبارك لك.


العفو يا أستاذ مُترجم
أضم صوتي لصوت الأستاذ أيمن، هل الزر ده موجود في برسونا، وهل الفيشة موجودة للتوصيل بالنسبة لمصابيح الشبورة الخلفية؟

الأستاذ أيمن طبعا عنده برسونا و رد و قال ان الزر مش موجود له عمل في السيارة

[MoH.SaLaDiN]

متابع