بفكر في الساجا بس خايف من عدم انتشارها

[Badrawy]

السلام عليكم

انا معايا دايو نوبيرا 2007 وكنت بفكر ابيعها واشتري حاجه زيرو وانا بقلب لقيت امكانيات الساجا بالنسبه لسعرها حلوه اوي خصوصا اني مش بحب اللوجان

بس انا خايف من عدم انتشارها بالنسبه لسعر وسهولة اعادة البيع وكمان قطع الغيار

يعنى انا متعود في الدايو لو حصل مشكله بلاقي قطعة الغيار في السوبر ماركت عادي ههههههه وده بيسعفني وبيرح دماغي

وانا بصراحه بحب اركب وانسي مش طالبه كل شويه ادوخ على قطعه غيار كفايه اني بستحمل تمنها وعطلة على ما تتغير

فا لو حد عنده رد مقنع في النقط دي ياريت يفدنا بيه وشكرا

[mhassan9]

السلام عليكم

انا معايا دايو نوبيرا 2007 وكنت بفكر ابيعها واشتري حاجه زيرو وانا بقلب لقيت امكانيات الساجا بالنسبه لسعرها حلوه اوي خصوصا اني مش بحب اللوجان

بس انا خايف من عدم انتشارها بالنسبه لسعر وسهولة اعادة البيع وكمان قطع الغيار

يعنى انا متعود في الدايو لو حصل مشكله بلاقي قطعة الغيار في السوبر ماركت عادي ههههههه وده بيسعفني وبيرح دماغي

وانا بصراحه بحب اركب وانسي مش طالبه كل شويه ادوخ على قطعه غيار كفايه اني بستحمل تمنها وعطلة على ما تتغير

فا لو حد عنده رد مقنع في النقط دي ياريت يفدنا بيه وشكرا:e_braces[1]:

بص يا باشا عربيات بروتون بقا عليها طلب أكتر من الأول اليومين دوول ودي حقيقة مش كلام
مش عارف ليه بس يمكن الناس أبتدت تقتنع بيها وبطلوا يخافوا منها.
يمكن عشان أغلب اللي بيشتريها مبسوط جداً بيها.
أو عشان هي براند بتقدم عربيات محترمة وكماليات ووسائل أمان محترمة بسعر معقول.

بس المهم أنها أبتدت تنتشر وبقت كتيير مش زي الأول
هتلاقي تقييم للساجا بعد 100 ألف كيلو متر وبيتكلم عن أعتمادية العربية وقطع العيار وخلافه هتلاقيه مفيد جداً.

الحاجة التانية بقا اللي لازم تفكر فيها انت المفترض هتغير العربية كمان 4 أو 5 سنين علي الأقل الله أعلم ساعتها هيبقي الحال عامل أزاي وبروتون هتبقي في السوق عامله ازاي.

السؤال بقا:
تحب تركب عربية الوسق طالبها ومش هتغلب قوي في بيعها بعد 5 سنين بس انت مش هتبقي مقتنع ولا مبسوط بيها قوي...ساعتها أرشحلك الفيرنا أسهل عربية ممكن تبيعها في مصر.

ولا تجيب عربية أنت حاببها وهتنبسط بيها الكام سنة دوول ولما تفكر تبيع يبقا ساعتها يحلها ربنا.

جاوب علي السؤال هتعرف أنت عايز تجيب أيه

وبالنسبة لنقطة قطع الغيار متوفرة في شارع دمشق والحرفيين ودا علي لسان الملاك

تحياتي

[Badrawy]

بص يا باشا عربيات بروتون بقا عليها طلب أكتر من الأول اليومين دوول ودي حقيقة مش كلام
مش عارف ليه بس يمكن الناس أبتدت تقتنع بيها وبطلوا يخافوا منها.
يمكن عشان أغلب اللي بيشتريها مبسوط جداً بيها.
أو عشان هي براند بتقدم عربيات محترمة وكماليات ووسائل أمان محترمة بسعر معقول.

بس المهم أنها أبتدت تنتشر وبقت كتيير مش زي الأول
هتلاقي تقييم للساجا بعد 100 ألف كيلو متر وبيتكلم عن أعتمادية العربية وقطع العيار وخلافه هتلاقيه مفيد جداً.

الحاجة التانية بقا اللي لازم تفكر فيها انت المفترض هتغير العربية كمان 4 أو 5 سنين علي الأقل الله أعلم ساعتها هيبقي الحال عامل أزاي وبروتون هتبقي في السوق عامله ازاي.

السؤال بقا:
تحب تركب عربية الوسق طالبها ومش هتغلب قوي في بيعها بعد 5 سنين بس انت مش هتبقي مقتنع ولا مبسوط بيها قوي...ساعتها أرشحلك الفيرنا أسهل عربية ممكن تبيعها في مصر.

ولا تجيب عربية أنت حاببها وهتنبسط بيها الكام سنة دوول ولما تفكر تبيع يبقا ساعتها يحلها ربنا.

جاوب علي السؤال هتعرف أنت عايز تجيب أيه

وبالنسبة لنقطة قطع الغيار متوفرة في شارع دمشق والحرفيين ودا علي لسان الملاك

تحياتي

اولا النقطه بتاعت سعرها بعد فتره يا عالم بالحال انا مش فارق معايا اوي سعر اعادة البيع او سهولة البيع ولكن المشكله اني ممكن معرفش اتمتع بالعربيه على ما يمر ال 4 سنين دول لسبب اني مش هلاقي قطع الغيار بسهوله ودي حاجه ممكن تخليني اكره العربيه حتي لو كنت حاببها

ثانيا انا من اسكندريه فا مش هينفع اروح اشتري قطع غيار من القاهره هيبقي صعب ومش عارف ليها قطع غيار في اسكندريه ولا لا

ياريت لو حد شاريها في اسكندريه يقولنا بيتصرف معاها ازاي....

[hugan]

طب ازاي
مش ماشيه
تبيع النوبيرا وتشتري ساجا
ياراجل ياطيب
ونوبيرا 2007 كمان

[S O P H O S]

هي الدايو الي مع حضرتك في مشكلة
او تعباك في شئ ..؟

[Badrawy]

لا الدايو بتاعتي مفيهاش مشكلة بس انا حدخل في نظام في الشركه الى شغال فيها فا لازم ادفع مقدم ويجبولي عربية زيرو في حدود 90000 وانا عاوز اركب اوتوماتيك

[eng.m7md.ali]

مدام حضرتك سقف المبلغ لحد ال 90 الف جنيه .. فكر في الجين2 او البيرسونا

وبالتوفيق ان شاء الله

[ahmad--ezzat]

في حد يغير من نوبيرا لساجا

ياراجل حرام عليك

انت تغير لالماني او ياباني عالي