إعـــــــلان

**eng.m7md.ali** · 30-12-2012, 11:05 PM

ياباشا الافضل تتجول في انحاء قسم بروتون وتشوف المميزات والعيوب بنفسك

وان شاء الله هتلاقي كل اللي بتدور عليه

**tutankhamoun** · 31-12-2012, 05:56 AM

كل الكلام اللي أنت قرآته مبالغ فيه

الفرامل ممتازة (أي حاجة تانية هي مشاكل فردية ) أنا مجربها عدة مرات في حالات طوارئ كتيرة .
البنزين و أستهلاكه حسب طريقة سواقتك .... و أي كلام تسمعه تاني يبقى برضه حالات فردية .
مصر فيها أكتر من 6000 عربية جين 2 و مش عارف كام واحدة برسونا ..... أكيد مش هانعمم حالات فردية حصلت مع 10 مثلا على كل العربيات .
فيه على الفاس بوك مجموعات خاصة بالجين 2 و ملاكها في مصر و مجموعة آخرى لملاك البروتون عموما .
أدخل دور على اسماء الممجموعات دي (الاسم مكتوب بالانجليزي ) و شوف عدد أكبر من الملاك و شوف آرائهم أيه .
و شوف الناس اللي في الشارع اللي معاها جين 2 و أسألها .... يعني خد معلوماتك من مصادر مختلفة .
ثانيا زي ما الأستاذ فيليكس قالك ... زي ما القسم فيه مواضيع فيها مشاكل .... فيه مواضيع تانية لناس بتشكر في العربية و مبسوطة منها و مستعدة تشتريها تاني .

أنا عن نفسي مغير جين 2 موديل 2007 ........... بجين 2 موديل 2010 ..... و أعرف ناس تانية برضه عاملة كدا .

في النهاية أوعى تحط مليم في العربية لو عندك ذرة شك أن فيها حاجة غلط
لازم تكون مقتنع تمام الاقتناع قبل الشراء .......

علشان اللي بيخاف من العفريت بيطلعله

**smsmsaad** · 01-01-2013, 09:49 AM

المشاركة الأصلية كتبت بواسطة tutankhamoun مشاهدة المشاركة

كل الكلام اللي أنت قرآته مبالغ فيه

الفرامل ممتازة (أي حاجة تانية هي مشاكل فردية ) أنا مجربها عدة مرات في حالات طوارئ كتيرة .
البنزين و أستهلاكه حسب طريقة سواقتك .... و أي كلام تسمعه تاني يبقى برضه حالات فردية .
مصر فيها أكتر من 6000 عربية جين 2 و مش عارف كام واحدة برسونا ..... أكيد مش هانعمم حالات فردية حصلت مع 10 مثلا على كل العربيات .
فيه على الفاس بوك مجموعات خاصة بالجين 2 و ملاكها في مصر و مجموعة آخرى لملاك البروتون عموما .
أدخل دور على اسماء الممجموعات دي (الاسم مكتوب بالانجليزي ) و شوف عدد أكبر من الملاك و شوف آرائهم أيه .
و شوف الناس اللي في الشارع اللي معاها جين 2 و أسألها .... يعني خد معلوماتك من مصادر مختلفة .
ثانيا زي ما الأستاذ فيليكس قالك ... زي ما القسم فيه مواضيع فيها مشاكل .... فيه مواضيع تانية لناس بتشكر في العربية و مبسوطة منها و مستعدة تشتريها تاني .

أنا عن نفسي مغير جين 2 موديل 2007 ........... بجين 2 موديل 2010 ..... و أعرف ناس تانية برضه عاملة كدا .

في النهاية أوعى تحط مليم في العربية لو عندك ذرة شك أن فيها حاجة غلط
لازم تكون مقتنع تمام الاقتناع قبل الشراء .......

علشان اللي بيخاف من العفريت بيطلعله

من الاخر هى دى الخلاصة
انا عملت كدة قبل مااشترى.وكونت رأى واتخذت قرار بالشراء
وقبل كل ذلك الاستخارة

**Al-Farooq** · 08-01-2013, 08:24 PM

الحمدلله انها دخلت دماغك ، يارب ما تخرج :d

بفضل الله ، ربنا انقذني بواسطة فرامل العربية دي من عدة حوادث لو كانت حصلت ، كنت هاخد لقب المرحوم ، فالحمدلله هاخد اللقب بعدين :D
فرامل العربية ممتازة ، لكن نظامها زي نظام الأوروبي ، الناس اللى متعودة على فرامل الياباني والكوري هيقولوا الفرامل ضعيفة ،
ودة نظرة شخصية بهم فقط ، ممكن يكون فى مشاكل فى الفرامل صادفت البعض يبقي فى مشكله فعلا والحل فى التوكيل او حماية المستهلك زي اى عربية فيها مشكلة!

قطع الغيار منتشرة خارج التوكيل ولها محالات مخصوصة ، لكن مش عند البقال زي ما بيقولوا
الفتيس ممتاز سواء العادي او الاوتوماتيك ، و حتي اللحظة مسمعتش شخص واحد اشتكي من الفتيس سواء العادي او الاوتوماتيك

سمك صاج العربية يعتبر من الفضل العربيات فى السوق حالياً
العربية بتستحمل وفى جين من 2006 فى مصر وعايشة عادي يعني

ومشاكل التقفيل دي مشاكل اصوات بلاستيك ، مش مشاكل جسيمة يعني ، بتتحل فى التوكيل ، وفى بعض المشاكل بيحلوها وترجع تاني فدة عدم خبرة منهم
الفلوس بتاعتك هضيع فى الهواء ، لو اشتريت عربية مش مقتنع بيها وهتبيعها بعد يومين ثلاثة من غير ما تستفيد منها.

**amrelsha3er** · 10-01-2013, 06:25 PM

زى مااستاذ فيلكس قال
خد روند ياباشا فى القسم من المميزات والعيوب وان شاء الله ربنا يرشدك للخير
عموما المميزات اكتر من العيوب والعيوب فعلا بتكون فرديه وحالات ولايمكن التعميم تمام على عيب فى السياره
يكفى هذا القسم واعضاءه منتهى الاحترام والتعاون
ودى اول ميزه اعتبرها عند اقتنائك لبروتون :)
تحياتى

إعـــــــلان

.

الجيـــن 2 دخلت في دماغي..

الجيـــن 2 دخلت في دماغي..

Comment

Comment

Comment

Comment

Comment