حجزت برسونا، ولله الحمد!

[Motarjim]

السلام عليكم أخواني الكرام،

بفضل الله، حجزت برسونا لدى عز العرب اليوم، ولكن الأمور هناك غير واضحة بالمرة، والوضع مرتبك.

يعني الأستاذ محسن مسؤول المبيعات، قال: تحجز بالسعر الرسمي المعلن تحت الزيادة أو مع قابلية الزيادة.

طيب الزيادة دي هتبقى كام...مش عارفين.
طيب سقفها كام....مش عارفين.
طيب الاستلام امتى...تواصلنا على آخر الشهر بإذن الله.

كما أنني شوفت عربيات بروتون عليها كثبان من الأتربة والغبار والعفار لدرجة أنه يتعذر عليك استبيان لونها في مخزن عز العرب التاني في مدخل القرية الذكية.

لكن فيما يبدو أن التسليم متوقف لحين استيضاح الموقف في الفترة خلال الأسابيع القادمة
وتتضح الأمور من حيث هل الدولار هيستقر على سعره الأخير، أم سيواصل ارتفاعه في مقابل الجنيه...أم يتراجع قليلاً؟

فإيه رأيكم يا شباب النيل، هل قرار الشراء في هذا الفترة الحرجة اقتصاديًا مناسب، أم من الأفضل الانتظار لحين استباب الوضع واستقراره؟

برجاء المشاركة حتى تعم الفائدة.

[S O P H O S]

الف مبروك
ان شاء الله تستلم علي خير
وبدون زيادة ..

[Motarjim]

الف مبروك
ان شاء الله تستلم علي خير
وبدون زيادة ..

باشا الله يكرمك، ويبارك فيك.
وشكرًا على دعائك الجميل.

[mhassan9]

مبدئيا مبروك مقدما بس انا ليا رأي لو تسمح
لو العربية موجودة برة تسليم فوري متستناش التوميل معلوماتي بتقول ان السعر زاد مبدئيا ٤ تلاف جنيه وعز العرب العربيات وصلته فعلا بس مكنش عايز يسلم الموزعين العربيات عشان لسه مش عرفين يزودوا قد ايه
فيه زيادة دا اكيد وحتي لو افترضنا ان الدورلار هينزل فدا هياخد وقت فبلاش مخاطرة الانتظار لان برضه سمعت ان ممكن توصل ل ١١٠ ومفيش حاجه للاسف تمنعهم من كدا لان كل العربيات بتغلا فبرضه هما هيبقوا منافسين في نفس الفئة السعرية مقارنة بباقي العربيات
دا رأيي المتواضع والقرار ليك وربنا يوفقك

[Motarjim]

مبدئيا مبروك مقدما بس انا ليا رأي لو تسمح
لو العربية موجودة برة تسليم فوري متستناش التوميل معلوماتي بتقول ان السعر زاد مبدئيا ٤ تلاف جنيه وعز العرب العربيات وصلته فعلا بس مكنش عايز يسلم الموزعين العربيات عشان لسه مش عرفين يزودوا قد ايه
فيه زيادة دا اكيد وحتي لو افترضنا ان الدورلار هينزل فدا هياخد وقت فبلاش مخاطرة الانتظار لان برضه سمعت ان ممكن توصل ل ١١٠ ومفيش حاجه للاسف تمنعهم من كدا لان كل العربيات بتغلا فبرضه هما هيبقوا منافسين في نفس الفئة السعرية مقارنة بباقي العربيات
دا رأيي المتواضع والقرار ليك وربنا يوفقك

رأي يُحترم، وأفكر فيه بإذن الله.

[rahieb_100]

مبروك يا باشا وتستلم على خير ان شاء الله
انا واقع فى نفس المشكلة دى كان المفروض استلم اول الشهر ده وموضوع الدولار اجل الاستلام
بس انا بقى مختلف مع الاستاذ mhassan
لو العربية زادت جنيه عن السعر اللى انا حاجز عليه مش هاخدها :)

[mhassan9]

مبروك يا باشا وتستلم على خير ان شاء الله
انا واقع فى نفس المشكلة دى كان المفروض استلم اول الشهر ده وموضوع الدولار اجل الاستلام
بس انا بقى مختلف مع الاستاذ mhassan
لو العربية زادت جنيه عن السعر اللى انا حاجز عليه مش هاخدها :)

ما الراجل قالك أن التوكيل قاله السعر قابل للزيادة يعني لو السعر زاد عليك قبل ما تستلم هتاخد بالسعر الجديد وكل التوكيلات تقريبا كدا أنا رينو ونيسان قالولي نفس الكلام وساعتها يا هناخد بالعسر الجديد يا هتصرف نظر عن الموضوع عشان مش هتلاقي حد يديك بالسعر القديم

[D . a .\ AYMAN]

تستلم على خير وبركة من الله يارب ...

مبدئيا مبروك مقدما بس انا ليا رأي لو تسمح
لو العربية موجودة برة تسليم فوري متستناش التوميل معلوماتي بتقول ان السعر زاد مبدئيا ٤ تلاف جنيه وعز العرب العربيات وصلته فعلا بس مكنش عايز يسلم الموزعين العربيات عشان لسه مش عرفين يزودوا قد ايه
فيه زيادة دا اكيد وحتي لو افترضنا ان الدورلار هينزل فدا هياخد وقت فبلاش مخاطرة الانتظار لان برضه سمعت ان ممكن توصل ل ١١٠ ومفيش حاجه للاسف تمنعهم من كدا لان كل العربيات بتغلا فبرضه هما هيبقوا منافسين في نفس الفئة السعرية مقارنة بباقي العربيات
دا رأيي المتواضع والقرار ليك وربنا يوفقك

رأي يحترم في ظل ما يحدث من استغلال ....

يعني العربيات موجودة عند عز العرب لكن مش عايز يسلمها لغاية ما يشوف إيه أكبر سعر ممكن يرفعه ويكسب أكبر مبلغ ممكن من وراهم ... استغلال غير طبيعي من عقليات يجب حرقها ... وطبعا كل التوكيلات المصرية الظريفة عملت كدة أو هاتعمل كدة

[rahieb_100]

تستلم على خير وبركة من الله يارب ...

رأي يحترم في ظل ما يحدث من استغلال ....

يعني العربيات موجودة عند عز العرب لكن مش عايز يسلمها لغاية ما يشوف إيه أكبر سعر ممكن يرفعه ويكسب أكبر مبلغ ممكن من وراهم ... استغلال غير طبيعي من عقليات يجب حرقها ... وطبعا كل التوكيلات المصرية الظريفة عملت كدة أو هاتعمل كدة

علشان كده انا بقول نسبهالهم لحد ما تصدى فى المخازن

[د.اشرف هنداوى]

العربية موجودة بالسعر القديم و مش عايز يبيع مستني يشوف حيزود كام ؟!!!!

فين المهندس امر يشوف الاستهبال ده

[tutankhamoun]

العربية موجودة بالسعر القديم و مش عايز يبيع مستني يشوف حيزود كام ؟!!!!

فين المهندس امر يشوف الاستهبال ده

بس المهندس آمر ملوش أي علاقة بالبيع
هو رئيس قسم الصيانة فقط و غير مسئول عن أسعار العربيات أو المبيعات لا من قريب أو بعيد .

[tutankhamoun]

ألف مبروك يا أستاذ مُترجم و ربنا يوفقك في الأستلام .

[Motarjim]

تستلم على خير وبركة من الله يارب ...

رأي يحترم في ظل ما يحدث من استغلال ....

يعني العربيات موجودة عند عز العرب لكن مش عايز يسلمها لغاية ما يشوف إيه أكبر سعر ممكن يرفعه ويكسب أكبر مبلغ ممكن من وراهم ... استغلال غير طبيعي من عقليات يجب حرقها ... وطبعا كل التوكيلات المصرية الظريفة عملت كدة أو هاتعمل كدة

جزاك الله خيرًا أستاذنا الفاضل.

سآخذ بنصيحة الأخ الاستاذ mhassan9، وهأشوف موزع معتمد زي الأحمدي أو أوتو ماجد، وربنا يقدر لنا الخير جميعًا، ويرضنا به. ولو ربنا قدر، وخلصت فيها مع أي منهما مثلاً، هابقى ألغى الحجز لدى التوكيل الفاضل عز العرب إن شاء الله.

نسألكم الدعاء.

[D . a .\ AYMAN]

جزاك الله خيرًا أستاذنا الفاضل.

سآخذ بنصيحة الأخ الاستاذ mhassan9، وهأشوف موزع معتمد زي الأحمدي أو أوتو ماجد، وربنا يقدر لنا الخير جميعًا، ويرضنا به. ولو ربنا قدر، وخلصت فيها مع أي منهما مثلاً، هابقى ألغى الحجز لدى التوكيل الفاضل عز العرب إن شاء الله.

نسألكم الدعاء.

اللهم يسرها لك ويرزقك خيرها ويحفظك من شرها

[Motarjim]

اللهم يسرها لك ويرزقك خيرها ويحفظك من شرها

اللهم آمين يا دكتور أيمن.

إن شاء لله، لما ربنا ييسر لي بالاستلام على خير بإذن لله، هاحتاج استفسر من حضرتك في بعض الأمور فيما يتعلق بالعربية.