برونزي ولا فضي؟

[Motarjim]

السلام عليكم،

أنا الحمد لله حجزت برسونا برونزي (موكّا) واختيار ثاني فضي.

ما رأيكم أيهما أحلى على برسونا وأكثر عمليةً؟

عفوًا، قد أكثرت عليكم من الأسئلة و الاستفسارات، ولكن سعة صدوركم وحرصكم على المساعدة تجعلني أطمع في المزيد.

فجزاكم الله خيرًا.

[Al-Farooq]

الاثنين تحفة ماشاء الله
شوف انت بتميل لأيه اكثر ، يعني لو بتميل للفواتح اختار الفضي
ولو بتحب الغوامق وكان نفسك فى الاسود مثلا اختار البرونزي ، لون حلو وجديد ومفيش عربيات كثير بنفس اللون دة

[ahmedOmar79]

السلام عليكم , هى الالوان طبعا مسألة اذواق وارتياح نفسى, انا حاجز جين 2 كنت حاجزها أسود و غيرت لفضى لانه مع الزمن بيحافظ على بريقه شوية , بالنسبة للبرسونا اللون موكا دا بسمالله ما شاء الله تحفة و لون مميز جدا و مديها فخامة , ومش موجود نفس الدرجة دى فى عربيات تانية كتيير , فى الاخر المسألة ارتياح نفسى , تستلم على خير ان شاء الله و ربنا يبارك لك فى السيارة و يرزقك خبرها و يقيك شرها ان شاء الله

[mshmshm3]

برونزي

[Raul_7]

برونزي احلي لون في البيرسونا.

[Motarjim]

جزاكم الله خيرًا ياشباب...كنت عايز اعمل استطلاع، بس الكمبيوتر تعطّل أثناء كتابة الموضوع، فخرج هكذا دون استطلاع.

على أي حال، الشكر موصول لمن شارك، ولمن سيتفضل بالمشاركة.

[tamerosman]

الموكا تحفة و مميز جدا ... انا لما بشوف برسونا برونزى بقول ازاى الفخامة و الشياكة دى كلها ب 100 الف بس

الف مبروك و ربنا يبارك لك فيها .

[rahieb_100]

برونزى علشان نبقى زى بعض :)

[Motarjim]

الموكا تحفة و مميز جدا ... انا لما بشوف برسونا برونزى بقول ازاى الفخامة و الشياكة دى كلها ب 100 الف بس

الف مبروك و ربنا يبارك لك فيها .

تمام يا أستاذ تامر، الله يكرمك، اتفق مع حضرتك.

بس بالراحة على العربية شوية عشان شكلها كده هتعدي الـ 100 ألف بس بكام ألف تاني

تقبل مروري

[Motarjim]

برونزى علشان نبقى زى بعض :)

إن شاء الله عشان خاطر حضرتك بس :)

العربية مع حضرتك، ولا حاجز زي حالاتي؟

[rahieb_100]

لا انا لسة حاجز وربنا يسهل ونستلم انا بقالى اكتر من 4 شهور حاجز !

[Motarjim]

لا انا لسة حاجز وربنا يسهل ونستلم انا بقالى اكتر من 4 شهور حاجز !

يا رب تستلم علي خير، وربنا يبارك لك فيها.

[eng.m7md.ali]

اياً كان اللون ايه

الف مبروك مقدماً طبعا وتستلم على خير ان شاء الله ياباشا

اول لفة ليا طبعاً وده شيء مفروغ منه :)

[S O P H O S]

مش عارف راي عكس الناس
الفضي بحبه فبروتون بصراحة..

[tamerosman]

تمام يا أستاذ تامر، الله يكرمك، اتفق مع حضرتك.

بس بالراحة على العربية شوية عشان شكلها كده هتعدي الـ 100 ألف بس بكام ألف تاني :b4_444:

تقبل مروري

انا كنت فى توكيل اسكندرية و شفت 3 عربيات برسونا برونزى بشحمهم
ممكن تكلم هانى مسئول مبيعات اسكندرية و تخلص معاه لو فلوسك جاهزة و تثبت السعر علشان الدوﻻر بيزيد كل يوم و لماا الدوﻻر بيزيد 1% التجار و التوكيﻻت بيزودو السعر 10%
فعﻻ عالم جشعة

رقم هانى 03.5003000/2/3