موديل العربية

[Motarjim]

السلام عليكم يا جماعة


لي استفسار بعد إذنك حضراتك - أعلم أن استفساراتي كثرت، ولكن التمسوا لي العذر، فهذه أول عربية جديدة أجيبها بإذن الله.


أزاي أعرف أن العربية موديل السنة مثلا 2013؟ هل يبقى ده مثبوت في أوراق التخليص الجمركي وما إلى ذلك؟

يعني مثلا شوفت عربية برسونا موديل 2013 في أحد المعارض مكتوب في الملصق على البرابريز الأمامي:

تاريخ الحشن 21-5-2012 تقريبًا، مش متأكد من اليوم بالظبط، ولكن الشهر أكيد.


هل الشحنة بتاخد ثلاث أشهر في عرض البحر حتى تصل الميناء في مصر؟

السؤال بطريقة أخرى، يعني مش ممكن تبقى العربية موديل 2012، وتباع على أنها موديل 2013؟

برجاء الإفادة.

[Raul_7]

افتح باب السواق و بص تحت علي العتب, هتلاقي حديدة مكتب عليها سنة الموديل.

[Motarjim]

افتح باب السواق و بص تحت علي العتب, هتلاقي حديدة مكتب عليها سنة الموديل.

تمام يا أستاذنا الفاضل...يعني سنة الموديل بتكون مكتوبة على العتب، مش على القائم؟

أصل أنا بصيت على القائم، لم أجد شيئًا مكتوبًا.

[amrelsha3er]

زى مامحمود قالك يامترجم باشا
وبعدين انت ناوى تشترى من معرض تحت السلم ولا ايه
الورق طبعا بيبقى موجود فيه الموديل وعلى اساسه بترخص العربيه 2013 اومال المرور هيعرف منين
لو ضحكو عليك مش هتعدى على المرور اكيد
خليك مع التوكيل وفعلا بتاخد 3 و4 شهور كمان
لاتتعجب وتوكل على الله ان شاء الله خير
تحياتى :)

[Motarjim]

زى مامحمود قالك يامترجم باشا
وبعدين انت ناوى تشترى من معرض تحت السلم ولا ايه
الورق طبعا بيبقى موجود فيه الموديل وعلى اساسه بترخص العربيه 2013 اومال المرور هيعرف منين
لو ضحكو عليك مش هتعدى على المرور اكيد
خليك مع التوكيل وفعلا بتاخد 3 و4 شهور كمان
لاتتعجب وتوكل على الله ان شاء الله خير
تحياتى :)

أستاذ عمرو، كيف حالك؟ لعلك بخير.

لا يا عم مش تحت السلم ولا حاجة. موزع معتمد بإذن الله، زي أباظة أو أوتو ماجد إن شاء الله.

يا عم التوكيل حباله طويلة، والعربية سعرها هيضرب جامد، متوقع يزودها خمس ستة آلاف تاني.

ربنا ييسر الحال، ويقدر لنا الخير.

[amrelsha3er]

ربنا يكرمك يااخى الفاضل ان شاء الله انا بخير كتر خيرك على سؤالك :)

[Motarjim]

ربنا يكرمك يااخى الفاضل ان شاء الله انا بخير كتر خيرك على سؤالك :)

مفتقدينك بصراحة.

ربنا يبارك لك في الـ Step way، ويعطيك خيرها، ويكفيك شرها.

[eng.m7md.ali]

زي ماقال محمود باشا

بس مكتوب سنة الانتاج تقريبا مش الموديل

[eng.m7md.ali]

ربنا يكرمك يااخى الفاضل ان شاء الله انا بخير كتر خيرك على سؤالك :)

عمرو باشا ازاي تخرج من القسم هنا من غير عربية بروتون؟! :)

[amrelsha3er]

عمرو باشا ازاي تخرج من القسم هنا من غير عربية بروتون؟! :)

حبيب قلبى فيلكيس باشا تصدق انت انى انا فاكر اول مشاركه ليا فى موضوع عملته هنا فى القسم كنت اول واحد ترد عليه والكلام ده من زمن يعنى :d بس لسه فاكره ايام توقعيك القديم هههههه
يكفينى شرفنا انى معاكو بقلبى ياريس وكفايه الناس الحلوه دى مقتنياها
بصراحه مش لاقى الروح دى فى اى قسم حتى رينو
لذلك هتلقينى هنا على طول لو ميضايقكش :d :d :d
منتا عارف القصه بقى بتاعتى
بس ان شاء الله هشترى بقى بروتون بريفى :d بعد ماادوب الرينو دى شويه :d

[amrelsha3er]

بس ليا سؤال فى اعضاء كتير ليهم دور كبير للسياره دى اختفو ليه من القسم ولا انا بتهيألى
زى ميدو سليمان مشاركاته قليله!
مهندس عبد الرحمن المتألق فينه!!
محمد عبد العال فينه برضو!!؟
اكيد كل واحد ليه ظروفه بس اتمنى يبقو متواجدين
ومبروك ياعم الملاك الجداد ماشء الله العربيه ملاكها زادو ربنا يبارك :)

[D . a .\ AYMAN]

الورق بتاع التخليص الجمركي بيكون مكتوب فيه موديل العربية والورق ده بيتختم من الجمارك والجمارك بتختم الورق ده بناء على ورق السيارة اللى بيكون جاي معاها من المصنع نفسه ... وبيستلمه الوكيل وبيسلمه للمشتري بعد استيفاء كل إجراءاته وهو ده اللى على اساسه بيتم ترخيص العربية في المرور وكتابة موديل العربية في الرخصة بناء عليه

الورق ده ورق رسمي ... واللعب فيه يمثل جناية تزوير في محرر رسمي ... إطمن من الناحية دي تماما ... مش ممكن تشتري عربية جديدة على أنها موديل سنة غير سنتها

بس ليا سؤال فى اعضاء كتير ليهم دور كبير للسياره دى اختفو ليه من القسم ولا انا بتهيألى
زى ميدو سليمان مشاركاته قليله!
مهندس عبد الرحمن المتألق فينه!!
محمد عبد العال فينه برضو!!؟
اكيد كل واحد ليه ظروفه بس اتمنى يبقو متواجدين
ومبروك ياعم الملاك الجداد ماشء الله العربيه ملاكها زادو ربنا يبارك :)

ناس كتير فعلا مفتقدينها ... لعلهم بخير بإذن الله