غيرت مساعدين

[eng.m7md.ali]

ازيكو يا رجالة؟ !!


من اسبوعين غيرت مساعدين في الضمان لعربيتي لانها كانت ناشفة بغباء

ولولا اني كنت شايفهم مطلعين المساعدين الجديدة من العلبة وبيركبو قدامي كنت قولت انهم اشتغلوني

الخلاصة .. العربية لسة ناشفة مش عارف ليه :((

تفتكرو السوست ليها دور في الموضوع والمساعدين القديمة مظلومين ؟

ولا في حاجة تانية ؟

[amrelsha3er]

ماتروحلهم ياريس وقولهم يشوفلهم حل
بس كده مفيش غير السوست فعلا!

[eng.m7md.ali]

ماهو ياباشا وانا هناك قولت للمهندس مصطفى دي لسة ناشفة اوي

قالي ده الطبيعي بتاعها والمساعدين زيرو :(

[د.هشام]

هي كدة فعلا، بس انا تأقلمت عليهم

[eng.m7md.ali]

بصراحة مش عارف

الناس كلها مثلا بتشتكي من السيراتو بالجنوط ال 17

انا شايف ان الواجا بالجنوط ال 15 انشف من السيراتو بالجنوط ال 17 !!!

وكمان واجا القديمة احسن من الجديدة في العفشة

والجين2 عفشتها اريح من الواجا !!

دي حاجة غريبة بصراحة من العربية دي لو هيا فعلا كدة

[mhassan9]

غريبة قوي طيب هو أنت مش ممكن تغير المساعدين بنوع تاني ممكن يكون أحسن من غير لعب في العفشة؟

[ahmed_h_g]

المساعدين الجداد بيفضلوا ناشفين مش أقل من 3 شهور
غير اللى بييجوا راكبين فى العربية الزيرو بتبقى جاهزه
تانى حاجه تفكر فيها الكاوتش والمساعدين لو الغاز برضه هتلاقيهم ناشفين
الكاوتش لو ناشف يدب معاك فى الحفر والنقر

[amrelsha3er]

المساعدين الجداد بيفضلوا ناشفين مش أقل من 3 شهور
غير اللى بييجوا راكبين فى العربية الزيرو بتبقى جاهزه
تانى حاجه تفكر فيها الكاوتش والمساعدين لو الغاز برضه هتلاقيهم ناشفين
الكاوتش لو ناشف يدب معاك فى الحفر والنقر

كلام منطقى من استاذ احمد
استنى عليها شويه يافليكس

[eng.m7md.ali]

انا مش عارف التوكيل بيركب حاجة مختلفة عن اللي كان جاي في العربية ولالا

كمان الكاوتش ميشلان حالته كويسة مش محتاج تغيير

هصبر شوية عليهم وهنشوف

الف شكر ليكم يارجالة على الرد

[Al-Farooq]

مينفعش تجرب عربية زيك بتاعتك بالضبط وتشوف اخبارها ايه ، وهل هو الطبيعي بتاعها كدة ولا لاءة زي ما المهندس بيقول ؟!
انت صرفت كثير ، ربنا يكون فى عونك وعربيتك تكون احسن من الزيرو :)

[eng.m7md.ali]

مينفعش تجرب عربية زيك بتاعتك بالضبط وتشوف اخبارها ايه ، وهل هو الطبيعي بتاعها كدة ولا لاءة زي ما المهندس بيقول ؟!
انت صرفت كثير ، ربنا يكون فى عونك وعربيتك تكون احسن من الزيرو :)

ربنا يخليك ياباشا

جربت الموديل القديم ودي عفشتها مختلفة عن الجديدة وانعم منها

[Al-Farooq]

ربنا يخليك ياباشا

جربت الموديل القديم ودي عفشتها مختلفة عن الجديدة وانعم منها

تمام ، بس مفيش زيارة كدة فى التوكيل تلاقي عربية زي بتاعتك او حد من الاخوة فى المنتدي هنا تجرب عربيته ؟!!
انا عاوزك تقارن عربية نفس موديل عربيتك علشان تبقي عارف الدنيا معاك ازاي ،
فلو دة الطبيعي بتاعها متقلقش وتنسي الموضوع دة إلا لو هاوي تعديل ،
ولو مش طبيعي يبقي نشوف الحل ومفيش حد يشتغلنا فى التوكيل ويقولنا هي كدة لأن دة رد يقوله اى واحد على أي حاجة مش عارفينها تقريبا .
خلاف كدة المهندسين متجربش عربيات اصلا ، اللى بيجرب بيكون فني ، فالفني هو اللى يعرف دة الطبيعي بتاعها ولا لاءة مش المهندس!

الفكرة انك ممكن تتعب وتصرف ويكون دة فعلا الطبيعي ومتحسش ان حاجة اتغيرت :(>

[eng.m7md.ali]

تمام ، بس مفيش زيارة كدة فى التوكيل تلاقي عربية زي بتاعتك او حد من الاخوة فى المنتدي هنا تجرب عربيته ؟!!
انا عاوزك تقارن عربية نفس موديل عربيتك علشان تبقي عارف الدنيا معاك ازاي ،
فلو دة الطبيعي بتاعها متقلقش وتنسي الموضوع دة إلا لو هاوي تعديل ،
ولو مش طبيعي يبقي نشوف الحل ومفيش حد يشتغلنا فى التوكيل ويقولنا هي كدة لأن دة رد يقوله اى واحد على أي حاجة مش عارفينها تقريبا .
خلاف كدة المهندسين متجربش عربيات اصلا ، اللى بيجرب بيكون فني ، فالفني هو اللى يعرف دة الطبيعي بتاعها ولا لاءة مش المهندس!

الفكرة انك ممكن تتعب وتصرف ويكون دة فعلا الطبيعي ومتحسش ان حاجة اتغيرت :(>

ان شاء الله هروح تاني قريب عشان اغير طلمبة الباور

ولو كدة هبقى اجرب اي عربية واجا هناك وربنا يسهل

انا مش فارق معايا نشوفية ولا نعومة .. المشكلة في اللي بيركبو معايا سواء والدي او والدتي العربية مبتريحهمش اوي

[S O P H O S]

الي اعرفه ان طبيعي تبقي ناشفة لانها جديدة
شوية وهتبقي افضل بس مش بالفرق الشاسع
والله اعلم ..