3/2013 قولوا يااااارب سهل

[Ahmedelattar]

سلامو عليكو
انا معجب وعاشق قديم للبروتون عموما وللبيرسونا خصوصا
ان شاء الله ويارب يكملها بالخير هجيب بيرسونا اليجانس اتوماتيك كاملة
بس محتاج مساعدتكم في معرفة :
اخر سعر بعد ارتفاع سعر صرف الدولار؟
افضل بنك للتقسيط؟
ازاي افعل عضويتي في الجروب وبالمناسبة انا عضو في نايل موتورز من 4 سنين تقريبا
والف شكر مقدما

[mhassan9]

بص أنا أخر حاجه سمعتها 105 ألف بش مش عارف أسأل لعل وعسي تلاقي سعر أقل أن شاء الله ويستحسن تسأل عند موزعين معتمدين زي أوتو ماجد - اباظة أو الأحمدي ويستحسن تسرع في الموضوع عشان كل ما تأخر ممكن السعر يعلي.

[abogharib]

- ا ويستحسن تسرع في الموضوع عشان كل ما تأخر ممكن السعر يعلي.

هى الجمله دى اللى ركبت التجار و التوكيلات علينا و يغلو براحتهم ما هى هتفضل كده اغلى 2000 جنيه الحق بسرعه لحسن تغلى تقوم الناس تروح تشترى يقوم التوكيل يقول ايه دا دى الناس اشترت برضو و انا كسبت اكتر يروح مزودها كمان 1000 و تلاقى الناس تقول نفس الكلام لحد ما بقى استهبال فى الاسعار وكل توكيل بيذود على مزاجو و على حسب طلب العربيه فى السوق

[tetomst]

السعر فعلا بقي 105 من عز العرب نفسو انا حاجز من فترة وغلي عليا بردو

[Elsebily]

هو فعلا بقي 105 وانا هكون غير الناس كلها وهقولك متتسرعش ولا حاجه واستني شويه لاني اسعار العربيات دلوقتي غير مستقره وممكن تشتري النهارده وتلاقي الجنيه رفع تاني قدام الدولار ويجي عز العرب يعمل نفسه عمل عرض وجميله في الناس وينزل سعر العربيه وتلاقي نفسك دفعت فلوس عالفاضي ولعل وعسي محافظ البنك المركزي الجديد يقدر يعمل حاجه

[rahieb_100]

هى الجمله دى اللى ركبت التجار و التوكيلات علينا و يغلو براحتهم ما هى هتفضل كده اغلى 2000 جنيه الحق بسرعه لحسن تغلى تقوم الناس تروح تشترى يقوم التوكيل يقول ايه دا دى الناس اشترت برضو و انا كسبت اكتر يروح مزودها كمان 1000 و تلاقى الناس تقول نفس الكلام لحد ما بقى استهبال فى الاسعار وكل توكيل بيذود على مزاجو و على حسب طلب العربيه فى السوق

اتفق مع هذا الكلام....لو العربية سعرها زاد سيبهالهم
انا حاجز العربية لما كان سعرها 96000 وبعد كده قالولى السعر زاد وبقى 99000والكلام ده من 4 شهور ولسة مفيش اخبار عن ميعاد الاستلام !!
انا شخصيا لو قالولى العربية زادت جنية واحد تانى هاسيهالهم مش عايزها

[Motarjim]

اتفق مع هذا الكلام....لو العربية سعرها زاد سيبهالهم
انا حاجز العربية لما كان سعرها 96000 وبعد كده قالولى السعر زاد وبقى 99000والكلام ده من 4 شهور ولسة مفيش اخبار عن ميعاد الاستلام !!
انا شخصيا لو قالولى العربية زادت جنية واحد تانى هاسيهالهم مش عايزها

ربنا ييسر لك الحال، وإن شاء الله، تأخدها بالسعر القديم، طالما أنك حاجز من أربعة شهور.

بس ملاحظ أنك عامل موضوع بتسأل عن سيتروين c4، هو أنت صرفت نظر عن برسونا ولا إيه؟

[MoH.SaLaDiN]

والله كل العربيات ده ماتستاهلش الزيادة وفعلا لو الناس عندها ثقافة الشراء يبقى كل اللى كان حاجز عربية عند معرض وغلا عليه يسحب فلوسه تانى وابقى قابلنى لو حد اشتراه اى عربية و بكرة تشوفوا كل التوكيلات بتنزل فى اسعار العربيات غصب عنها
لكن للاسف عمر ده ما حيحصل لاننا اكتر ناس بتمشى ورا الكلام الفاضى

[rahieb_100]

ربنا ييسر لك الحال، وإن شاء الله، تأخدها بالسعر القديم، طالما أنك حاجز من أربعة شهور.

بس ملاحظ أنك عامل موضوع بتسأل عن سيتروين c4، هو أنت صرفت نظر عن برسونا ولا إيه؟

لسة انا اخرى معاهم لحد اخر الشهر لو ممفيش تسليم هالغى الحجز ونفس الكلام لو قالوا ان السعر اتغير وزاد لان كده يبقى تهريج

[mhassan9]

يا جماعة الموضوع بسيط جداً.
اللي عنده أستعداد يستني شوية لما الدنيا توضح لأنه معاه عربيته أو مش مضطر يغيرها حالياً خلاص يستني.
اما اللي معوش عربيه أو مضطر يغير عربيته لأنها تعباه مثلاً فالأحسن أنه يشتري حالياً لأن أحتمال أن السعر ينزل حتي لو الدولار نزل أحتمال ضعيف.
أنا أستنيت أسبوعين عشان اللون وفي الأخر دفعت 1000 زيادة بعد مناهدة وفي نفس الوقت كانت زادت 4 تلاف ودلوقت بقت ب 105 يعني زادت 6 تلاف.
أحنا نشتري لو محتاجين السلعة لكن شراء الأستخسار وعشان يمكن تغلا بكرهه هو الغلط
تحياتي للجميع

[amrelsha3er]

مظنش نزول فى اسعار حاجه ياجماعه اللى بيطلع مبينزلش

[MoH.SaLaDiN]

اه فعلا للاسف اللى بيطلع مش حيقل تانى بس ده بسببنا احنا اللى مش بنعرف مصلحتنا لان المشترى يعنى ايه مثلا الجين تو تكون ب 92 الف وبعدين 95 وبعدين 99 وبعدين 103 واخيرا وليس اخرا 105 الف والناس بتتسابق انها تحجزها بسرعة قبل ما تغلا تانى هو ايه الكفر ده هو احنا بنلاقى الفلوس دى فى الشارع ولا ايه طب ايه اللى حيحصل لو الناس قاطعت شراء العربية اكيد التوكيل حينزل فى السعر بس تفهم مييبين حسبى الله ونعم الوكيل

[rahieb_100]

اه فعلا للاسف اللى بيطلع مش حيقل تانى بس ده بسببنا احنا اللى مش بنعرف مصلحتنا لان المشترى يعنى ايه مثلا الجين تو تكون ب 92 الف وبعدين 95 وبعدين 99 وبعدين 103 واخيرا وليس اخرا 105 الف والناس بتتسابق انها تحجزها بسرعة قبل ما تغلا تانى هو ايه الكفر ده هو احنا بنلاقى الفلوس دى فى الشارع ولا ايه طب ايه اللى حيحصل لو الناس قاطعت شراء العربية اكيد التوكيل حينزل فى السعر بس تفهم مييبين حسبى الله ونعم الوكيل

اتفق معاك وخصوصا ان انا شايف ان 105 الف كتير قوى عليها

[Ahmedelattar]

وليه كل ده ابو العربيات اللي تبهدلنا
احنا اولا ننفضلهم
ثانيا نغيظهم بأن كل مجموعة وليكن 20 او اكتر واحد يسافر ماليزيا ويوصلهم ان بالشكل ده عربياتهم بتضعف في المنافسة وان سمعتهم بقت في الارض بسبب تصرفات عز العرب القذرة
نطالب الشركة بتغيير الوكيل او بخيالي كده لو في عدد جمع مع بعضه وطلبنا من الشركة صفقة مباشرة برعاية مباشرة من الشركة ...اعتقد ان الكلام ده لو حتى مش اتنفذ فهيقلق عز العرب وهيخليهم يقرصوا ودانه ويعدلوه غصب عن عين اهله
والله الموفق والمستعان

[MoH.SaLaDiN]

والله التوكيلات دى كلها عايزة الحرق يعنى بدل ماهو فالح كدة وقاعد يغلى فى تمن العربية كل شوية يروح يهتم بخدمة ما بعد البيع و يشوف مشاكل عدم توافر قطع الغيار او ارتفاع اسعار الصيانات ويهتم شوية بالناس اللى وثقت فى العربية واشترتها بس للاسف كل همه هو تجميع فلوس باسهل طريقة من العميل ومش مهم ادا كان العميل ده راضى ولا يولع حتى
مهو محدش بيحاسب حد خلاص