عربيتي جين 2 2011 اتوماتيك صوت الموتور مش عاجبني

[solghof]

عربيتي جين 2 2011 اتوماتيك صوت الموتور مش عاجبني
بحط زيت موبيل 10 الاف كيلو وبغيره كل 5 الاف كيلو
وبعمل الصيانات في معادها
انا بمشي بالعربية من غير تسخين خالص
يعني بدور وامشي علي طول حتي في عز السقعة
بس حتي الصوت مش مظبوط لما بتبقي العربية سخنة
انا سمعت ان زيت موبيل بقا وحش ومش بيظبط العربية الجين 2
عاوز اسمع رأيكم

[AlGazar2]

غير زيت موبيل ده يا باشا و حط اى زيت تخليقى تانى هيقعد معاك مدته كلها بنفس الكفائة بتاعته

المتجرب و المضمون شيل - فالفولين - فيسكو 5000 - ليكومولى - كاسترول

بس شوف الاول فى عربيتك انى الاحسن فى دول

الفيسكو متجرب فى الدايو الى بتحرق احسن زيت و بيصمد فى مواتيرها لمده 12 الف تقريبا و الشيل نفس النظام بس ل 10000
فالفولين العادى مش التخليقى بيتبخر فى الدايو بسرعه
الفيسكو النص تخليقى خلى ماتور المتسوبيشى اهدى كتير عن الاول

جرب حاجة فيهم و اكيد النتيجة هاتعجبك عن زيوت موبيل

[M.Al-Hefnawy]

فعلاً زيت موبيل مش كويس ... ممكن تحط كاسترول إيدج أو كاسترول ماجنيتك أو ليكوي مولي وإن شاء الله صوتها يظبط معاك

[mido_soliman]

حط شيل او كاسترول او ليكوى مولى

ويعنى اية مبتسخنش العربية !!!!!!!!!!!!!!!!
لية طيب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اهم حاجة فى الموتور انك تسخنة علشان الزيت يوصل لكل اجزاء الموتور قبل الحركة
5 دقايق كل يوم الصبح مش حتخسر بالعكس حتفيد
انت تعرف اية هى اكتر حاجة بتقضى على العمر الافتراضى للموتور ؟؟؟؟؟؟؟؟؟؟؟؟
الدوارة الصبح والزيت كلة فى الكرتيرة تحت
تخيل باة ؟

انا بكون خارج بالعربية وراكن فى مول العرب او كارفور او اى حتة حتاخر فيها ولما برجع ادور والاقى العداد نزل للصفر تانى
بسخنها من اول وجديد ومش مشكلة خالص 3 او 5 دقايق
حافظ عليها حتديك عنيها
حتهملها
حتطلع عينــــــــــــــــــــــــك
:)

[youssef_u]

غير زيت موبيل و جرب شل هيليكس و حاول سخن دقيقتين عالاقل بس

[amrelsha3er]

فعلا موضوع التسخين ده مهم هتلاحظه حتى فى الا بى ام بعد 3 4 دقائق وصوت العربيه هتظبط ومتقرصش عليها الا لما عداد الحراره يعلى شويه على الاقل متعديش ار بى ام 3 الا لما تسخن شويه

[eng.m7md.ali]

انا بسخن العربية سواء في السقعة او الحر لمدة دقيقتين

اول ماالاحظ ان عداد الحرارة اتحرك من الصفر بتحرك انا بالعربية

ومبقرصش بردو عليها غير لما العداد يوصل لل نص او 90 درجة

ونصيحتي ليك بلاش موبيل زي مالرجاله قالو

[ELBERMAWY]

عربيتي جين 2 2011 اتوماتيك صوت الموتور مش عاجبني
بحط زيت موبيل 10 الاف كيلو وبغيره كل 5 الاف كيلو
وبعمل الصيانات في معادها
انا بمشي بالعربية من غير تسخين خالص
يعني بدور وامشي علي طول حتي في عز السقعة
بس حتي الصوت مش مظبوط لما بتبقي العربية سخنة
انا سمعت ان زيت موبيل بقا وحش ومش بيظبط العربية الجين 2
عاوز اسمع رأيكم

الممكن يعلي صوت الموتور عدد من الاحتمالات :
1- كثافه الزيت عاليه وده غالبا بيحصل في الشتاء
2-فيلتر الهواء غير نظيف
3-لو صوت عالي مع رعشه تكون قواعد الموتور وغالبا تظهر في الاوتوماتيك
وشكرا.............

[Al-Farooq]

لو انت بتغير كل 5 آلالف ، وفى نفس الوقت عاوز تحافظ على ضمان التوكيل ،
يبقي افضل حاجة توتال 5000 ،
المشكلة فى توتال ال 1000 آلاف هو اللى وحش حسب تجربة الاعضاء الكرام هنا ،
لكن الاغلبية قالوا على 5000 حلو على حد علمي.

[solghof]

الف شكر ياجماعة انا لاحظت ان الاغلبية مجمعين علي كاسترول
والتوكيل بيقول توتال بس ومرضيش يحطلي اي زيت من معايا وانا بعمل الصيانة
واكتر من واحد قالي ان زيت ال 10000 وحش اساسا وحط زيت ال 5000 افضل فانا بقيت محتار

[solghof]

والناس اللي بتقول زيت فيسكو
فيسكو من اللي سعره كام لاني مرة رحت اشتريته من بنزينة اداني زيت ب 120 جنيه وقالي ده بيعيش 10000 كيلو
استغربت جدا لرخص ثمنه وخوفت علي العربية لاني ماكنت عامل غير 20 الف كيلو وقولت مش علشان اوفر 100 جنيه ابوظ عربية ثمنها فوق ال 90 الف جنيه
فياريت اعرف اسمه فيسكو كام اللي بيقعد 10 الاف كيلو وسعره التقريبي كام

[eng.m7md.ali]

والناس اللي بتقول زيت فيسكو
فيسكو من اللي سعره كام لاني مرة رحت اشتريته من بنزينة اداني زيت ب 120 جنيه وقالي ده بيعيش 10000 كيلو
استغربت جدا لرخص ثمنه وخوفت علي العربية لاني ماكنت عامل غير 20 الف كيلو وقولت مش علشان اوفر 100 جنيه ابوظ عربية ثمنها فوق ال 90 الف جنيه
فياريت اعرف اسمه فيسكو كام اللي بيقعد 10 الاف كيلو وسعره التقريبي كام

هو فعلا الفيسكو ب 120 جنيه بيقعد 5000 كيلو وممكن اكتر وبتوصل ل 10000 كيلو .. بس انا مبنصحش بيه ولا انه يقعد كل ده في العربية

لو حضرتك لسة في الضمان الاحسن تستعمل توتال اللي في التوكيل او ممكن ليكيومولي لو خارج الضمان او بتعمل الصيانة برة

[Raul_7]

بلاش فيسكو مش حلو مقارنة بكاسترول و فالفولين و ليكوي مولي, خليك في دول لو انت بتاع جري.

لو مش بتاع جري خليك في توتال التوكيل, بس زيت عادي جدا مش بتاع بهدلة, أنا هنزله الصيانة الجاية و ارجع لكاسترول.

[solghof]

الاقية فين زيت كاسترول و فالفولين لأني بتوع الزيت عندنا وش فقر ماعندمهش غير انواع تعبانة

[eng.m7md.ali]

الاقية فين زيت كاسترول و فالفولين لأني بتوع الزيت عندنا وش فقر ماعندمهش غير انواع تعبانة

التوكيل مش هيرضي يغيرلك الزيت غير توتال

لو بتغير برة مفيش مشكلة

ولو بتعمل صيانة في عصام صفا ممكن تكلم المهندس عصام في الموضوع ده وشوف ايه رأيه .. هو راجل محترم ومبيتأخرش على حد لو شايف مصلحة اللي قدامه