جين 2 2011 وجين 2 2013 كلهم بيحدفوا يمين ولا ايه

[solghof]

جين 2 2011 وجين 2 2013 كلهم بيحدفوا يمين ولا ايه
انا عربيتي جين 2 2011
من يوم ماجبتها وهيا بتحدف يمين
وعربية صاحبي جين 2 2013 برضو لسة ماكملتش الالف كيلو وبتحدف يمين
انا ظبطت زوايا اكتر من مرة في اماكن متعددة ومفيش فايدة
وغيرت الكاوتش اليمين في الشمال والشمال في اليمين
برضو مفيش فايدة
اعمل ايه

[eng.m7md.ali]

اللي اعرفه ان الموديلات الجديدة 2012 و 2013 هيا اللي فيها المشكلة

والحل في التوكيل ان شاء الله وهو تربيط القنطرة الطولية بطريقة معينة زي مافهمت من هناك

اما عربية حضرتك بنصحك تروح بريدجستون عمارات العبور دول احسن ناس ظبطت عندهم وفي واحد في الحرفيين اسمه الاسكندراني ده بردو ممتاز

[solghof]

انا لسة في الضمان فهحاول اروح التوكيل لان المشكلة دي عندي من يوم ماجبت العربية وانا مطنش بصراحة

[eng.m7md.ali]

ده حقك طبعا يا باشا

روح بهدلهم هناك

[Al-Farooq]

اللى لسه معملتش صيانة الألف ، فى صيانة الألف يقول لهم على الحدفة وهتتعمل ضمان.
اللى عدي الألف ، يقول لهم عليها و هيدفع 140 جنية "تقريبا" ضبط زوايا ويقعد 2-3 ساعات فى الصحراوي "ابو رواش" .
والعربية بتروح بتدخل الأول على بتاع العفشة بيضبط الموضوع زي ما البشمهندس فيلكس قال ، وبعدين بتروح على ضبط الزوايا ، ولما يخلصوا مهندس يطلع يجربها.
دي كل القصة تقريبا.