محتارة وخايفة

[Yoyo.yasso]

السلام عليكم ورحمة الله
ده اول موضوع ليا هنا اتمنى تفيدونى
انا قاعدة بتفرج على الموضوعات بقالى فترة فى القسم هنا والحمد لله مرتاحة انى اشترى جين 2 العربية شكلها جميل وكمان ليا ناس معرفتى معاهم بس الموديل القديم 2007 ومهرية مشاوير وسفر مابتقولش لا

بس خايفة جدا من التوكيل والصيانة

ايه اخبار التوكيل وفعلا مش كويس ولا ايه اصلى انا اللى هاوديها التوكيل والصيانة ف خايفة يبقى الموضوع بياخد وقت طويل او يبقى فى اهمال

ورأيكم عموما فى الفيرجن الجديد منها انا شفت رأى الاستاذ توت عنخ امون كلامه كويس جدا عن العربية ف محتاجة اسأله عن التوكيل كمان علشان اكون فكرة عامة عن العربية
وايه رأيكم فى اللون ؟ انا عايزة اجيب الاحمر بس مش عارفة فى منها درجات ولا لأ لانى مش عايزة الاحمر الفاقع ولا النبيتى انا عايزة اجيب دم غزال مش عارفة اللون ده كويس ولا لأ

يارب تفيدونى واسفه للاطالة

[ibn_seena]

هيجيلك حد من ملاكها يرد عليكي. ....
بس توكيلها مش تمام ابدا بشهادة كل ملاكها وفي كذا موضوع بيشتكي من توكيلها. ...

[AlGazar2]

العربية تمام جدا و توكيلها مش تمام بس العربية حاليا بقالها 6 سنين او اكتر شوية و مبتقفش على قطع غيار و ليها محلات بتبيع قطع غيارها و التوكيل بيحاول يظبط نفسة و ممكن الميكانيكية يشتغلوا فيها

[S O P H O S]

بالنسبة لللون العربية كراي فقط دولا من احسن اللوان الجين





----
اما عن تقيم العربية فأكيد رجالة القسم اولي بكده مني
ويعرفوا كل حاجة عنها
بالتوفيق ..

[eng.m7md.ali]

ربنا يوفق حضرتك للاختيار الصح واهلا بحضرتك معانا في القسم

العربية طبعا حلوة بشهادة ناس كتير من الملاك ومن المجربين وانا شخصياً نفسي اجيبها بس معايا واجا

المشكلة فعلا في التوكيل سيء بجد وقطع الغيار بتتأخر كتير .. اخر صيانات كنت بعملها في مركز عصام الصفا وده مركز تابع للتوكيل ولكن فرق كبير في الخبرة وتوفير الوقت

قطع غيار العربية موجودة برة التوكيل كتير + في منها كتير استيراد ( اكتر من 9 محلات في الحرفيين متخصصين بروتون )

بالنسبة للون ده اذواق طبعا والاحمر فيها تحفة

لو حضرتك حابة فعلا العربية مش هتفرق مشكلة التوكيل زيي والا كنت بعت عربيتي من زمان لكن انا حاببها

[DESIGNER105]

العربية حلوه ..التوكيل سىء جدا .............

[mhassan9]

بالنسبة لللون العربية كراي فقط دولا من احسن اللوان الجين





----
اما عن تقيم العربية فأكيد رجالة القسم اولي بكده مني
ويعرفوا كل حاجة عنها
بالتوفيق ..

الألوان ذدي معدتش موجودة خلاص مفيش غير أحمر وأسود وفضي
الأحمر حلو جداً بالنسبة لبنت بالذات بس بيبان فيه التراب زيه زي الأسود بالظبط

[yasso77]

ارجوكي ابعدي عن العربيه دي لان انا كنت من ملاكها ولسا خاصان منها من 5 شهور وهي عربيه سيئه بمعني الكلمه والله علي ما اقول شهيد والعربيه دي الميزه الوحيده فيها هي الثبات غير كده ايدك والارض اللهم بلغت اللهم فاشهد

[mhassan9]

ارجوكي ابعدي عن العربيه دي لان انا كنت من ملاكها ولسا خاصان منها من 5 شهور وهي عربيه سيئه بمعني الكلمه والله علي ما اقول شهيد والعربيه دي الميزه الوحيده فيها هي الثبات غير كده ايدك والارض اللهم بلغت اللهم فاشهد

ممكن طيب حضرتك تقولنا زيه عيوب العربيه عشان أنا من ملاكها الجدد ،حابب أخد فكره
بس ياريت تقولنا العيوب العامة اللي موجودة في ل العربيات لأن ممكن يكون فيه عيوب في عربياتك بس كنوع من الحظ السئ مثلاً
كمان أنت زي ما أنا شايف من المنيا فواضح أنك عانيت في قطع الغيار اللي مفتكرش هتتوفر عندك بس المشكلة دي مش موجودة لسكان القاهرة مثلاً

كمان ياريت تقولي راكب أيه حالياً وأيه الفرق اللي أنت حاسه يمكن أفكر أبيع عربيتي وهي كسر زيرو لو ممكن تقرفني قدام

تحياتي

[tutankhamoun]

ارجوكي ابعدي عن العربيه دي لان انا كنت من ملاكها ولسا خاصان منها من 5 شهور وهي عربيه سيئه بمعني الكلمه والله علي ما اقول شهيد والعربيه دي الميزه الوحيده فيها هي الثبات غير كده ايدك والارض اللهم بلغت اللهم فاشهد

أيه يا أستاذ ياسو مشكلة العربية بالظبط اللي أنت بعتها ؟

[Raul_7]

أيه يا أستاذ ياسو مشكلة العربية بالظبط اللي أنت بعتها ؟

+11111

[Yoyo.yasso]

هيجيلك حد من ملاكها يرد عليكي. ....
بس توكيلها مش تمام ابدا بشهادة كل ملاكها وفي كذا موضوع بيشتكي من توكيلها. ...

ما ده اللى قالقنى فعلا

العربية تمام جدا و توكيلها مش تمام بس العربية حاليا بقالها 6 سنين او اكتر شوية و مبتقفش على قطع غيار و ليها محلات بتبيع قطع غيارها و التوكيل بيحاول يظبط نفسة و ممكن الميكانيكية يشتغلوا فيها

طيب ده مفيش فى مشكلة انا قصدى كمان على الصيانة الدورية اللى بتبقى كل كام كيلو هل التوكيل بردو ممل فيها ولا ايه

بالنسبة لللون العربية كراي فقط دولا من احسن اللوان الجين





----
اما عن تقيم العربية فأكيد رجالة القسم اولي بكده مني
ويعرفوا كل حاجة عنها
بالتوفيق ..

جزاك الله خيرا بس الازرق صعب شوية
انا بالنسبالى لو مش لقيت الاحمر اللى فى دماغى هختار الكراى فعلا .

ربنا يوفق حضرتك للاختيار الصح واهلا بحضرتك معانا في القسم

العربية طبعا حلوة بشهادة ناس كتير من الملاك ومن المجربين وانا شخصياً نفسي اجيبها بس معايا واجا

المشكلة فعلا في التوكيل سيء بجد وقطع الغيار بتتأخر كتير .. اخر صيانات كنت بعملها في مركز عصام الصفا وده مركز تابع للتوكيل ولكن فرق كبير في الخبرة وتوفير الوقت

قطع غيار العربية موجودة برة التوكيل كتير + في منها كتير استيراد ( اكتر من 9 محلات في الحرفيين متخصصين بروتون )

بالنسبة للون ده اذواق طبعا والاحمر فيها تحفة

لو حضرتك حابة فعلا العربية مش هتفرق مشكلة التوكيل زيي والا كنت بعت عربيتي من زمان لكن انا حاببها

طيب معلش مش فاهمة ازاى مشكلة التوكيل مش هاتفرق
هو مش المفروض انها بيتعمل لها صيانة كل كام شهر او كل كام كيلو تقريبا ؟
معلش انا مش بفهم فى الحاجات دى ف هتلاقى استفساراتى ممكن تكون بالنسبالكم غريبة بس معلش استحملونى
يعنى دلوقتى حضرتك يترجح انى لو لا قدر الله فى مشكلة فى العربية او هحتاج قطعه غيار ماروحش للتوكيل .. اشوف مكان تانى مضمون وخلاص .. صح كده ؟

العربية حلوه ..التوكيل سىء جدا .............

ربنا يستر

الألوان ذدي معدتش موجودة خلاص مفيش غير أحمر وأسود وفضي
الأحمر حلو جداً بالنسبة لبنت بالذات بس بيبان فيه التراب زيه زي الأسود بالظبط

الله المستعان انا هابقى مغطياها اغلب الوقت ان شاء الله

ارجوكي ابعدي عن العربيه دي لان انا كنت من ملاكها ولسا خاصان منها من 5 شهور وهي عربيه سيئه بمعني الكلمه والله علي ما اقول شهيد والعربيه دي الميزه الوحيده فيها هي الثبات غير كده ايدك والارض اللهم بلغت اللهم فاشهد

جزاك الله خيرا
طيب انا والله واحد قريبى معاه العربية من 5 سنين وكويسة معاه بس كان بيعانى بردو من التوكيل
وشفت ناس كتير هنا وفى منتديات تانية بيشكروا فيها ياترى كانت ايه مشكلة حضرتك ؟!
وهل كانت مشكلة كبيرة لدرجة ان ماتستحملهاش او متحاولش تعالجها مقارنة بالمميزات ؟

[amrelsha3er]

حضرتك ممكن تقرى اكتر فى القسم فى مواضيع كتير للساده الملاك من ميزات وعيوب
وهى العربيه اجمالا جميله وفلوسها فيها واقل سعر باحسن كماليات
يعيبها وكيلها فقط بعض الشىء ورغم كده ناس كتير راكبه العربيه ومش بتعتمد على التوكيل
غير الصيانات الدوريه للسياره
بالتوفيق لحضرتك ان شاء الله

[Yoyo.yasso]

حضرتك ممكن تقرى اكتر فى القسم فى مواضيع كتير للساده الملاك من ميزات وعيوب
وهى العربيه اجمالا جميله وفلوسها فيها واقل سعر باحسن كماليات
يعيبها وكيلها فقط بعض الشىء ورغم كده ناس كتير راكبه العربيه ومش بتعتمد على التوكيل
غير الصيانات الدوريه للسياره
بالتوفيق لحضرتك ان شاء الله

ما انا ملاحظة كده بردو انها منتشرة على الرغم من مشكلة التوكيل
يعنى انا مش هحتاج التوكيل غير فى الصيانات الدورية فقط ؟؟ انما اى حاجة تانى ممكن الاقيها بره ؟
طيب ومن رأى حضرتك اجيبها جديدة ولا مستعملة ؟ انا دى اول عربية ليا ماكنتش بسوق قبل كده ومحتارة ما بين الرأيين ناس تقولى مستعمل علشان لو اتخبطت ولا حاجة وناس تقولى جديدة خصوصا ان زوجى اغلب الوقت مسافر وانا اللى هاتدبس فى تصليحها ف فكرتهم يعنى ان الجديد بالنسبالى هايبقى افضل علشان ما يغلبنيش فى التصليح كل شوية

[tamerosman]

لو حضرتك عايزة تتعاملى مع توكيل محترم ... انصحك تشوفى رينو ستب واى شكلها شيك و ابعادها سهلة فى الركنة ....اعتقد ان التعامل مع الصنا يعية بره التوكيل هيكون صعب بالنسبة لك تو كيل رينو معاملتهم شيك و عندهم قطع الغيار متوفرة