الحمد لله بقيت بروتوناوي رسميًا

[drbarakat84]

ألف مبروك ربنا يباركلك فيها

[Motarjim]

ما تقلقش .. قولهم عليه و هما هيظبطوه :)

صديق ليا غير اكصدام عندهم قبل كدة و كان كله تمام التمام

الله يكرمك يا أستاذ نور، وإن شاء الله خير والموضوع بسيط. أصل من كتر ما سمعت عن عز العرب من كلام جميل، كلام معقول ما أقدرش اقول حاجة عنه، يبدو أن عندي أعراض Ezzophobia :)

[Motarjim]

ألف مبروك ربنا يباركلك فيها

الله يبارك في يا دكتور، ويبارك في الجين تو.

[tutankhamoun]

ألف ألف مليون مبروك مُترجم باشا ...
ربنا يباركلك فيها و يستر طريقك و يقيك شرور الطريق

و مبروك على الغطا

[S O P H O S]

الف مبروك يا باشا والله فرحتنا
ربنا يباركلك فيها ويستر طريقك
جزاك الله كل خير ..

[Al-Farooq]

جزاك الله خيرًا يا ريس، والله يبارك في حضرتك، وربنا يستجيب لدعائك الطيب.
الحمد لله العربية مبدئيًا تمام بفضل الله.
الحدفة اليمين فيما يبدو أنها موجودة، ولكن لما اتأكد بعد، لأن الطريق وقت استكشافها لم يكن مستويًا. فإن شاء الله، هاجرب تاني.
ولكن السؤال، هل عند التعديل في التوكيل، هل الحدفة بتروح، وتختفي؟
والسؤال الثاني، ليه بروتون ماليزيا لم تتلافى وتتلاشي هذه المشكلة وتظبطها في موديل 2013، طالما أنها ظهرت في 2012، والمفترض أن التوكيلات بلغت بها؟
إن شاء الله، مركز مع العربية، لو في أي حاجة، أدونها حتى لا أنساها عند صيانة الألف.
وشكرًا يا ريس مرة تانية على نصائحك الغالية.

الشكر لله يا ريس ، ربنا يبارك فيك.
طبعاً التوكيل لو الموضوع دة موجود هو بيعالجها ،
وهو مش تعديل او عيب بالمعني دة ،
هو بيستخدم خلوص القنطرة بحيث انه يحرك سنة ويربط وبتضبط على كدة،
للأسف الموضوع دة كان ظهر عندي و مهتمتش به ومكنش فى بالي لأنها حاجة بسيطة يعني ، بس لما جيت اهتم وعاوز اضبطها و روحت لهم عملوا الحكاية دي ولقيتها مش نافعة معايا ، وفى الآخر قالوا الجنوط عندك فيها رفة و عاوزة استعدال و الكاوتش عاوز يتغير! ، وانا مستلمها كدة من الزيرو اصلا ، بس دة غلطي ، وبنبهك لغلطي من دلوقتي و لازم اى حاجة من الألف تهتم بيها حتي ولو كان هايف ، و تعمله ان شاء الله . غير كدة هيبقي بفلوس وممكن فلوس كثير كمان.

المهم لو الموضوع دة عندك لا قدر الله ، لازم تستلمها وهي مفيهاش اى حدفة وتطلع تجرب مع المهندس "المهندس اللى بيسوق" ، لحد ما تتطمن ان مفيهاش الحدفة.
هما بقي عاوزين يغيروا جنوط ، يغيروا كاوتش ، يرصصوا ، يضبطوا زوايا ، يعملوا عجينة الفلاحي ، هما أحرار ، اهم حاجة انت فى الألف بتعملها مجاني ولازم تتأكد انك استلمتها مفيهاش حدفة.
ولو استلمتها بعد الصيانة لاقدر الله ولقيت نفس العيب ظهر ، اتصل احجز تاني ، بحيث تبقي دي مراجعة تبع الألف ، لحد ما تتطمن انك فى السليم.
وياريت تعمل الألف فى ابو رواش . هما يومهم بسنة هناك بس الميزة ان المخزن هناك ، وانت اصبر عليهم لحد ما تستلم حاجتك زي ما انت عاوزها.

[Nistelrooy]

الف مبروك .. ربنا يبارك لك فيها ويكفيك شرها ..

[tamerosman]

الف مبروك و ربنا يديك خيرها و يكفيك شرها

هاقولك نصايح سريعة

1. الكاوتش بيجى من بره على 35 ...اشترى مقياس هواء ب 30 جنيه و راجع ضغط الكاوتش مرة كل شهر ااو لمل تيجى مسافر ..اغلب بتوع الكاوتش اجهزة القياس عندهم مستهلكة و بايظه


2. فك اﻻريال اﻻصلى و شيله فى البيت و ركب اريال بتاع ﻻنسر بومة ب 15 جنيه

3. اشترى طقم دواسات ...اسمها دواسات حوض بتحوش التراب جواها و مينزلش على الموكيت


4. هات علبة wax من كارفور ماركة armor او ترتل و اديها وش تلميع هتﻻقيه بينطر التراب

5. تجنب تركب معاك ناس من النوع الى عنيها وحشة .

[Motarjim]

الشكر لله يا ريس ، ربنا يبارك فيك.
طبعاً التوكيل لو الموضوع دة موجود هو بيعالجها ،
وهو مش تعديل او عيب بالمعني دة ،
هو بيستخدم خلوص القنطرة بحيث انه يحرك سنة ويربط وبتضبط على كدة،
للأسف الموضوع دة كان ظهر عندي و مهتمتش به ومكنش فى بالي لأنها حاجة بسيطة يعني ، بس لما جيت اهتم وعاوز اضبطها و روحت لهم عملوا الحكاية دي ولقيتها مش نافعة معايا ، وفى الآخر قالوا الجنوط عندك فيها رفة و عاوزة استعدال و الكاوتش عاوز يتغير! ، وانا مستلمها كدة من الزيرو اصلا ، بس دة غلطي ، وبنبهك لغلطي من دلوقتي و لازم اى حاجة من الألف تهتم بيها حتي ولو كان هايف ، و تعمله ان شاء الله . غير كدة هيبقي بفلوس وممكن فلوس كثير كمان.

المهم لو الموضوع دة عندك لا قدر الله ، لازم تستلمها وهي مفيهاش اى حدفة وتطلع تجرب مع المهندس "المهندس اللى بيسوق" ، لحد ما تتطمن ان مفيهاش الحدفة.
هما بقي عاوزين يغيروا جنوط ، يغيروا كاوتش ، يرصصوا ، يضبطوا زوايا ، يعملوا عجينة الفلاحي ، هما أحرار ، اهم حاجة انت فى الألف بتعملها مجاني ولازم تتأكد انك استلمتها مفيهاش حدفة.
ولو استلمتها بعد الصيانة لاقدر الله ولقيت نفس العيب ظهر ، اتصل احجز تاني ، بحيث تبقي دي مراجعة تبع الألف ، لحد ما تتطمن انك فى السليم.
وياريت تعمل الألف فى ابو رواش . هما يومهم بسنة هناك بس الميزة ان المخزن هناك ، وانت اصبر عليهم لحد ما تستلم حاجتك زي ما انت عاوزها.

تمام يا ريس الله يفتح عليك...إن شاء الله، سأعمل بكلام حضرتك، وسأبلغ بالنتائج بإذن الله بعد الصيانة.

[Motarjim]

ألف ألف مليون مبروك مُترجم باشا ...
ربنا يباركلك فيها و يستر طريقك و يقيك شرور الطريق

و مبروك على الغطا

الله يبارك في حضرتك يا أستاذ توت، ويجازيك خيرًا...إن شاء الله كله تمام، بفضل الله، ثم بفضل نصائح حضرتك، والأعضاء المحترمين أمثالك.

[Motarjim]

الف مبروك يا باشا والله فرحتنا
ربنا يباركلك فيها ويستر طريقك
جزاك الله كل خير ..

الله يبارك فيك يا ريس، ويجعل دومًا الفرح والسرور ملازمين لك...آمين.

وجزاك خيرًا مثله وزيادة.

[Motarjim]

الف مبروك .. ربنا يبارك لك فيها ويكفيك شرها ..

الله يبارك في حضرتك، وجزاك الله خيرًا على المرور العطر.

[Motarjim]

الف مبروك و ربنا يديك خيرها و يكفيك شرها

الله يبارك في حضرتك، اللهم آمين، وإياك بإذن الله.

هاقولك نصايح سريعة

الله يكرمك يا ريس، فعلا أنا محتاج النصائح دي.

1. الكاوتش بيجى من بره على 35 ...اشترى مقياس هواء ب 30 جنيه و راجع ضغط الكاوتش مرة كل شهر ااو لمل تيجى مسافر ..اغلب بتوع الكاوتش اجهزة القياس عندهم مستهلكة و بايظه

تمام ياريس، انا فعلا كشفت عليه، ولقيت ضغط الهواء 38 في العجلات الأربعة، وظبطته على 30. وإن شاء الله أجيب مقياس هواء زي ما حضرت تفضلت.

2. فك اﻻريال اﻻصلى و شيله فى البيت و ركب اريال بتاع ﻻنسر بومة ب 15 جنيه

فكيته عند الاستلام، واحتفظ به، وإن شاء الله، اجيب الإريال بتاع اللانسر بومة.

3. اشترى طقم دواسات ...اسمها دواسات حوض بتحوش التراب جواها و مينزلش على الموكيت

فعلا كلام حضرتك صحيح، محتاج دوسات غير اللي جاية من العربية...بس دواسات الحوض دي ألاقيها فين؟ متوفرة عند بتوع الكماليات؟

4. هات علبة wax من كارفور ماركة armor او ترتل و اديها وش تلميع هتﻻقيه بينطر التراب

إن شاء الله، اشتريه، وألمعها لدى أي كار كير. هي فعلا بدأت تلم تراب.

5. تجنب تركب معاك ناس من النوع الى عنيها وحشة .

الله المستعان، النقطة دي صعب تطبيقها، الحل المتين في التحصن بالأذكار الشرعية كأذكار الصباح والمساء والمعوذتين وما إلى ذلك. وربنا يجنبنا وإياك وجميع المسلمين الحسد والحاسدين.

الله يفتح عليك يا أستاذ تامر، ولو في نصائح أخرى سريعة أو حتى بطيئة :)، يا ريت تتفضل عليّ وعلى الأخوة الملاك الجدد بها. وجزاك الله خيرًا.

[د.اشرف هنداوى]

الف مبروك و ربنا يديك خيرها و يكفيك شرها

و يكفيك شر العين و الحرامية و الاعطال

[Motarjim]

الف مبروك و ربنا يديك خيرها و يكفيك شرها

و يكفيك شر العين و الحرامية و الاعطال

الله يبارك في حضرتك يا دكتور، وييسر لك الحال، وتشتري ما تتمناه قريبًا بإذن الله.

اللهم آمين.