الاختيار الصعب ....... برسونا 2013 ولا صني 2013

[D . a .\ AYMAN]

متشكر ليكم يا رجالة و مقدر رايكم جدا .
انا حاولت اعمل test drive للبرسونا بس عز العرب معندوش القصة دي , على العموم انا هركبها بس كده و اشوف , انا سوقت الصني النهاردة و كان الجميل فيها الوسع و النعومة في السواقة و عدم سماع صوت الموتور نهائي حتي لما تقرص على الدواسة .

لما كنت بقارن بين البيرسونا والصني .. كانت دي فعلا هي الميزة الوحيدة فعلا بينهم وبين بعض

الهدوء القاتل لصوت الموتور بتاع الصني .. ودي عموما ميزة أي عربية ياباني ... بس البيرسونا برضه صوتها مش مزعج نهائي وهادي وجميل

لكني في النهاية استقريت على البيرسونا عشان كل حاجة تانية كانت متفوقة عنها سواء التقفيل والوسع من جوة أو الشكل من برة .. أو العفشة او قوة الموتور أو وسائل الأمان أو بقية الأوبشنز البسيطة من جميع الجهات

لكن في الاعتمادية أعتقد الأثنين قريبين جدا من بعض ,, عيب البيرسونا توكيلها على ما أسمع لأني لسة ما قبلتش منه حاجة وحشة الحمد لله .. لكن مودرن موتورز برضه مهبب من تجارب شخصية .. أعتقد إن السبع كويس وأداؤه مرضي الى حد ما من كلام الأعضاء هنا طبعا لأني ماتعاملتش معاه

الكلام ده على الصني 2012 لأني ما جربتش 2013

[ahmedsiyam]

بيرسونا طبعا مافيش كلام

[Motarjim]

هل موديل 2013 عيوب التقفيل فيه اقل من الموديلات السابقة ؟

السلام عليكم أستاذ أيمن،

بالنسبة لموديل السنة من البرسونا، ممكن تلاقي عيوب تقفيل بسيطة، مثلا في تقفيل الاكصدامات، يعني تلاقي في بروز طفيف في الاكصدام الخلفي تحت الفانوس، أو عدم محاذاة الاكصدام مع الرفرف الأمامي، ده داخل شوية أو التاني طالع حاجة بسطية، وإن كان الموضوع غير ملحوظ من أول وهلة.

الحدفة اليمين لا زالت موجود في معظم العربيات سواء جين تو أو برسونا، ولكن بتظبط زاويا وتبقى تمام.

بس عمومًا ما فيش حاجة كاملة، والعيوب البسيطة دي، يمكن تقبلها، وإن كان الامر يختلف من شخص لآخر.

وبالتوفيق إن شاء الله.

[aser_5050]

توكيل عز العرب زي الزفت
العد عنها تماما انا معايا 2011 لعندهم قطع غيار ولا اي حاجه وخدمة زي الزفت
بلية الشداد عندا بتصفر والمفروض تتغير والبشوات بيقولولي مش موجوده
حسبي الله ونعم الوكيل فيك يا عز العرب

[Ahmed_Ezz]

انا رأى الشخصى بيرسونا

[waelfouad]

انا برضه محتار زي بالظبط راجع مصر بعد شهر ان شاء الله و مش عارف اجيب ايه بس اللي وصلتله انك مع النيسان الجديدة حاتغير تيل الفرامل و الكاوتش اول ما تستلم
و البيرسونا انت و حظك .... انا بقول نخلينا في المضمون و نجيب لادا 2107 الجديده زي الفل :)

[dya2008]

انا كنت في نفس الحيرة و في الاخر توكلت علي الله في صني الشكل القديم .. وفرت مبلغ و في نفس الوقت هيا واخده مميزات الصني في الاعتمادية و معروفه و لكن استغنيت عن اوبشنز زي abs - multi-function