قدر الله و ما شاء فعل

[chahutpartout]

السلام عليكم و رحمة الله و بركاته
حصلتلي حادثة انهاردة و انا في طريقي للشغل عربية دخلت في الباب اللي ورا السواق دخلة جامدة شويتين و خلت العربية تلف بالعرض و الحمد الله ان الشارع كان فاضي
الراجل الصراحة كان محترم و قاللي قول حضرتك اللي انته شايفه و انه ما خادش باله من العربية خالص و قعد يتأسف المهم الموضوع خلص علي اني قلتله اتكل علي الله و ما عملتلوش حاجة و لو ان اغلب الناس قالتلي ازاي اسيبه و اني انا زبون و كلام كدة بس الصراحة انا راضي باللي عملته
المهم اخدت العربية و رحت علي عصام صفا و استنيت المهندس علشان يعمل مقايسة بس هو اتأخر فاضطريت اسيبهالهم و اروح الشغل

الساعة 3 كلموني و قالولي انها تقريبا حتكلف 6000 و تفصيلها كالاتي باب خلفي 2500
رفرف خلفي 1250
سمكرة 1300
دهان 750
و حيرضوا خبطة بسيطة في باب السواق حاجة قديمة و التسليم بعد اسبوع
انا قلتلهم يبتدوا فيها و ان شاء الله حاقولكم التفاصيل اول بأول

[S O P H O S]

قدر الله وما شاء فعل
وربنا يعوضك خير علي تسامحك ..

[Eng_Moh.Dewair]

الحمد لله على كل شئ . و على فكره اللى انت عملته مش غلط و هتلاقى عوض ربنا اقرب و اسرع من عوض الدنيا

[chahutpartout]

قدر الله وما شاء فعل
وربنا يعوضك خير علي تسامحك ..

الحمد لله علي كل شيء و شكرا جزيلا لاهتمامك

[chahutpartout]

الحمد لله على كل شئ . و على فكره اللى انت عملته مش غلط و هتلاقى عوض ربنا اقرب و اسرع من عوض الدنيا

انا برضة مقتنع اني اللي عملته صح و كل حاجة علي الله في الاول و الاخر
شكرا لاهتمامك

[M.Osama]

الف سلامه عليك.. المهم انك بخير

بالنسبه للتكاليف انا شايف انها مبالغ فيها بصراحه.. ياريت لو حضرتك تسأل سعر الباب كام بره ف الحرفيين والرفرف كمان وتجيبهم من بره وهما يركبوا مش اكتر..

[rompo10]

الحمد الله

[shaaban2008]

العفو من شيم الكرام

فَمَنْ عَفَا وَأَصْلَحَ فَأَجْرُهُ عَلَى اللَّهِ . صدق الله العظيم
سورة الشوري

[Lifz_Good]

قدر الله وما شاء فعل
ربنا يزيدك من كرمه ويعوض عليك

[chahutpartout]

الف سلامه عليك.. المهم انك بخير

بالنسبه للتكاليف انا شايف انها مبالغ فيها بصراحه.. ياريت لو حضرتك تسأل سعر الباب كام بره ف الحرفيين والرفرف كمان وتجيبهم من بره وهما يركبوا مش اكتر..

انا كنت ناوي اعملها برة بس عندي مشكلة في الوقت بسبب ظروف الشغل

و الحمد لله علي كل شيء

[chahutpartout]

الحمد الله

شكرا لاهنمامك

[chahutpartout]

العفو من شيم الكرام

فَمَنْ عَفَا وَأَصْلَحَ فَأَجْرُهُ عَلَى اللَّهِ . صدق الله العظيم
سورة الشوري

صدق الله العظيم

[chahutpartout]

قدر الله وما شاء فعل
ربنا يزيدك من كرمه ويعوض عليك

امين يا رب العالمين

[Motarjim]

قدر الله وما شاء فعل، وربنا يعوضك خيرًا.

[gadieb]

ولايهمك يا باشا والف مليون حمدالله على سلامتك
وان شاء الله ربنا هيعوضك خير وما تزعلش المهم سلامتك وما تعرفش هيا فادت ايه
بس بالنسبه للاسعار عند عصام وصفا خلى بالك ممكن تفاصل شويه هما ناس مرنين بس ما تتعشمش ان المهندس عصام ينزلك كتير وبالنسبه للاصلاح بره طبعاً كان هيكون اوفر من كده بس صاج البروتون سخيف فى سمكرته مش اى سمكرى يطلعهالك زى ما انت عاوز
والباب على فكره استراد فى حدود من 1500 الى 2000
بس المصنعيات الى حاططهالك كتير 750 جنيه دهان و1300 سمكره كتير طبعاً
والحمد لله انك بخير دى اهم حاجه