قدر الله و ما شاء فعل

[chahutpartout]

ولايهمك يا باشا والف مليون حمدالله على سلامتك
وان شاء الله ربنا هيعوضك خير وما تزعلش المهم سلامتك وما تعرفش هيا فادت ايه
بس بالنسبه للاسعار عند عصام وصفا خلى بالك ممكن تفاصل شويه هما ناس مرنين بس ما تتعشمش ان المهندس عصام ينزلك كتير وبالنسبه للاصلاح بره طبعاً كان هيكون اوفر من كده بس صاج البروتون سخيف فى سمكرته مش اى سمكرى يطلعهالك زى ما انت عاوز
والباب على فكره استراد فى حدود من 1500 الى 2000
بس المصنعيات الى حاططهالك كتير 750 جنيه دهان و1300 سمكره كتير طبعاً
والحمد لله انك بخير دى اهم حاجه

انا معاك ان الاسعار غالية بس علي الاقل ضامن جودة في الاداء ان شاء الله
بالنسبة للفصال هو دة السعر المبدئي و ربنا يسهل لما الشغل يخلص

[Motarjim]

انا معاك ان الاسعار غالية بس علي الاقل ضامن جودة في الاداء ان شاء الله
بالنسبة للفصال هو دة السعر المبدئي و ربنا يسهل لما الشغل يخلص

ربنا يرجعها لك كما كانت، بل أفضل.

بس أنا أظن والله أعلم أن مركز عصام وصفا في الموضوع بتاع حضرتك يقوم بدور الـ Outsourcer، يعني في اعتقادي أنه هيعملها السمكرة والدوكو بره، عند حد من الحرفيين مثلاً. ممكن يجيب الباب والرفرف من بره كذلك من عند الراعي أو أي حد شغال فيها استيراد علمًا بأن هناك نقص شديد في الأبواب الخلفية وشنطة وكذلك سقف البرسونا. فطبعًا لا بد يطلع له هامش ربح - ده مش هامش، ده مَتْن!، فعشان كده تبدو التكلفة عالية شويتين.

على فكرة، لاحظت الفترة الأخيرة أن تجار قطع الغيار المستعمل في الحرفيين بدأت تهتم بجين تو شوفت أنصاف لها عند أكتر من واحد مؤخرًا بخلاف الراعي والنادي ونيو ماستر والناس المعروفة - ولكن البرسونا لم أرَ عربيات متقطعة منها مطلقًا حتى الآن.

فربنا ييسر لك الحال، والعربية تتظبط وترجع كما كانت.

[DESIGNER105]

ازاى رفرف خلفى مش فاهم..؟ الرفرف الخلفى ده هيتسمكر مش هيتغير ..هيغيرو ازاى ازا كان الرفرف الخلفى ماشى حته وحده مع بقيت جيم العربيه ؟؟؟؟ الا ازا كان هيقص بقه فى الصاج ؟؟؟؟ حاول تفهم منهم الجزء بتاع الرفرف الخلفى ده ؟؟؟

[chahutpartout]

ازاى رفرف خلفى مش فاهم..؟ الرفرف الخلفى ده هيتسمكر مش هيتغير ..هيغيرو ازاى ازا كان الرفرف الخلفى ماشى حته وحده مع بقيت جيم العربيه ؟؟؟؟ الا ازا كان هيقص بقه فى الصاج ؟؟؟؟ حاول تفهم منهم الجزء بتاع الرفرف الخلفى ده ؟؟؟

انا كنت فاكر زيك بس امشي مع الرفرف حتلاقيه بيخلص قرب المراية بتاعة الباب اللي قدام
انا المفروض استلمها يوم التلات او الاربع فيا مسهل

[DESIGNER105]

انا كنت فاكر زيك بس امشي مع الرفرف حتلاقيه بيخلص قرب المراية بتاعة الباب اللي قدام
انا المفروض استلمها يوم التلات او الاربع فيا مسهل

اه تمام ..عموما ابقى طمنا لما تستتلم انشاء الله تلقيها رجعت زيرو

[chahutpartout]

الحمد لله استلمت العربية يوم الخميس هو كان ممكن استلمها الاربع بس معرفتش عشان ظروف الشغل
هي كدة اخدت شغل حوالي اسبوع عندهم
انا الحمد لله راضي عند الشغل الي اتعمل فيها هي اه كلفتني حوالي 7500 بس الشغل كان تمام

اللي تم فيها:
تغيير الباب الخلفي شمال 2500 - تغيير الرفرف الخلفي شمال 1300
سمكرة الباب الامامي شمال كانت خبطة قديمة و مصنعية فك و تركيب الحاجات اللي اتغيرت 1300
دهان 3 قطع 750
تغيير ماكينة الزجاج الشمال كان فيها خبطة مع القفل و الفتح 250
اصلاح الكالون كان بيقفل بس مابيفتحش 50
صيانة الخمسين الف زيت توتال 10000 650
تغيير ترموستات الكوعة 130
الارقام بالتقريب طبعا و الباقي مصنعيات و ضريبة مبيعات
المشكلة اني اكتشفت لما روحت البيت ان في كتب كانت في شنطة العربية مش موجودة هما كتب كتير و تقال فحكلمهم اشوف راحوا فين
انا راضي الي حد كبير عن اللي تم في العربية و الحمد لله علي كل شيء
و انا دلوقتي عندي سؤال هو سعر العربية بعد الخبطة دي اتأثر قد اية يعني في وقت البيع حاخسر كتير و لا لأ
دة سؤال فرض نفسة بعد المبلغ اللي دفعته

[Al-Farooq]

انت متكلف ، و مغير كل حاجة تقريبا مفيش غير خبطة الباب الامامي ، يعني اكن العربية متخبطتش ، المفروض كدة والله اعلم مفيش تاثير فى اعادة البيع.

[chahutpartout]

انت متكلف ، و مغير كل حاجة تقريبا مفيش غير خبطة الباب الامامي ، يعني اكن العربية متخبطتش ، المفروض كدة والله اعلم مفيش تاثير فى اعادة البيع.

يا رب ان شاء الله

[egyptiandiver]

قدر الله وما شاء فعل + الف سلامه عليك

[zeca]

قدر الله وما شاء فعل << ياب يأجرك في هذه المصيبة ويخلف عليك بالطيب ويعوضك

[chahutpartout]

قدر الله وما شاء فعل + الف سلامه عليك

جزاك الله خيرا

[chahutpartout]

قدر الله وما شاء فعل << ياب يأجرك في هذه المصيبة ويخلف عليك بالطيب ويعوضك

جزاك الله كل خير