مساعدة في موضوع السعر يا اهالي الجين 2

[Rushdan]

عربية جين 2 اوتوماتيك هاي لاين موديل 2010 ماشية 40 الف راشة اكسدام و العربية كشفت عليها عند ميكانيكي و كده قالي ممتازة الراجل طالب فيها 78 ؟؟؟
ما رايكم ايها الناس الكرام عشان سألت ناس قالولي الجين 2 في الستينات عاوز افادة بسرعة عشان ارد عليه

[gehad12]

والله يا باشا هو العداد يعتبر العربية جديده طبعا بس يعني لو خلصت علي 75 يبقي كويس لان الجين 2 2008 بتعمل في حدود لو هي نظيفه 68 فابنسبة لي ان هي 2010 فا 75 كويس يا با شا والله اعلم

[shshtawy]

والله انا شفت كذا واحدة على النت وفى السوق بس الى بيبقى طالب السعر ده بتبقى العربية حالة ممتازة ولو حضرتك شايفها كويسة اتوكل على الله بس فى واحد مرة كان كاتب ان الكشف بيبقى عند واحد اسمه اعتقد عصام صفا واعتقد الى عرفة اى ادمن من المنتدى وخدها واكشف عليها هناك لو قلك حلوة يبقى الخيرة فىما اختارة الله
وانا عن نفسى بحب اشترى العربية حالة نظيفة مهما كان سعرها لانى بستريح فى الى انا بدفعهة 3 او 4 اربع سنين

[tamerosman]

الزيرو ب 105 يعنى لو نزلنا 10اﻻف عن اول سنة استخدام و بعد كده 7 عن كل سنة تيقى قيمتها 80 الف لو نظيفة و مفيهاش حوادث جامدة
اهم حاجة تفحصها فى عصام و صغا و تجرب تسوقها و تشوف نفسك اذا كنت مرتاح لسواقتها

[aliabdo]

بص انا بعتها 2008 اوتو رشه اجزاء بسيطه بره ماشيه 105 ب 75 من حوالى 8 شهور

[DESIGNER105]

لو عرفت توقعها ب75 الف تبقى انت الكسبات ..بس لو العربية نضيفه اوى يبقى تستاهل ال78 واتكل عالله ..العربيات المستعملة النضيفة بتبقى نادرة على فكره ..اهم حاجه الحاله ..لانك ممكن توفر فلوس فى عربيه تانيه وتصرفهم عليها بعد كده ..