مشكلة السخونة فى الواجا ليها حل ولا ملهاش

[holomox]

أنا شايف أن ناس كتير جدا بتشتكى من سخونة العربية بس مش شايف حد بيقول سبب واضح للسخونة ولا حل واضح.
فلو تكرمتو ممكن نخصص الموضوع ده لمشكلة السخونة أسبابها وحلولها.

[eng.m7md.ali]

سخونة ايه؟

انا اول مرة اسمع المشكلة دي

[DESIGNER105]

السخونيه ليها اسباب كتييير. ...خلل فى دورة التبريد ...زى مثلا رداتير مسدود او بيسرب او طلمبة الماية بايزه او ترمستات الكوعة بايز او غطا الردتير بيهرب او تنفيس من طبة ماية فى الماتور او مروحة مش بتشتغل او ممكن بردو جوان وش السلندر ..كل دى اسباب تسخن العربيه طبعا مش كل الاسباب دى مع بعض ممكن سبب واحد منهم يسخن العربيه ولو فيه اكتر من سبب بتبقى المشكله مضعفه ونسبة الخطر اكتر .....المهم مينعش تسكت على مشكله الحرارة دى ابدا ومتمشيش بالعربيه غير لما تتحل ...لازم عداد الحراره ديما يكون ثابت قبل ال90 درجه لو عدى التسعين لازم تقف بالعربيه لحد متبرد وتروح لاقرب مكانيكى .........

[mido_soliman]

انا اول مرة اشوف حد اشتكى من سخونة
دة حتى بطل العالم فى مشاكل الواجا (فيلكس :) ) اشتكى من كل حاجة الا السخونة
ياريت تقولنا اية المشكلة عندك وان شاء الله ندلك على الحل

[tutankhamoun]

هو فعلا الناس أشتكت من كل حاجة إلا موضوع السخونة
حضرتك عندك سبق دلوقتي ... أول واحد يشتكي من موضوع السخونة .
شوف أقتراحات أخواتنا فوق الأستاذ (الفاروق - ميدو سليمان ) و أن شاء الله الموضوع يتحل و تطلع حاجة بسيطة

[mada3030]

بص يا باشا انا دكتور فلاى موضوع السخونه بس بصراحه مش فى الواجا
انما كانت فى العربيه اللى قبلها
احكى العربيه بتسخن ازاى

[ahmed_h_g]

ايه اللى حاصل عندك بالظبط
أكتب اللى حصل معاك بالتفصيل

[Al-Farooq]

على العموم لازم تفوت على الموضوع الاسطوري بخصوص درجات الحرارة المتوقعة لسيارات جمهورية مصر العربية :d
بتاع الباشمهندس احمد - منسق القسم

http://www.nilemotors.net/Nile/267730-a.html

[mido_soliman]

الراجل تقريبا مش معاة واجا اصلا يا رجالة :)

[tutankhamoun]

الراجل تقريبا مش معاة واجا اصلا يا رجالة :)

[holomox]

أنا اسف يا جماعة
أنا فعلا مش معايا واجا وبقالى حوالى 3 أسابيع عمال أقرأ عن العربيات عشان أشتري عربية
و قرأت فى أكتر من موضوع ان الناس بتشتكى من السخونة فى العربية دى فقلت تبقى أكيد عيب مشهور فى العربية وكنت عاوز أعرف ايه حلها
ولكن يبدو أنها كلها مشاكل فردية مش مشكلة عامة

أنا بكرر اعتذارى عن اعتبارها مشكلة عامة أو عيب فى العربية
وأكرر اعتذارى عن تضييع وقت حضراتكم

[D . a .\ AYMAN]

انا اول مرة اشوف حد اشتكى من سخونة
دة حتى بطل العالم فى مشاكل الواجا (فيلكس :) ) اشتكى من كل حاجة الا السخونة
ياريت تقولنا اية المشكلة عندك وان شاء الله ندلك على الحل

حلوة بطل العالم في مشاكل الواجا دي ....

ربنا يباركلك في عربيتك يا فيليكس ... وييسرلك أمرها ويحفظك من شرها