حاجات عاوز افهمها ونا بستلم ال جين2 ضروووري؟؟

[a7med.ossama]

بسم الله الرحمن الرحيم

ان شاالله هستلم العربية بكرا من المعرض بس فشوية اسال قلقاني ؟؟

1- ان شاري العربية بالتقسيط والموظف بتاع المبيعات بيستعجلني اني استلمها مع ان ورقها لسه مخلصش يعنى هخدها ع مسؤليتي .. وبيقولة بكدة الورق هيخلص اسرع.. ياتري دة صح ولا بينجز عشان ياخد حسنتة؟؟

2- اى الحاجات ال ادور عليها ف العربية؟؟

3- اعرف منين ان العربية بضمان الوكيل؟

4- هي ال جين 2 فيها ebd??

5- ازاى اتعامل مع المندوب ال هيجي معايا عند الترخيص مع العلم اني هاخدو معايا سينا والمعرض ف القاهرة؟؟ عشان حاسس ان ف رمى باله كدة وحاجات مش تمام

[mido_soliman]

بسم الله الرحمن الرحيم

ان شاالله هستلم العربية بكرا من المعرض بس فشوية اسال قلقاني ؟؟

1- ان شاري العربية بالتقسيط والموظف بتاع المبيعات بيستعجلني اني استلمها مع ان ورقها لسه مخلصش يعنى هخدها ع مسؤليتي .. وبيقولة بكدة الورق هيخلص اسرع.. ياتري دة صح ولا بينجز عشان ياخد حسنتة؟؟

اية المشكلة ما تستلمها عادى ؟

2- اى الحاجات ال ادور عليها ف العربية؟؟

ولا اى حاجة بص عليها من برة وسمى الله وتوكل على الله :) انا عملت كدة فى عربيتى والله العظيم تلاتة يوم ما استلمتها من الوكيل (اصل بص لو مكتوبلك يبقى فيها اية ......حيكون)

3- اعرف منين ان العربية بضمان الوكيل؟

لازم تكون بضمان الوكيل مفيش بروتون بيجى مصر الا عن طريق الوكيل (فمش محتاج تتاكد يعنى هى كدة كدة بضمان عز )

4- هي ال جين 2 فيها ebd??

اينعم

5- ازاى اتعامل مع المندوب ال هيجي معايا عند الترخيص مع العلم اني هاخدو معايا سينا والمعرض ف القاهرة؟؟ عشان حاسس ان ف رمى باله كدة وحاجات مش تمام

المفروض انة بيخلص كل حاجة
وانت تديلة حسنتة فى اخر اليوم وخلاص (خمسيناية بالكتير اوى وتكون عامل معاة الواجب )

مبروك مقدما

[manfromegy]

مبروك مقدما علي العربيه.نصيحة ياباشا.أنا شاري بالتقسيط من ناصر.البنك بيديك الورق علي المرور اللي هاترخص فيه.بعد كدا المعرض بيجهز الورق و يتصل بيك علشان تروح تستلم و تروح المرور و ياريت لو تأمن علي العربيه قبل ما تتطلع من المعرض يكون أفضل(للأمان و ربنا الحافظ طبعا).و ضروري تتأكد من ضبط ضغط الهواء في اول بنزينه لما تخرج.ودا لينك للخطوات بالضبط.http://www.nilemotors.net/Nile/212786-a.html

[a7med.ossama]

الحمد لله استلمت العربية وهي تمام وزي الفل بس الفرش تعبان شوية بس غير كدة كل الحمد لله زى الفل...

[eng.m7md.ali]

الف الف مبروك على الاستلام .. بس الفرش تعبان ازاي تقصد القماش نفسه ولا في مشكلة في الفرش؟

[a7med.ossama]

القماش تعبان ومش متقفل كويس

[a7med.ossama]

بس انا بس نفسي اتا كد هى فيها ebd ولا لاا

[D . a .\ AYMAN]

أي فرامل انهاردة طالما فيها abs لازم يكون فيها ebd ... الاثنين دول دايما مع بعض ... نظامين مكملين لبعض

وعموما هي فيها abs+ebd

والف مبروك على العربية وربنا يرزقك خيرها ويكفيك شرها