مفيش جديد عن الجين 2 face life (cps) 125 hp

[nanas]

اهلا يا جماعه
انا عايز اعرف بدون ما حد يفتى الجين 2 face life (cps) 125 hp نزلت ولاهتنزل اصل انا بصراحه مجهز فلوسى علشان اشتريها لو نزلت او هتنزل ولو مش هتنزل هشترى جين 2 سبورت باكيج
وياريت اللى يعرف ايه اكبر الفروق بين جين 2 face life (cps) 125 hp و بين الجين 2 سبورت باكيج يقول عن تجربه مش قراءه من النت
شكرا:nerd:
اسف نصيحه انتظر ولا اشترى ؟

[Eng.Sameh]

ال Cps ما نزلتش ومش هتنزل ، وده من مدير الشرق الأويط ببروتون ومن مدير بروتون في مصر ، وجها لوجه ، ومحدش يقدر يقولك الفروق عن تجربه لأن محدش في مصر ركبها ، لكن المتاح هيه الفروق في المواصفات ، وهتلاقي موضوع مخصوص موضح الفروق دي ،

وربنا يوفقك للصالح

[nanas]

انا فاهم ان مفيش حد جربها بس انا اقصد الجين 2 سبورت باكيج اى عيوب او مميزات حتى لو بسيطه لان والدى لو عرف عيب فيها بعد الشراء هيبهدلنى كائنى انا اللى مصنعها انا طبعا اقصد عيوب اساسيه غير عيوب التصنيع اللى وارد تلاقيها فى اى عربيه وتوكيل بيعدلها يعنى العربيه اللى مفيهاش عيوب تصنيع ايه عيوبها ولو بسيطه
وشكرا :nerd:

[AhmedGen2]

السبورت باكيج بتبقى زيادة عن الجين تو العادية سبويلر وعتب بس يعنى شكل أحسن وبس ، لو صادفت عيوب هتبقى فى الغالب عيوب تقفيل يعنى اللى بتتصلح فى التوكيل فورى.

[nanas]

السبورت باكيج بتبقى زيادة عن الجين تو العادية سبويلر وعتب بس يعنى شكل أحسن وبس ، لو صادفت عيوب هتبقى فى الغالب عيوب تقفيل يعنى اللى بتتصلح فى التوكيل فورى.

يعنى مفيش عيوب زى صوت الموتور

[Powert]

العيوب قلت وكمان صوت الماتور ده مكانش عيب

صوت الماتور عامل زي صوت عربيات السباق

وهو فعلاً قللوا الصوت في النسخة الجديدة

[nanas]

طيب ممكن لو حد هنا من الاسكندريه ومعه الجين 2 يكلمنى علشان نتعرف و اشوفها على الطبيعه هى شغاله لان فى التكويل بتتفرج وتركب بس من غير ما تدورها وعموما انا مستنى اخلص امتحانات واروح اسال على الجين 2 الجديده فى التوكيل اى حد من الاسكندريه معه الجين 2 ياريت يكلمنى
شكرا :nerd:

[Migo123]

ال Cps ما نزلتش ومش هتنزل ، وده من مدير الشرق الأويط ببروتون ومن مدير بروتون في مصر ، وجها لوجه ، ومحدش يقدر يقولك الفروق عن تجربه لأن محدش في مصر ركبها ، لكن المتاح هيه الفروق في المواصفات ، وهتلاقي موضوع مخصوص موضح الفروق دي ،

وربنا يوفقك للصالح

سبحان مغير الاحوال

[densfog]

طيب ممكن لو حد هنا من الاسكندريه ومعه الجين 2 يكلمنى علشان نتعرف و اشوفها على الطبيعه هى شغاله لان فى التكويل بتتفرج وتركب بس من غير ما تدورها وعموما انا مستنى اخلص امتحانات واروح اسال على الجين 2 الجديده فى التوكيل اى حد من الاسكندريه معه الجين 2 ياريت يكلمنى
شكرا :nerd:

للأسف يا سيدى انا لسه مشتريتش الجين 2 ولكن ناوى استنى facelift (iafm) حتى اخر العام كحد اقصى والا ساشترى السبورت باكج لو تقدر تستنى ممكن نكون مجموعة تحاول تاخد عرض كويس من الوكيل (فى خلال شهر 11 او 12 بالكتير باذن الله) وممكن لو كنت صبور تقرا موضوع اخر اخبار الجين 2 facelift بتاع justs حتستفيد كتير
اسلام ابراهيم - مهندس ميكانيكا - الشركة العربية لانابيب البترول (سوميد)

[densfog]

سبحان مغير الاحوال

بالله عليك متخليش الدمعة تفر من عينى

[Migo123]

بالله عليك متخليش الدمعة تفر من عينى

يا مقلب القلوب ...قلب قلوبنا على حبك وحب من احبك وحب كل عمل يقربنا الى حبك
اللهم آمين

[Eng.Sameh]

سبحان مغير الاحوال

يا باشا والله مش انا اللي اتغيرت ، هما اللي غيرو موضوع السي بي اس ، قلنا طيب IAFM بكمليات هاي لاين ، وبردو معجبهمش ، وفي الاخر البيه الماليزي مش هينفع ينزل كماليات الهاي لاين ، والبيه المصري بيقول استنو شهر عشان نعرف اللي هيتفضلو بيه علينا ، والكل عارف انا بقالي اكتر من 6 شهور في مكالمات وايميلات وصبرت عليهم لحد النهايه ، يعني انا مكنتش بقول كلام وخلاص ولما لقيت حاجه احسن غيرت رأيي ، وكوني دلوقتي وبعد اكتر من 6 شهور انتقلت لبديل تاني فده طبيعي ، وكوني بقول ان البديل التاني احسن بمراحل فبردو دي حقيقه وبالذات لما ربنا وفقنا في الأسعار اللي في عرض مازدا3 ، وفي النهايه الموضوع مش تعصب لماركه وخلاص ، ولما تكون هيه ماركه لسه مبتدئه وحتى مش عاوزين يجبولنا اعلى حاجه فيها اللي هيه اصلا يا دوب تبقى عربيه محترمه ، يبقى بلاها خالص والواحد يجيب حاجه محترمه من سنين وجودتها تريح دماغه ،

ممكن كلامي ده ميعجبش ناس ، بس ده رايي بمنتهى الحياديه

[Migo123]

يا باشا والله مش انا اللي اتغيرت ، هما اللي غيرو موضوع السي بي اس ، قلنا طيب IAFM بكمليات هاي لاين ، وبردو معجبهمش ، وفي الاخر البيه الماليزي مش هينفع ينزل كماليات الهاي لاين ، والبيه المصري بيقول استنو شهر عشان نعرف اللي هيتفضلو بيه علينا ، والكل عارف انا بقالي اكتر من 6 شهور في مكالمات وايميلات وصبرت عليهم لحد النهايه ، يعني انا مكنتش بقول كلام وخلاص ولما لقيت حاجه احسن غيرت رأيي ، وكوني دلوقتي وبعد اكتر من 6 شهور انتقلت لبديل تاني فده طبيعي ، وكوني بقول ان البديل التاني احسن بمراحل فبردو دي حقيقه وبالذات لما ربنا وفقنا في الأسعار اللي في عرض مازدا3 ، وفي النهايه الموضوع مش تعصب لماركه وخلاص ، ولما تكون هيه ماركه لسه مبتدئه وحتى مش عاوزين يجبولنا اعلى حاجه فيها اللي هيه اصلا يا دوب تبقى عربيه محترمه ، يبقى بلاها خالص والواحد يجيب حاجه محترمه من سنين وجودتها تريح دماغه ،

ممكن كلامي ده ميعجبش ناس ، بس ده رايي بمنتهى الحياديه

سامح باشا انا مش معترض اطلاقا على قرارك بانك تغير اتجاهك من عربيه للتانيه ... ده قرارك الشخصي وفي الحالتين انا بتمنى ليك ولكل الناس اللي معاك كل التوفيق لاننا في الاخر اخوات ومصلحتنا واحده

اعتراضي الوحيد انك لما بتتحمس لعربيه ما بتشوفش فيها غير مميزات و كتاباتك كلها بتبقى عن حلاوة العربيه وادائها الجبار وكماليتها الغير مسبوقه ......... انت وصلت لمرحلة انك كنت بتقارن بين الجين الجديدة و الاوكتافيا و بتحاول تقنع الناس ان الجين 2 تكسب .... (وانت شخصيا كنت مقتنع بانها احسن )

حماسك جميل .... بس بلاش يبقى بالشكل الي يخليك ما تعرف تقييم الموقف صح ... خصوصا مع ايجابيتك و حركتك السريعه اللي بتخليك تقنع ناس كتيير انها تمشي معاك في مشروعك ..

يعني دلوقتي بخصوص صفقه الماذدا انت مش شايف عربيه غيرها في الدنيا ...... وهي دي العربيه الوحيده الخاليه من العيوب
رغم ان شراء العربيه دي مخاطره غير محسوبه العواقب بالنسبه لاي حد في مصر .... لعدم وجود وكيل .... اقل حاجه قولي هتلاقي قطع غيارها ازي .... واسعارها بكام .

وبلاش ردود من عينه انها موجوده ومرطره لان التجربه العمليه اللي عملها زميل وكتبها في موضوعك اثبتت ان قطع الغيار فعلا مشكله وغير متوافرهومحتاجه مجهود عشان تقدر تحافظ على العربيه بحالتها لفتره ......... يعني انت اللي هتشتغل عند العربيه مش هي الللي هتشتغل عندك .... ولو كان في فعلا اي بيانات موجوده عن اسعار قطع الغيار واماكن تواجدها كنت انت اول واحد نشترتها في موضوعك

عايز بديل ........ روح اركب الامبيريزا وجربها وانت تعرف الفرق
وكمان في وكيل محترم
وقطع غيارها معروف اولها من اخرها
يعني اقدر اخد قرار وانا عامل حساباتي مش مظبوط
مش داخل في المجهول

معلش انا استفزني قوي انك عملت موضوع كتبت فيه اشعار عن عربيه (جن 2 فيس ليفت)مليت بيها مئات الصفحات في المنتدى .........وجاي دلوقتي تقول لا محدش عارف حاجه عنها ولا في حد يقدر يقول حلوه ولا وحشه.
ارجوك متزعلش من ردي .... بس الهدف من المنتندى ان يكون في مصداقيه في كل كلمه بتتكتب عشان متشيليش ذنب واحد يمشي ورا كلامك و يتدبس.

[Eng.Sameh]

سامح باشا انا مش معترض اطلاقا على قرارك بانك تغير اتجاهك من عربيه للتانيه ... ده قرارك الشخصي وفي الحالتين انا بتمنى ليك ولكل الناس اللي معاك كل التوفيق لاننا في الاخر اخوات ومصلحتنا واحده

اعتراضي الوحيد انك لما بتتحمس لعربيه ما بتشوفش فيها غير مميزات و كتاباتك كلها بتبقى عن حلاوة العربيه وادائها الجبار وكماليتها الغير مسبوقه ......... انت وصلت لمرحلة انك كنت بتقارن بين الجين الجديدة و الاوكتافيا و بتحاول تقنع الناس ان الجين 2 تكسب .... (وانت شخصيا كنت مقتنع بانها احسن )

حماسك جميل .... بس بلاش يبقى بالشكل الي يخليك ما تعرف تقييم الموقف صح ... خصوصا مع ايجابيتك و حركتك السريعه اللي بتخليك تقنع ناس كتيير انها تمشي معاك في مشروعك ..

يعني دلوقتي بخصوص صفقه الماذدا انت مش شايف عربيه غيرها في الدنيا ...... وهي دي العربيه الوحيده الخاليه من العيوب
رغم ان شراء العربيه دي مخاطره غير محسوبه العواقب بالنسبه لاي حد في مصر .... لعدم وجود وكيل .... اقل حاجه قولي هتلاقي قطع غيارها ازي .... واسعارها بكام .

وبلاش ردود من عينه انها موجوده ومرطره لان التجربه العمليه اللي عملها زميل وكتبها في موضوعك اثبتت ان قطع الغيار فعلا مشكله وغير متوافرهومحتاجه مجهود عشان تقدر تحافظ على العربيه بحالتها لفتره ......... يعني انت اللي هتشتغل عند العربيه مش هي الللي هتشتغل عندك .... ولو كان في فعلا اي بيانات موجوده عن اسعار قطع الغيار واماكن تواجدها كنت انت اول واحد نشترتها في موضوعك

عايز بديل ........ روح اركب الامبيريزا وجربها وانت تعرف الفرق
وكمان في وكيل محترم
وقطع غيارها معروف اولها من اخرها
يعني اقدر اخد قرار وانا عامل حساباتي مش مظبوط
مش داخل في المجهول

معلش انا استفزني قوي انك عملت موضوع كتبت فيه اشعار عن عربيه (جن 2 فيس ليفت)مليت بيها مئات الصفحات في المنتدى .........وجاي دلوقتي تقول لا محدش عارف حاجه عنها ولا في حد يقدر يقول حلوه ولا وحشه.
ارجوك متزعلش من ردي .... بس الهدف من المنتندى ان يكون في مصداقيه في كل كلمه بتتكتب عشان متشيليش ذنب واحد يمشي ورا كلامك و يتدبس.

اولا يا باشا احنا طبعا اخوات وحبايب ،

انا كنت فعلا عامل استطلاع وحاطط فيه سيفيك ولانسر الجديده ، بس عمري ما قارنتها مع الأوكتافيا ، وكمان عمري ما قولت ان الجين2 احسن من السيفيك او اللانسر الجديدة على الأطلاق اللي كنت بقوله انها افضل كقيمه مقبل السعر ، وحتى ساعة ما كنا بنتناقش في الموضوع اللي قلب " ملوخيه " ، لو كنت متابع هتعرف اني ساعتها قولت وانا كنت لسه بحاول في الجين2 الجديده ان الفرق بين الليون مثلا والجين2 في الجودة كتير عليه الفرق في السعر لكن طبعا على الأطلاق الليون افضل ، وحمد ابيزا والمهندس شريف يصدقو على الكلام ده وهما نفسهم ساعتها قالو ان رايي حيداي جدا ،

نيجي للمازدا3 ، واللي معددتش في مزاياها ربع ما عددت في مزايا الجين2 ، رغم انها افضل طبعا ، بس يمكن لأنها مش مستاهله اعرف الناس بيها والناس اعتقد انها عارفه قيمتها ، ومقولتش انها العربيه الكامله ، ولو معايا اجيب بي ام 316 زيرو هجيبها وهتبقى احسن عندي طبعا من مازدا3 ، واصلا بردو لو كنت متابع مواضيعي ، انا وموضوع الجين2 لسه شغال ، كنت عامل مقارنه في قسم المقارنات بين سيفيك وليون ومازدا3 ، واستبعدنا السيفيك ، وفضلت محتار بين الليون والمازدا3 ، واخترت في الأخر المازدا3 بالذات عشان الأوتوماتيك وكمان شكلها عاجبني جدا واعتماديه جدا بردو وكماليتها وخماتها ممتازه ،

نيجي لنقطة الوكيل وقطع الغيار اللي انت شايفها مخاطره غير محسوبة العواقب ورغم ان التعبير ده معناه اني متسرع وغير مقدر للأمور ، بس انا عارف انو مش قصدك ،

ولكن ده غير صحيح والعواقب محسوبه ، ازاي

1 - العربيه هتكون بضمان سونستا ، والكل عارف ان سونستا اللي بيعمله الصيانه هو يس اللي بيعمل صيانة البي ام ، وقطع الغيار متوفره عنده

2 - يوجد اتو ماجد بيعملها صيانته لو من غير ضمان او لو عطلت في يوم يكون يس قافل فيه :)

3 - قطع غيارها موجوده في كذا مكان زي الحرفيين ، واماكن تانيه ، وده من اصحابها اللي معاهم العربيه .

واعتقد مفيش احسن من كده ،

ولما ربنا يوفقنا لعرض زي اللي جبناه ، تبقى فعلا فرصه لا تعوض ، خاصة ان العربية بشهادة معظم الأعضاء زكل من اعرفه او قرأت له من مالكيها ممتازه ممتازه ممتازه شكلا وجودة وتقفيل ومتانه


ارجو ان الصوره تكون اتضحت ، وربنا يوفقنا جميعا الى ما فيه الصالح