بروتون غريبة مصر

[D . a .\ AYMAN]

حد يعرف دي بروتون إيه

قابلتها في رمسيس ومش مكتوب عليها أي حاجة غير بروتون ... للأسف أنا مش خبير في موديلات بروتون قوي

بس ما شاء الله شكلها جميل برغم إنها موديل قديم

بس الغريب بقى إن دي أكيد ما دخلتش عن طريق الوكيل ... مع إن مكتوب على الزجاج الخلفي عز العرب ... ولو نازلة وكيل معقولة هو كان بينزل موديلات تاني الويرا والواجا زمان .. الراجل ده هو اللى ظلم بروتون في مصر ... بصراحة مش عارف بروتون ماليزيا عاجبهم فيه إيه


فكركوا صاحبها بيعمل إيه في قطع الغيار وبيتصرف فيها إزاي

[Al-Farooq]

نزلت عن طريق التوكيل زمان ، وكانوا كام عربية " تقريبا خمس عربيات بس ، مش متأكد من العدد بالضبط"
وممكن تشوف زيها تاني بالصدفة ، وفى واحدة حمراء او ابيض شوفتها قبل كدة تقريبا.

[D . a .\ AYMAN]

ياه كتير قوي خمس عربيات :)

بس موديلها إيه أصلا .. مش باين خالص

ما شاء الله ربنا يباركله فيها ويحفظهاله ... شكلها جميل جدا .. أو يمكن عشان أنا بحب الهاتش باك

[Al-Farooq]

تقريبا فى واحدة زيتي كمان ، معلش ملخبط فى الألوان :d
اسمها Savvy.
انا مش متأكد من العدد بس كان حاجة قليلة جداً ، تتعد يعني.

[Nistelrooy]

مش دي برضوا الاستاذ امر عندة واحدة زيها !

[D . a .\ AYMAN]

مش دي برضوا الاستاذ امر عندة واحدة زيها !

قصد حضرتك المهندس آمر مدير الصيانة في بروتون عز العرب ؟ ...

يبقى عشان كدة قطع غيارها متوفرة

[tutankhamoun]

العربية دي نزل منها عدد محدود للتجربة
علشان يشوفوا هاتمشي في السوث و لا لاءة .
و كان ثمنها غالي على الحجم ده
العربية 1200 سي سي و كان ثمنها قريب من ثمن الجين 2 (أيامها كانت نازلة بحاجة و سبعين ألف ) في 2006 و 2007
طبعا ده كان رقم حزعبلي على عربية بالحجم ده بأسم بروتون

المهم العربية كانت نازلة أوتوماتيك ... ستبترونيك .

العربية فازت في سنة 2008 تقريبا أفضل سيارة في آسيا في توفير البنزين
عملت 22 كم لكل لتر بنزين .......... يعني 5 لتر لكل 100 كم

العربية دي بتبيع في أنجلترا كويس علشان موضوع توفير البنزين
عيبها قطع الغيار الغالية (حتى في أنجلترا )
العربية دي على الطبيعة شكلها روعة بجد

أسمها سافي .......... زي ما الأستاذ الفاروق شرح .

[Ahmed.Ali]

انا ركبت العربيه الي كانت مع المهندس امر :) روعه من جوه علي حجمها بس هي مش معاه دلوقتي و في واحده مع مهندس ساب عز و راح البفاريه و كنت بشوفها كتير في القطاميه

[mido_soliman]

[D . a .\ AYMAN]

العربية دي نزل منها عدد محدود للتجربة
علشان يشوفوا هاتمشي في السوث و لا لاءة .
و كان ثمنها غالي على الحجم ده
العربية 1200 سي سي و كان ثمنها قريب من ثمن الجين 2 (أيامها كانت نازلة بحاجة و سبعين ألف ) في 2006 و 2007
طبعا ده كان رقم حزعبلي على عربية بالحجم ده بأسم بروتون

المهم العربية كانت نازلة أوتوماتيك ... ستبترونيك .

العربية فازت في سنة 2008 تقريبا أفضل سيارة في آسيا في توفير البنزين
عملت 22 كم لكل لتر بنزين .......... يعني 5 لتر لكل 100 كم

العربية دي بتبيع في أنجلترا كويس علشان موضوع توفير البنزين
عيبها قطع الغيار الغالية (حتى في أنجلترا )
العربية دي على الطبيعة شكلها روعة بجد

أسمها سافي .......... زي ما الأستاذ الفاروق شرح .

ياباشا ماتحرمناش من مشاركاتك الجميلة دي كتير بتوحشنا والله

جزاك الله خيرا ... فعلا العربية ما شاء الله كانت شكلها جميل جدا من برة وهي ماشية بجواري في الطريق

انا ركبت العربيه الي كانت مع المهندس امر :) روعه من جوه علي حجمها بس هي مش معاه دلوقتي و في واحده مع مهندس ساب عز و راح البفاريه و كنت بشوفها كتير في القطاميه

عشان كدة فعلا تلاقي قطع غيارها كانت متوفرة

[D . a .\ AYMAN]

جميلة جدا من جوة ومن برة

بروتون محتاجة تنزل حاجة من الفئة دي لأنها حاليا هاتنافس جامد الفترة اللى جاية

بس طبعا مايكونش سعرها أغلى من البيكانتو مثلا ... لازم تكون منافسة ليها

وطبعا قبل ماينزلوها لازم يكونلهم وكيل تاني غير عز العرب

وطبعا اللى انا بقوله ده حلم أصلا

[ahmed_h_g]

انا ركبت العربيه الي كانت مع المهندس امر :) روعه من جوه علي حجمها بس هي مش معاه دلوقتي و في واحده مع مهندس ساب عز و راح البفاريه و كنت بشوفها كتير في القطاميه

المهندس هانى الغندور

[S O P H O S]

شكلها لطيف والله